|
ديوان قصايد الشاعر( ناصربن مصلح الحربي ) ... جميل النوايا ....
بسم الله الرحمن الرحيم
يانجم ياللي مطلع الشمس يخفيك=وترجع لنا يانجم في كل ليله اليوم فكري بالقوافي يناديك =من بعدها كلٍ يروح فسبيله أبيات فيها النصح يرسي بموانيك=والمعذره يانجم لو هي طويله اسمع قصيدي قبل مالفجر يمحيك=على النوايا الصادقه والنبيله قصيدةٍ بالقاف تبنى على إيك=في بحرها المسحوب أرخي هميله من راس عذبات المكارم أبرويك=وياما رويتك بالمعاني الجزيله بنصح بها نفسي قبل ذاك او ذيك=العقل حكمه والليالي دويله يانفس توبي قبل الاقدار تنهيك=مالك عن المكتوب منهج وحيله حكم القدر لا جاك ماظن يخطيك=إمّا يجيك اليوم ولآّ تجيله من يآمن الدنيا بيلقى الهواليك=وان طالت أيّامه تراها قليله والصبر مفتاح الهموم الدواليك=وبلسم جروح المعضلات الثقيله فِعل الفضايل مع سواها تداويك= وكلٍ بعد دنياه يجني حصيله لاتشتكي لنّاس تمسي وتشقيك=وشكوى لغير الله تراها ذليله ارقى سنود واعتلي في هقاويك=وابعد جنابك عن دروب الرذيله وحافظ على دينك ترى الدين يحميك=تكسب رضا ربك وتجني الفضيله صنايع المعروف من الشر تنجيك=تحفظك باذن الله وعمرك تطيله وبر الأبو والأم ربك يجازيك=جنّات عدنٍ في رياضٍ ضليله واغنم زمانك لاصفت لك لياليك=واشكر بها الرحمن تبقى عليله سود الليالي عسرها من جنى ايديك=وكلٍ بصاعه من ذنوبه يكيله لا تطاوع ابليسك على السوء يغويك=ومن طاوع الشيطان يصبح عميله وسواس فكره بالشقى لا يدهويك=تلقى الخساره بالمكاسب نزيله عن مارد الانذال جنّب خطاويك=ومن عاشر الانذال يجني الفشيله واحذر من اللي لا قسى الوقت يشنيك=ممشاه أعوج احذره لا تعيله الصاحب اللي لا غلا السوم يشريك=احفظ وصاله ولا تدوّر بديله والمال كثره لا يغرّك ويطغيك=إجمع حلاله والوسخ لا تشيله وربك ليا منّه من الفضل معطيك=وفّه حقوقه قبل ربك يزيله قم للضيوف اليا لفوا في أراضيك=واكرم لحاهم بالسمان الجزيله درب الكرم والجود يرفع معاليك=درب الكرم ممشى النفوس الجليله صدق الحديث لخير الافعال يهديك=وراع الكذب للخير نفسه بخيله عند اللوازم لا يخيب الرجاء فيك=ما للوفاء غير الوفاء هو سبيله والجار له حقٍ ولو كان موذيك=بالصبر والاحسان تشفي غليله وبنت الردى ولو كان بالزين ترضيك=حذراك منها تتخذها حليله ماتستوي لغيرك ولا تستوي ليك=وتلقى التعاسه في جناها نزيله من ما يعيّب ياابيض الوجه تسقيك=وبين الرجال اسمك يقيّد هبيله عليك باللي من حياها تشافيك=عليك في بنت الرجال الأصيله تحفظ لك فراشك وتحيا وتحييك=وتصبر على سود الليالي الثقيله تمت ويانفسي انا اليوم بوصيك=قبل الجميع ان كان عقلك دليله ناصربن مصلح |
بسم الله الرحمن الرحيم هذه القصيده حاولت ان اشرح فيها واتكلم عن الحال العربي والثورات التي قامت بالدول العربيه او مايسمى بالربيع العربي وعن حال الشعوب فيها حسب وجهة نظري المتواضعه . وايضا دفاعاً عن رسول الله صلى الله عليه وسلم والحرب الاعلاميه ضد الاسلام اتمنى ان تنال استحسان الجميع
