ملتقى قبيلة حرب الرسمي - من افضل المحاورات

في حفل زواج الاعلامي عيسى الهويملي

والحقيقه ان المحاوره اعجبتني ونقلتها لكم

علي الحصني=
مرحبا عند اخوي الي مالي عذر دونه =وان تعذرت من دونه علي الملامي
كل شاعر يقّيم حسب جرة لحونه =والمهم الكلام الي عليه الكلامي
حمدان العصيمي=
البقا وانت راسٍ ماتخجل متونه =انطح الضيف بالترحيب قبل السلامي
الزمان اختلف ياعلي شكله ولونه =وانته اسمٍ نعرفه من خيار الاسامي
علي الحصني=
كل ما جالكم من طيب تستاهلونه =مايسمى عزيز إلا عزيز المقامي
يسعفون المريض وقصدهم يقتلونه =مثل ناسٍ تيدم من محل اليدامي
حمدان العصيمي=
كل ماتفعلونه عندنا تاجدونه =في سلوم الرجال وفي شروط النظامي
شفت برقٍ من البارح تردم مزونه =واثر وبله رشاشٍ مايسق النوامي
علي الحصني=
سلمو لي على الي كل علمٍ يصونه =وان كسبت احترامه مايضيع احترامي
كان ماسيل الوديان لاتذكرونه =ودي اصوم والمقرود يجرح صيامي
حمدان العصيمي=
ماطلبنا من يدين الفقارى معونه =الثقه عندنا ابدا من شراب وطعامي
اكثر الناس جاهل مايصدق عيونه =يحسبن الهواء يحيي عروق النوامي
علي الحصني=
الثقه عندكم والنور لاتجحدونه =ثم اعود على البندق وافتش حزامي
ودي انشدك يلي لك على الربع مونه =اكبر العازمي وإلا رشيد الزلامي
حمدان العصيمي=
الخطر ياقبيلة حرب لاتقربونه =السهر مايعوض في لذيذ المنامي
الزلامي جبل والعازمي تعرفونه =من كبار الجبال الشامخات الزوامي
علي الحصني=
الخطر ويش شكله والخطر ويش لونه =كان حمدان علمني عطيته وسامي
نعم بلي ذكرت وكل شي بحتونه =وانت ماشفت ابو عرام بعد العرامي
حمدان العصيمي=
انت حربي وانا ماارضى لحرب المهونه =لاتروح الحراميه وتصبح حرامي