غازي الزغيبي=
سلام رديةٍ نبديبهامـن عصـر=تاخذ لياعصربكره ماطفت نارها
ياربعنا لوسمحتم وضعنا مستقر=ودحيم مافيه دار غراب مازارها
عبدالرحمن البيضاني =
يا مرحبا بك يا غازي انت واللي حضر= ترحيب عد المطر والرمل وحجارهـا
يا ربعنا لو سمحتوا اكتفـوا بالنظـر=الديـرة اليـوم فرحانـه بامـارهـا
غازي الزغيبي=
فيك البقاوا المعاني بين بطن وضهر=وام الكباير تغرش الضلع بضفارها
ويننت يلي تقص المتهم بلأ ثر=احسب طوال الدروب واحسب اقصارها
عبدالرحمن البيضاني =
العقل زينة خويه والمعانـي نهـر=والعين لازم ترى المكتوب واقدارها
والمتهم بين قضابه وبيـن القهـر=منظور لين الحقيقة تكشف اسرارها
غازي الزغيبي=
ولي بلياعقل لوكـان ماهوبـزر=فرق الاوادم ترا من واقع افكارها
المتهم ماندينـه قبـل مايستقـر=خل الرمايه يمن الرؤس ويسارها
عبدالرحمن البيضاني =
بعض العرب يترك الميدان عند الخطر=تزلزلـه نشـرة الاعـلام واخبارهـا
والحرب فيها الذليل والـذي منتصـر=اما البنادق انـا مـا ابـدل عيارهـا
غازي الزغيبي=
يفداك رجلٍٍ لياجات انوايب جحر=الن لك حجةٍٍ يمديك بضهارهـا
ام المعارك بدة ثم انتهت بلحفـر=ندري بميرادها قدام مصدارهـا
عبدالرحمن البيضاني =
عندي علوم القبايل كلها والحضر= ولا جيت بين الرجال اميز اخيارها
من حرب أجداننا اقولها وافتخـر= يالله تجيب المطر لحرب وديارهـا
غازي الزغيبي=
لاصرت تدري بخاف العلم مالك عذر=سولفبها عندقومَاً مختلـف شارهـا
ماينضر الناس في وحده ياغير العور=توا المحطه عليك اتوجـه اقمارهـا
عبدالرحمن البيضاني =
الناس من بينها الفاهم وفيها الغجر= والدار يا صاحبي يا كثر زوارهـا
نخشى من البردقاني يا طويل العمر= والطايره علمهـا فيديـن طيارهـا
غازي الزغيبي=
المصطفا الهاشمي مرضا عموم البشر=والخيره الي جليل الملـك يختارهـا
بيني وبينـك وعدلابـان نورالقمـر=خطوه وصطوه تبل الكبدفـي ثارهـا

حرب القوم

يعطيك العاااااااااااافية


و صح لسان الشاعرين

الاخ حرب القوم

بيض الله وجهك

نقل رائع

وصح الله السنت الشاعرين غازي الزغيبي وعبدالرحمن البيضاني

ويعطيك العافيه

تقبل تحياتي