يارفيق الدرب وش هاذي القطاعه=والله اني مادريت انك قطوعي
يحتضن ذكراك قلبي كل ساعه=والمواصل من اسبوع ليا اسبوعي
وانت نعم ورفقتك ساس الطماعه=والمعزه بيتها بين الضلوعي
يا كثر ما قلت لي سمعاً وطاعه=والطريق الصعب تمشي فيه طوعي
وصاحبك في كل ديره له جماعه=وله مرامع مع بعيدين الرموعي
لا لقى رجلاً يدل الدرب طاعه=ولا لقى ماعاف ياخذها قطوعي
والوفاء والصبر شئ من الشجاعه=لو يشين الوقت ماغير طبوعي
ورفقت الطيب مع الطيب وداعه=ماشملها البيع في سوق الربوعي
الطريق اللي عليه العلم راعه=وان مشيته لا تفكر بالرجوعي
انت علمي بك سريع الاندفاعه=تكسي الخيال زينات الدروعي
ان نويت الشر فرقت الجماعه=وان نويت الخير جمعت الجموعي
بس اشوفه صايراً فيك انهزاعه=كسروا ضلعك مكسرة الضلوعي
قال كسر مايبي دكتور اشعه=وانت ماشفناك من ضمن الفزوعي
صرت في سوق الغلا شريه وباعه=اجذب الونات واهل الدموعي
من حصله قرض من بنك الزراعه=قال منتوج المزارع من زروعي
هوشه الرعيان ماتبغى فراعه=ودلة اليتمان ماتبغى قدوعي
ان تكلم من كلامه بالوقاعه=الجماعه سكروا عنه السموعي
الهوى بابور انا قطع اشراعه=ماتجى بالكيف لو حبيت كوعي