قف يازمن لحظه وهدي يالأيام
 

السلام عليكم ورحمة الله وبركاته
هذي قصيدة جاريت فيها الأخ الشاعر محمد العيسى

قف يازمن لحظة وهدي يالأيام
وردد صدى- ياكون- روعة كلامه

ويا أقمار بثي ذبذباتك للإعـلام
وأستقبلي ياأطباق بصمة بهامه

حر رقي متن الهوا بالسماء حام
وافي مع الخوه وبالشعـر قـامـه

الصاحب الوافي على طول الأيام
ثابت على المبـدا وضابط نظامـه

راع الوفـا نادر وجـوده ليا قـام
عنـد الشـدايد ما تـراقل عظامـه

تلقى وفيّ مابين تسعه بالأحلام
وتسعيـن بالمية نصيـب اللآمـه

كم مدعي له يكشفه نفض الأكمام
يخيـب ظنـك فيـه عنـد إنهزامـه

أحدٍ لأجل خـوياه يدعس على الغام
وأحـدٍ يسابـق بالفــرار النعـامــه

وختـامهـا طبع الوفـا بيـن الآنـام
اللـه يعظـم فيـه أجـر الرخامـه

صح السانك قصيده رايعه شرفتني بها
مجارتك لي اتشرف بهاوعتزبمجارتك كثير

صح بدنك وماعليك زود
الشرف لي بمجاراتك في قصيدة تتحدث عن المعيار الحقيقي للصداقة ( الوفا ) ويستشف منها طيب أصيل القائل في مشاعره تجاه صديقه
الله يعطيك العافيه
تحياتي

صح بدنك ووجهك أبيض
الله يعافيك
تحياتي

صح بدنك
الله يعافيك
تحياتي

صح لسانك
ابداع وتميز

صح الله السانك


قصيدة عانقة السماء بجزالتها وأبداعها

تحياتي لك