...... ( ذكرى تولّي مقاليد الحكم فالبِلاد )........
 

إسنين مرّت عليها جعلها فإزدياد
ذِكرى تولّي مقاليد الحكم فالبِلاد
من حقّنا نحتفل وانعيش فيها الفرح
على ألأمن والعداله نهتني طيب زاد
وإنجدّد البيعه وانعلن معاها العهد
واحنا معك ياملكنا فاليُسرّ والشّداد
إيعيش سلمان رمز الحزم عند العرب
ذكّرهم بموقفه في طارق ابن زياد
اللي فرض نفسه بموقف يبيله كفو
سدّ اللزوم وتمكّن من مرامه وكاد
أسّس تحالف وكوّن جيش ماينهزم
واللي يعاديه حتماً من رصاصه يُباد
ليثٍ ورث هيبته من ليث قبله ملك
ومن شابه ابوه من عادات ابوه استفاد
له نظرةٍ ثاقبه تسبق وقوع الحدث
منها نيران المجوس معوّده للرّماد
واضفى على شعبه الميمون كُلْ إهتمام
وعدهم بخير واعلن بالله الاعتماد
أنشا حساب المواطن للمواطن رصيد
حتّى يحسّن ظروفه فازمة الاقتصاد
إيحب شعبه وشعبه بادله بالشّعور
ومن دافِع الحُب ناجوا فيه ربّ العباد
يالله تحفظ لنا سلمان والمملكه
واحماه برعايتك واعطيه منك السّداد


الشّاعر/ خالد بن عبيد بن معتوق الأحمدي

صح لسانك
أبيات جزلة

صح السانك قصيده رايعه
يعطيك العافيه دمت بخير

صح السانك على القصيدة الوطنية الجزلة
اللهم احفظ الوطن الغالي
وقادتنا وولاة امرنا الكرام
والشعب السعودي النبيل

قصيده جزله


صح لسانك