|
ياحرب اعزيكم بعد موت صياف==عز الله انه راح منّا وليدة (مرثية)
السلام عليكم ورحمة الله وبركاته كل الكلمات لاتعبر مقدار حزني على رحيل الرمز العلم قلب المحاورة النابض شاعر الخليج الأول شاعر حرب صياف السحيمي رحمه الله وأسكنه فسيح جناته وألهم ذويه الصبر والسلوان وبسمي وبسم والدي ماجد بن محمد وأخواني وبني عمي أعزي كافة قبائل حرب عامة وذوي الفقيد وأولاده خاصة وأقدم لكم هذه المرثية التي كتبتها قبل قليل حال علمي بالوفاة
ياحرب أعزيكم بعد موت صياف = عز الله انه راح منّا وليدة له ماقفن ماهو مثل كل ميقاف = واللي خلقني انه اكبر فقيدة مايجهل المعنى ولايعجزه قاف = وان جت بيوته وافيات وسديدة بالملعبة عدى على كل مشراف = كن الشعر عبده وهو صار سيده ماعمره اخطى او حصل منّه اخلاف = متواضعاً راع الفعول الحميدة يدلك انه كامل بكل الاوصاف = من غيرنا تبكيه ناساً بعيدة الموت حق وقبلنا راحوا اسلاف = يوم المدامع من فراقه وقيدة يالله عسى الفردوس منزال صياف = ياواحدن بالكون حنا عبيده تحياتي لكم فايز السليمي |
يالله عسى الفردوس منزال صياف=ياواحـدن بالكـون حنـا عبيـده
صح لسانك صح لسانك صح لسانك قصيدة جزلة ومرثية من أفضل ماقريت |
قصيدة جزلة ومرثية رائعه
بيض الله وجهك ورحم الله صياف الحربي |
صح لسانك على المرثيه وبيض الله وجهك
والله يرحمك ياشاعر حرب والف شكر اخوي على المرثيه الجزله |
صح إلسانك قصيدة جزلة من شاعر جزل ومافيكم حيله يالسلايمه متوارثين الشعر كابراً عن كابر وفالكم المليون ورحم الله صياف السحيمي وأسكنه فسيح جناته وإن شاء الله معتق البدراني (معتق 2007) يقوم مقامه ولا قصور بالشعراء البقية |
اقتباس:
صح لسانك وعلي شانك ورحم الله صياف الحربي |
عزالله انها قصيده جزله
صح لسانك مليون يالمبدع |
صح لسانك واعتلى شانك وبيض الله وجهك ... يعطيك العافيه ... على القصيدة الرائعه.... لا عدمنـــاكـ وننتظر جديدك.... اخيك ابوروان |
|
صح لسانك و بيض الله وجهك يالسليمي
أشهد بالله أنك كفيت و وفيت و صياف يستحق منا الكثير رحمة الله عليه |
الساعة الآن 05:32 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir