اليله الشعر فتل ونقض عبر النظـام=ونلعب مع اللي ماهو معنا ولاعندنـا
يا الحارثي لاتخيل البرق والبرق شام=وان كان طاح المطر بدياركم ودنـا

الليله الملعبه معنن يقص العظـام=ياويلكم لو يبيح الغيض من سدنا.
ياصاحب المعرفه دامك رفيع المقام=ان كان طاح المطر لاتقترب حدنا

من قام ما طاح واللي طاح ولوكان قام=اللي عرف مزحنا مثلك عرف جدنـا
انـا رفيـع المقـام ولاعليـه مـلام=وعن نعمت الله ترى شرواك ماردنـا

انصحك ياصاحبي ياعود مدري غلام=عن دربك اللي مودينا معـه ردنـا
وقل للسناني بعد ماجات برد وسلام=بعد العشا اليوم بكره غدنـا غدنـا.

وش يمسك المخ لمنا كسرنا العضام=وانتو على عدكم وانا علـى عدنـا
ابشر يا ابوزيد وجيك العشاء واليدام=والطيب اللي نمـده ماجحـد مدنـا

(فتل)

يا الحارثي لاتخيل البرق والبرق شام=وان كان طاح المطر بدياركم ودنـا

(نقض)

ياصاحب المعرفه دامك رفيع المقام=ان كان طاح المطر لاتقترب حدنا

(فتل)

من قام ما طاح واللي طاح ولوكان قام=اللي عرف مزحنا مثلك عرف جدنـا

(نقض)

انصحك ياصاحبي ياعود مدري غلام=عن دربك اللي مودينا معـه ردنـا