سلام مع باقه بها الورد فوّاح = ممزوجة(ن) بالود مع كل تقدير للشاعر اللي للجزيلات لمّاح = نظم القوافي هو لها دايم ايدير وازيّنه بعد التحيّات بوشاح = من نور شعشاع القمر زاد تنوير وبرسل له ابيات(ن) بها الراس قدّاح = ابيات شعر(ن) تنشد اليوم تفسير يا بو طلال الفكر بالحال سوّاح = حال البشر من حولنا شايفه غير البارحه في غيهب الوضع سبّاح = واليوم في دربي علامات تحذير حال(ن) غدا مابين الاجناس ياصاح = فيه الخطر مكتوب في وسط تقرير شي(ن) يخلّي صاحب العقل شوّاح =هي فتنة(ن) ولآّ حساب(ن) وتطوير ثورات قامت بين صايح وذبّاح = في ديرة الاعراب فواحة الكير وكم راس بعد العز ياصاحبي طاح = وامسى سجين(ن) بعد صفوه بتعكير وفي ليبيا بالحرب كم راحت ارواح = وفيها النساء صاروا ارامل بتهجير وقذّافها جرذ(ن) توطّاه تمساح =جاثم على خشمه بالاقدام تعفير عساه في نار(ن) تلظّى وتلفاح=ويحاسبانه منكر اليوم ونكير و في سوريا دم البشر بالثرى ساح=واخبارهم مابين قتل(ن) وتدمير وناس(ن) على السنّه تحت بطش سفّاح =واطفال مثل الزهر تقطف بتنحير نبكي عليهم بعد ما تنزف جراح = شعب(ن) فنى من دون مانشوف تغيير عامين تمضي والمشابيح تجتاح =ارض وعباد وشمخ(ن) راسها يطير وارض المجوس تمد طاغوتها سلاح =والفيتو من دار الحمر صوته ايغير وقلوبهم بالغلّ تخطيطها فاح = رسم الخميني للمجاوير تصدير وبعون ربي الفرج بيرقه لاح=في جيش حر واثق الخطوه ايسير ويقطع لنا راس المجوسي وينزاح=وتخسى شياطين(ن) زبنها بتنصير وفي تونس الخضراء تهاويل ونياح =خلّوا حراميهم بالاموال ايطير حال(ن) غشاها من العسم يلزم ايضاح=ومن شرقها للغرب تحتاج تطهير وارض العراق اليوم بالظلم تجتاح = طوايف وفتنه صحت بعد تخدير والموت فيها بالهويه والاضراح = وحضارة(ن) ضاعت بليات تعمير وارض الكنانه مابها الناس ترتاح = متجمهرين بوسط ميدان تحرير ضاعت مباديهم ورآ كل شبّاح = ثورة جياع ولاجنوا خبز وشعير حتى اليمن صارت تدوّر للاصلاح = متسلحين بجوع من دون تبصير تقاتلوا كلن يدوّر للارباح=وضاع الامن فيها وتحتاج تجبير واهل الكفر اعلامهم بالردى فاح = يستهزءون بديننا بدون تفكير والقلب من غبنه صرخ دون صيّاح = حزب له ينّدد وحزب(ن) بتكسير ونبينا محشوم من رسم فضّاح =ومن كل فاسق تابع لكل شرّير ويحميه رب الكون من كل نبّاح= ومنهو تطاول عالنبي يموت فسعير واستغفر الله كان بالوقت افساح = يغفر لنا زلاتنا وكل تقصير ويالله يارب(ن) خلق حزن وافراح = يامنزل القرآن للخلق تبصير تخزي نفوس(ن) شرها صار نزّاح = وتكوي بنارك كل ظالم بتحقير وتحفظ لنا دار(ن) بها العز جمّاح=دار السعودي ولانبي غيرها دير ومن حبّها نخفض لها الكف بجناح=نرخص لها الغالي وفدوه لها يسير هي ديرتي ولو صار بالوقت مرواح =على الشريعه ماتزحزح ولآ تدير شعب(ن) توالف مع ولاته وبسماح=فيه الوفاء من عالي الرجم للبير وصلاة ربي عد نجم(ن) لنا لاح = على الرسول بأجمل الوصف تعبير ناصربن مصلح |
بسم الله الرحمن الرحيم
