الا يا الله يا محيي العظام ومخضـر الاوراق=تجـمـعـنـا عــلــى عــلــم الـصـحـيـح ولاتـفـرقـنـا
بفضلك ومعروفك تفرج الضيقه لصدرٍ ضاق=يــا عـالـم هـمـنـا بالـصـبـر والـسـلـوان تـرزقـنـا
بلشنـا وانبلشنـا بجيـل مـا ينقـاد مـا ينـسـاق=يعاديـنـا لـيـا مـنـه شـبـع وإن جـــاع صـادقـنـا
ما حشنا من وراه إلا التعب والـذل والارهـاق=بـلاشـي نفـعـه وشـفـعـه يالـيـتـه مـــا يعايـقـنـا
همـوم انطيقهـا لكـن فيـه هـمـوم مــا تنـطـاق=تعبنـا مـن الهمـوم اللـي صـداهـا مــا يفارقـنـا
فقدنـا الطيـب والترحـيـب والتقـديـر والاخــلاق=وعايـشـنـا طـرايــق مـحـدثـه مــاهــي طـرايـقـنـا
مـنــول لادعـيـنـا لـلـفـرح نسـتـانـس ونـشـتـاق=وهلحينـه يـا حتـى افراحـنـا صــارت تضايقـنـا

يا بوك أنا يا أحمد لي اسنين تعبان = وقبـل التعـب يقضـي عليـه بظـمـك
ظمة وفـاء ظمـة دفـاء شانهـا شـان = ظـمـة غــلا ظـمـة مـحـبـه تـعـمـك
ظمـه لهـا فـي فوهـة القلـب دخــان = ظـمـة تـحـول لهـفـة الـشـوق يـمـك
ظمـة يحـس بنبضهـا كـل شـريـان = ظـمـة لـهـا تأثـيـر يـجـري بـدمــك
في ظمتك بلسم شفاء كـل الاحـزان = وفي ظمتك زخة مطـر يـوم اشمـك
أنـا عـلـى ظمـتـك بالحـيـل شفـقـان = ودي أبـعـثــر ذكـريـاتــي والــمــك
حاول تحـس بلهفتـي قـدر الإمكـان = انـا تــراي أخــوك وابــوك وامــك
يابوك أنا احبك على طول الازمان = وزوداً علـى همـي تحمـلـت هـمـك
لا تبتعـد عنـي بظمـك بالاحـضـان = دنيـاي قـدمـي تبتـسـم يــوم اظـمـك

السلام عليكم ورحمة اللة

اقدم لكم هذه القصيده لشاعر :صويلح السحيمي
شاعر يتمتع بسلاسة متقنه وحرفنه شعريه بكلمات تصطاد الروعة اتمنى ان تنال على اعجابكم

العام لي دنيا وسيعه لمشهاي=وشعر الغزل فالبوك ماجف حبره
اغازل القمرا على حيد مركاي= وعندي من ادروس المحبين عبره
واعزف على الاوتار واعزف على الناي=واقول يبقى لي من الصوت نبره
وليل الوله يسري على ضو مسراي=والعين ماهلت على الخد عبره
قلبي خضر يمشي على قد ممشاي=توه صغير (ن) هقوته طول شبره
هذا هوى بالي من ادناي لقصاي=ولاكنت احسب احساب ليام غبره
واليوم يافيحان ياضيق دنياي=اضيق على صاحبك من ثقب الابره
غبر العواصف كدّرت صفوةاجواي=ونحل الخليه شد من فعل دبره
واعضايه السبعه ماكنها اعضاي=كلن على الثاني تقل فيه كبره
والداء طلع له ريش من وصفة دواي=والعضم جاه السقم من كل هبره
الطفل يجبره شد وارخاي= وعظم الجمل يصعب على الناس جبره
اخفي عن الحيين سري وشكواي=وابكي على من مات وازور قبره
واقفي عن المقفي يلو قال لي جاي=دام المقفي ماتجي منه دبره
يمناي واضعها على كف يسراي=واخذت لي من قسوة الوقت عبره
احيان اقول الضيق ثمرة خطاياي= واحيان اقول ان الحلا صار صبره
ابنتظر واصبر وابي زبدة الراي= والمنتظر مايقتله غير صبره

يــاسعد لاتحــسـبن الجـرح طـاب=والله انـه مــلــتــهب والــــجرح نيش
كل مـــاطال الـــزمن طال الـــعـــذاب=اوزن الــنـــيـــشـــان والــــبــــندق تطيش
فـــيـــه ناس تـــرجع الــشــايب شـــباب=وفـــيــــه نــاس(ن)مــاوراهـــا الا الــنــهــيــش
يــفـــرح الـظــامــي لـــيـــا شـاف الـــسراب=ويصرخ المقروص من صوت الوشيش
الــــسراب يــضنه الـــظامي شراب=الــظــما هــشـــهش مـعـالــيقــه هــشـــيـش
والــوشـــيـــش يـــضنـه الـــمـــقروص داب=مـانـسـيــها قـــرصة الداب الــغــشــيــش
مـايـعـيـش الـصـقــر فــــي عــــش الــغـــراب=وكـــل طـيــر فـــي غـيــر عـشــه مايـعـيـش
وان نــبــت لــــه ريــــش حــلــق فـالـسـحـاب=ومسـتـحـيـل يـطـيــر طــيــر بــــدون ريــــش