ياليتني فنجال بُن بيمينه=او ليتني سبحة معه وين ماراح
او ليتني مابين رمشه وعينه=ويشوفني ماينظر الكل ملواح
وياليتني بين المضرة وبينه=عند الخطر نفداه في بذل الارواح
الغالي اللي با الغلا ماأمنينه=عسى ليالي صاحبي كلها افراح
عسى السعد دايم وهو في جبينه=يحميه ربي من خطر كل مشفاح
لاغاب ساعة قالت الروح وينه=اشتقت له كنه من العام مالاح
شوق اليتيم اللي فقد والدينه=يقطع نياط القلب صوته إلى صاح
مابين عم وعمته حاقرينه=يمسي على ويله ويصحي بالاصباح
وانا على فرقاك دايم حزينه=ياشينها فرقا على القلب تجتاح
ياغالي/ن/ لك الغلا صادقينه=عندي ادله لو تبي زود ويضاح
جاير غلاك القلب بيح كنينه= خلاني اكتب شعروازيد الافصاح
يخشى على قلبي يودع وتينه=لولاي اكنه با التماثيل قد طاح
تعال وسمع ونة/ن/ من ونينه=اغديك متلومه إلى قال ذبااح

المشاركة الأصلية كتبت بواسطة سعد المحمدي (المشاركة 848541) الشاعره الكحيله صح الله لسانك على الطرح عسى الله يجمع الشمل بين الاحباب

الشاعره الكحيله صح الله لسانك على الطرح عسى الله يجمع الشمل بين الاحباب سعد عبد الله المحمدي يبدو انك لم تقراء القصيده ونقول أأأأأأأأأأأأأأأأمين صح بدنك لاهنت على تواجدك

المشاركة الأصلية كتبت بواسطة سعد المحمدي (المشاركة 848572) الشاعره الكحيله يجوز عندي عماء الوان وانا علـى فرقـاك دايـم حزينـه ياشينها فرقا على القلـب تجتـاح بيت ضمن القصيده واختلاف الراي لايفسد بالود قضيه تحياتي وتقديري

المشاركة الأصلية كتبت بواسطة سعودية (المشاركة 848585) الغاليه كحيله صح لسانك ابدااع ودي