ملتقى قبيلة حرب الرسمي - لا زاد قدري عند ربّي ومولايْ

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

لا زاد قدري عند ربّي ومولايْ - عند البشر ماهمني ويشـ قدري (:

وقفت بالمثناه واراجع خطاي = على طريقي واحسب الوقت بدري
مدري وانا ماشيـ )على وين ممشاي=واثري وصلت الهاويه دون مدري
يارب تلطفبي على عظم بلواي = وحدك يرى سرّي ومكنون صدري
ناري تواقدبه على الصبح وامساي= ومنين ماوجهت الاقدام حدري
ياسامعن مع هجعة الناس شكواي= وجهتها لك وانت بالحال تدري
ماعنك خافي ياملاذي وملجاي= ياواحد ٍ حكمه على الناس جبري
ضاقت بوجهي وين مارحت دنياي =واظلم سماي ووجه الأيام ودري
وان زاد قدري عند ربّي ومولاي=عند البشر ماهمني ويش قدري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الحب الباقي هلابك اخوي ماقصرت ..
صح بدنك يالغالي وارحب تراحيب المطر ..

الشاعر الجزل
بدر الهبيري
صح لسانك وعتلا شانك
الله يبيض وجهك على الطرح الجزل

الشاعر بدر الهبيري
صح لسانك

صح السانك وبيض الله وجهك
وافيه من راس وافي

وان زاد قـــدري عـنــد ربّــــي ومــــولاي === عـنـد البـشـر ماهمـنـي ويـــش قـــدري

بيت يسوا ديوان وليس قصيده

قصيده جزله من شاعر جزل بيض الله وجهك عند مولاك قبل البشر

تحياتي وتقديري لك

بيض الله وجهك
ويسلم السانك على القصيده الرائعه

اقتباس:

المشاركة الأصلية كتبت بواسطة بدرالهبيري (المشاركة 1310867)

وان زاد قدري عند ربّي ومولاي=عند البشر ماهمني ويش قدري
وان زاد قدري عند ربّي ومولاي=عند البشر ماهمني ويش قدري
لااعتقد ان من هذا منهجة بتهمه الايام

لقد استغنى بمن يملك الايام واقدارها

اهنيك شاعرنا على هذا الابداع لقد ابحرنا في في نص يغني عن الف نص

صح السانك وسلم بيانك

شاعرنا وكاتبنا الكبير
بدر الهبيري

اقتباس:

المشاركة الأصلية كتبت بواسطة سعد المحمدي (المشاركة 1310880)

الشاعر الجزل
بدر الهبيري
صح لسانك وعتلا شانك
الله يبيض وجهك على الطرح الجزل

هلا والله ومرحبا بشاعرنا الكبير سعدالمحمدي يامراحب ..
صح بدنك وسلمت ودمت الحقيقه سعدت بوجودك يالقرم ..