"+محمد المسعودي وحامد القارحي ،،احث رجلي والمطيه بالشداد نشدّها +"
 

السلام عليكم ورحمة الله وبركاته
في الحفل الذي أقامة مشائخ قبيلة القرّح من هذيل بمناسبة تأهل الشاعر العذب حامد القارحي في مسابقة شاعر المعنى هذه الليلة أنقل لكم المحاورة التي جرت
بين الشاعرين محمد المسعودي وحامد القارحي :
..
محمد المسعودي:



سلام رديه على كل الرجـال الحاضريـن
رديـة للحاضـريـن مــن الـرجـال نعـدهـا
القول بلسان الفتى والمد حاضر باليدين
ود الرسالـه يامكـلـف بالرسـالـه ودهــا




حامد القارحي:



يا مرحبا ترحيب واجب للرجـال الطيبيـن
وإن جاتنا كلمه من العراف نعرف ردها
مركازنـا الأول ولا نبغـا الثلاثـه والثنيـن
لكـن لا تبـعـد عليـنـا لـيـن تـاصـل حـدهـا




محمد:



خلك على المنهاج منهاج الرجال الآولين
العـزوه اللـي فالمواقـف ماتبـيـح بسـدهـا
وراك عين وفيك عين ودونك اطالع بعين
من حيث ماسارت خطاك العين فيك نلدها




حامد:



خير الخلف بعد السلف واقروا كتاب الصالحين
أنـتــم وسـمـتـم جنـبـهـا حـنــا وسـمـنـا خــدهــا
حنا ينومسنا الصديـق اللـي يقـف فـي كـل حيـن
والـيــا بـنـيـنـا لــــه بـنـايــه زادهــــا مـاهـدهــا



محمد:



المسلـم اللـي ماتغيـر ملـتـه دنـيـا وديــن
إن مدّ له مده علـى وضـح النقـا ماردهـا
ماني بمقفي كل ماشفت الجماعه مقبيلن
احـث رجلـي والمطـيـه بالـشـداد نشـدهـا




حامد:



تظهر علامات المصلي فالكفوف وفالجبين
واللي نشدني عن هذيـل اقـول ورّث جدهـا
الله يساعدنـا علـى رد السلـف والله يعـيـن
لـو كانـت الآيـام يلعـب مزحهـا مـع جـدهـا



محمد:



قــول الحقيـقـه والحقيـقـه كلـهـا بـكـره تبـيـن
بعض العرب تفرح وبعض الناس ماهو ودها
ترى كلام الرجل يبقى فـي رقبـة الرجـل ديـن
نغيـر فـوق القـوم وإن جتـك المغـيـره ردهــا



حامد:



حنا كسبنا فالصعايب وانشدوا بدر وحنين
واليـوم غزوتنـا بسيطـه حـدّهـا واحتـدهـا


للأمانه منقول من متديات عذب القصيد الأدبيه

الله يعافيكم جميع شاكر لكم على مروركم

صح لسان الشعراء
لاهنت الله يبيض وجهك على النقل

شاكر لكم على مروركم جميعاً .

تحياتي .

شكرا على النقل يالهذيلي

ولاهي غريبه على هذيل وشعارها

مشكور على مرورك الكريم

الهذيلي

بيض الله وجهك نقل رااائع ومحاوره رااائعه

يعطيك العافيه

تقبل تحياتي