سر ياقلم وابذل مع الفكر مجهود=عطنا القوافي لا تناظر عددها وجّه كلامك يم ابو فارس حمود=الشاعر اللي للجزاله اسدها ذاك الصديق اللي حوا الطيب بعقود=كل المراجل في صفاته حصدها قل له صديقك من قسى الحظ ملهود=نار القهر من لين عوده وقدها ياليت شعري ينفع اليوم ياحمود=ماغير أسلّي نفس عافت نكدها وياليت شعري يجلي الهم ويجود=وتبرا جروح(ن) جوف صدري ضمدها لبني قصايد مالها عد محدود=واحفظ قواعدها واثبّت عمدها وآتلّها تل المواريد للذود=يسمع صداها كل منهو وردها يدرآبها ناس(ن) مجاميع ووفود=يسلآ بها منهو لسانه نشدها ومن زود ما بالقلب من شوق ياحمود= سالت مدامع من عيوني رفدها ما عاد لي بالوقت احساس أو فود=تمشي الليالي كن شي(ن) طردها غايب ولكنّي مع الناس موجود=أدوج فالدنيا وماني ولدها غديت كنّي بين راحل ومطرود=يَسري وروحه بالهاوجس لهدها كم كنت بالماضي بالافراح موعود=والعمر يمضي ما لقينا وعدها ان جيت أدوّر للسبب ضاع مجهود=مابين ليه وكيف نقوا جهدها يالله يا منشي هماليل ورعود= تلقى حياتي بزود فضلك سعدها ناصربن مصلح الرد من الشاعر حمود بن سعد الحربي (ابو فارس )
يامرحبا ترحيبتةٍ تمشي سنود = مثل المزون اللي ترزّم رعدها ولاّ كما الطيب الذي بازرق العود = بين الرجال اللي تثبّت عهدها يابو مشاري جاني القاف مسنود = من شاعر(ن) جزل المعاني وجدها هيّضت فكري بعد ماقلت ياحمود = نخوتك للصاحب هذي ويش بعدها يمناي للي مثل شرواك ممدود = والرجل ماتقصر عن اللي قصدها افزع معك لو ثار بالجو بارود = ارجال تنخاني تراني سندها لو نهدي اللي لامشت باول الذود = ذلول سمحه فوقها طول يدها وان كان تشكي ظلم من شخص مقرود = لابد من يوم الزمان يهجدها عسى الذي يظلمك يرقد بعبرود = من بندق (ن) تو ورّدت من بلدها وان كان تشكي من عنا الوقت موجود = قبلي وقبلك ناس هم اظطهدها على ظروف الوقت ماعندنا شهود = ولافيه قاضي للهموم وكبدها كلاً على مايملك اليو م محسود = والناس شين اخلاقها من حسدها اليا وردت انزل على طيّب عدود = وابعد عن رسوس الضما لاتعمدها واطلب من الله عنده الخير والجود = يكفيك نكبات (ن) كثيره عقدها يوجد ليالي بيض والباقيه سود = لعل حضك بيضها عن سودها عسى الوناسه عندك تحل وتعود = وأفراح دايم كن ماحداً فقدها |
بسم الله الرحمن الرحيم
البل عطايا الله هوات المناعير=محد(ن) يرخّص سعرها من غلاها يا ما حلا درّ البكار المصاغير=لا جيب للضيفان حزّة قراها شمخ الذرا فيهاعجيب التصاوير=الله خلقها اية(ن)هو حماها ضرب بها الامثال رب المقادير=من بين لحم ودم اخرج دراها ماتلتفت لو كان تمشي مشاوير=سفينة الصحراء وزينة ثراها ان شفتها تمشي تسطّر طوابير=مثل السريه والفحل من وراها إن حدّها الراعي تجنّه مغايير=تحفظ طريق(ن) قد مشنّّه خطاها وان دارها الحلاّب حنّت مزامير=تملا له الماعون لو هو بغاها وان جاء فحلها تنحني له مداوير=إيديرها وهو بالهدير ايدراها قامت تزاحم فوق حوض(ن)مساوير=وقامت تفاهق من روى جم ماها وان جاتني تعدي تزرفل مزافير=هزّة ظهرها والحويّر ذراها حمر(ن) وجهم(ن) والحلا بالمغاتير=وصفر(ن) وشعلا(ن)ما تميّز غشاها فجّ المناحر شامخات المظاهير=من شافها سبّح لمن هو عطاها نرخص لها الغالي وكل الدنانير=ماهي خساره بالذهب لو شراها ملقى لها لو جيت أببعد معاذير=الروح معها والجوارح تباها في جلسة(ن)فيها وجيه(ن)مسافير=بين الربوع وقمرة(ن)في سماها والذود في شبكه بارض(ن)مقافير=وشرحة صدر لا ما ندوّر سواها فيها القلوب انظاف نطق وتفاكير=عن الردى والسوء ربك عماها ناس(ن) كرام ماتحسب المخاسير=على الوفاء والطيب منبع نماها والمعذره ان كان جتكم تقاصير=تمت وفكري حسب شوفي بناها ناصربن مصلح |
