تحـره يالسحيمـي بالشبكـه العنكبوتـيـه
سلام الله سلامٍ طار من صوب الشمال وجاك = تحـره يالسحيمـي بالشبكـه العنكبوتـيـه لوانك مت ياراشد نبي نبكي علـى فرقـاك = وندفـن جثتـك بيـن المدينـه والحناكـيـه هلا يامرحبا حي السلام ومرسله حيـاك = تبي تستقبله كـل أجهزتنـا الالكترونيـة أنا يالهاب لو أموت مالي حاجة في ابكاك =ولا أدري لو دموعك كلها ماهي حقيقيـة انا مالي بموتك مصلحه جعل الردي يفداك = علامك متهمني وانت ماتـدري وش النيـه عساك تعيش ميت عام والموضوع مايخفاك = ابي هذي وابي هذي وابي ذيه وابي ذيـه تراني مادخلني شك في مثلك وفي شرواك =ولاني ناظر الا فـي الملفـات الاساسيـة تبي هذي وذيك وذيك شاور ذاك وأنشد ذاك = أكيد ارباح الأسهم داخله فيهـا الحروميـة ترى ماينجح المشروع لين اصير انا وياك = نبيع ونشتري بالسوق والعملـه سعوديـه انا مديت لك يمناي وانته مد لـي يمنـاك =عسى ربي يجيب الحسنه اللي تدفع السيه سنونك بيض ما يحتاج لافرشه ولا مسواك = أكل بالناب والأضراس وأضحك بالأمامية توصيني عن النسيان وانا مستحيل أنسـاك = معك ما يثبتك للكـل وأوراقـك نظاميـة انا يا صاحبي ربي عطاني خير وانت أعطاك = يابو رامـي بـلاش الحركـات البهلوانيـه اشوف أسمك كبير وقلت ما شاءالله من سماك = بالانتر والصحافـه والمحطـات الفضائيـه أنا كيف استفزك وأنت مثل سلاحي الفتاك = لا حاسدكم ولا شخصيتي فيها ازدواجيـه أكيد اللي مسميني قبيلة حرب دون إرضاك = ياليتك شفت يوم اقطّـع ايديـن الحراميـة جزاك الله خير ووجه سلاحك على مرماك = وحنا مانحط الميتـه فـي صـورة الحيـه الياء سموك حرب الله يبارك لك بكل أسماك = وانا اللي جبتها بالعنـف ماجتنـي وراثيـه مشينا بالبدايه مع بعضنا وختلف ممشاك = تقول انا تخالفنا علـى ختـم العموديـه اخاف تحدني بالعلم وحدك على قصياك = وهذا شرط من ضمن الشروط الاخترافيه يازين العقل والحكمه ياطيب الوعي والادراك = وانا لازلت مانـي معتـرف لـك بالاحقيـه ابااشهد عليك الناس مـن ذولا ومـن ذولاك =ولابينـي وبينـك لاشـروط والا اتفاقـيـه |
صح لسان الشاعرين
بيض الله وجهك لاهنت بارك الله فيك |
صحت ألسنت شاعري حـــرب ... مشكور اخوي أمتعتنا بهذه الرائعه
|
صح لسان الشاعرين
و مشكور على النقل |
صح لسان الشاعر لهاب الوسيدي
وصح لسان شاعر حرب / راشد السحيمي |
الله الله الله
صح لســـانك يــا ابـــو رامــي ابدااااااع كا المعتاد سيف حرب له الكــعــب الاعلى في ساحات المحاوره تحيااااااااااااتي |
الساعة الآن 10:27 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir