يكفيك عن سرد السوالف غيابي
 

عن العوج واللي يحب العواجه
يكفيك عن سرد السوالف غيابي

البارحه واليوم هرج وعجاجه
واصبح على روس النوازي ضبابي

مرحوم ياللي في نهار المواجه
مايعطي العدوان مقرن علابي

جاني بعتمة ليل يوضي سراجه
ينشد وعلمته دواعي عتابي

ولي قال وصل العلم عنق الزجاجه
وقفى حزين وجرح وقتي سطابي

بعده ماليه بالمساكين حاجه
يكفي طموح النفس حضرة جنابي

عدو جدك لو ضحك لك حجاجه
لابد مايرميك رمية صوابي

ترا كلام الترمذي يابن ماجه
صحيح لو مافيه نزل كتابي

صدقت ماصدقت ماهي لجاجه
القاف ياللي تفهم العلم شابي

صح بدنك وعتلا شااانك

صح السانك أخي سعدقصيده جزله
بهاكليمات مفيده وجمل رايعه وفيها
مفردات رايعه وبها كلام حكمه جميله

لاهنت وصح السانك

تقبل التقدير والاحترام

وفقك الله

صح لسانك واعتلا شانك

صح الله السانك


قصيدة عانقة السماء بجزالتها وأبداعها

تحياتي لك