بسم الله الرحمن الرحيم
بديت بسم اللي خلق كل الاجناس=الواحد المعبود رب الأنامي
بسمه نضمت القاف نضم(ن) على ساس=موزون في حرفه ونضمه تمامي مفصل(ن) تفصيل ما فيه تلباس=من فكر صافي اكتبه بلتزامي وكل(ن) على نفسه فطين(ن) وقيّاس=والله حسيب الكل يوم القيامي ياكم رجـال نشوفهـم شكـل ولبـاس=ثـم يتبـيّـن جـوهـره بالكـلامـي يعطيـك لا شفتـه عذيبـات الانفـاس=واليا اختلا يطلـق سمـوم السهامـي مغرور فـي طبعـه وحظّـه بالتعـاس=فيـه الجهالـه ساكـنـه بنتظـامـي ومن سلّم بفكره لشيطان خنّاس = ما ينفعه طب البشر والحجامي يمسي على دسّ البلايا بوسواس=وعينه ملاها بالحسد والحرامي ومن غشّ نفسه يقضي العمر بحباس =يسكن باوهامه بوسط الضلامي ومن عاش بالحيله تقاذفه الاضراس=يفضحه رب الكون لو بعد عامي ياناشد(ن) للصيت من دون مقياس= الصيت ماهو بالحقد والخصامي ولا هو بتفضيلك بناس(ن) على ناس=ولاهو بالمعافر وكسر العظامي والصيت ماهو بالدنانير ينداس=ولو كان سلعه لشتروه الرخامي الصيت ينشد له رجاجيل فرّاس=أفعالهم وقت اللقاء والزحامي لا هبّت الفزعه تقل طير قرناس=يتعب على وصل الرجال الحشامي في واجبه ما يحسب حساب الافلاس=يوفي مع الوافي ولو بات ضامي والصيت في طيب النوايا والاحساس=وتلقاه في حسن الخلق والوئامي مومن بربه مالفى قلبه الياس=متمسك(ن) بالدين صلى وصامي متواضع (ن) في عزة النفس بقياس=وفيه الكرم والجود صاب المرامي في شوفته واضح ولافيه هوجاس=يمشي على وضح النقاء ما يضامي هذي صفات اللي له الصيت نوماس= في قربهم تبرا الجروح السقامي وصلاة ربي عدّ ما صلّت أجناس =على نبي الله محمد سلامي ناصر بن مصلح الاحمدي |
بسم الله الرحمن الرحيم هذه القصيده أهديتها للشيخ صلاح بن فريج الزبالي الحربي وذلك بعد زيارتنا له بمنزله .برفقة الشيخ خالد بن جزاء الاحمدي وبعد حفاوة استقباله لنا اثلج صدورنا ما سمعناه منه من طيب الحديث وكرم الضيافه وحميّته لابناء قبيلة حرب خاصه وما لمسناه من حبه لفعل الخير لجميع القبائل كافه وتبرعه السخي في كل قضيه تخص أحد ابناء قبيلة حرب ولجميع المسلمين وأفعاله تشهد على ذلك . وهذه القصيده تعبيراً مني عن اعجابي الشديد بشخصية هذا الرجل الفاضل ومنطوقه الحكيم وأفعاله الجليله ويستحق منّا ان نُشيد ونفتخر به وبمن هم شرواه من الرجال الافاضل
سلام ياراسٍ(ن) حوآ كامل الطيب =يانجم ساطع بالسماء كنّه شهاب سلام سطّرته بوسط المكاتيب=فيه التحيّه والتقادير تنساب بالورد زينّته لشيخ النواجيب=صلاح ابو صالح بن فريج له طاب اطويرشي زبالي كريم المناسيب=من لآبةٍ(ن)بالخير تذكر بالانساب الصدق يحضابه حميد العواقيب=الحربي اللي للوفاء دوم كسّاب فيه الكرم والجود صقر المراقيب=ريف الضيوف اليا لفوا قرب واجناب سبّاق للعليا بعيد المحاضيب=بالسر ولآّ بالعلن عند الالباب فعايله تطلق حجاج المناديب = يشفي قليب اللي من الوقت متعاب ماخاب ظن اللي يجونه مطاليب=وكم واحدٍ(ن) جاله من الهم منصاب فرّج همومه من كثير المصاعيب=وبعون ربي الفرح دق له باب عند اللوازم نظرته كنّه الذيب=وليا نوى جاب السمينه ولارتاب إن جاد تبرد حاميات اللواهيب=وكم نفس اعتق قبل قصّاف الرقاب بالامس شفنا من فعوله أعاجيب=عزمٍ(ن) يذلل كل عسرات الاصعاب يجني بفعله بالفضايل مكاسيب=فيها الأجر من خالقه يوم الحساب لجل القبيله من شبابٍ(ن) ومن شيب= صلاح في وقت المهمات ما غاب في مجلسه شفنا جميل التراحيب=وشبل الاسد مع دلّة الهيل صبّاب يومٍ(ن) جاله بن جزاء بالمناديب=قال ابشروا حنّا بني عم واصحاب قال إبشروا يامرحبا بالمحاسيب=بالفزعه اللي مابها شك ورياب واللي تبونه من ظميري أنا جيب=للحربي اللي بالسجن صار منصاب وحنّا معاكم بالوفاء والمواجيب=هذي لنا شيمه وفي كل الاقطاب من شرق ولآّ من شمال وتغاريب=بالخير حنّا مدّنا ماله إحساب وشمس الكرامه عن ذرآ حرب ماتغيب=دام التكاتف بيننا حق ما غاب وحنّا كما وبل المطر ساعة إيصيب=فوق الثرى همّال ينبت بالاعشاب الله يبيّض وجهك وعمرك ايطيب=والاحمدي من جزل منطوقكم طاب وتسلم يمينك ياكريم المعازيب=فعلك يسجّل بالتواريخ بكتاب ويدوم عزك ياعطيب المظاريب=والفخر في شرواك فصّل له اثياب والمدح فكرام اللحى مثلك ايطيب=اقولها والفخر يزهى بالاعجاب هذي قصيده من ظميري بترتيب=من شاعرٍ(ن) من حرب للطيب جذّاب من طيبها جاته قراح ومهاذيب=منهو قراها رحبّت فيه ترحاب وصلاة ربي مابها شك أو ريب=على رسولٍ(ن) بالهدايه لنا جاب ناصربن مصلح الاحمدي الحربي [/quote] |
بسم الله الرحمن الرحيم
ياعيد كيف العيد من دون الاحبـاب=وجدي عليهم وجـد غالـي لغالـي قلبي على فرقـا عزيزيـن منصـاب=فيك الفـرح ياعيـد ماقـد طرالـي ضاقت بي الدنيا ولا طـب ينجـاب=والعين تـذرف دمعهـا مـا تبالـي ياوجد منهو في ذرا الليـل مرتـاب=يدرا همومـه فـوق روس الجبالـي ياعيد ليت الموت ما غيّـب اقـراب=في فقدهـم غابـت نجـوم الليالـي يوم اتذكّر جلسة(ن) نارهـا شـاب=فيها الكرام جلوس عـم(ن) وخالـي واليوم سجّل فـي سجلاتـك غيـاب=منهـو تطـوّا بالثـرى والكفـالـي ياكم فقدنا فـي ذرا الوقـت احبـاب=في كل عيـد يهّـل غـاب الهلالـي حكم الزمان يتمّ ثـم يشعـل الهـاب=داخل خفوق(ن) سرفقتـه المحالـي ياعيد كيف تهـلّ والقلـب متعـاب=والحـزن داخـل خافقـي لا يزالـي في هاجسي ما عاد بضرب لك حساب=دام الفـراق يسـنّ سهمـه قبالـي حالي معاك اليـوم ماعنـه مجنـاب=عجـزت ابنسـى طيّبيـن السبالـي ياعيد فرحـك بالشقـى داخلـي ذاب=جال بصداها مـا يفـوق احتمالـي وان جيت ابفرح فرحتي لوم وعتاب=كنّـي سجيـن(ن) كتّفتـه الحبالـي دمعي على خدي ولا زال ينساب=يـوم اتذكّـر صافـيـات الليـالـي انا اشهد ان الموت للحـزن جـلاّب=ما ينعرف له وقت ولا لـه ضلالـي |
بسم الله الرحمن الرحيم
الشاعر ناصر بن مصلح الاحمدي الحربي = البارحه ماذاقت عيوني انعاس=جالس لحالي والهواجس مملّه ومركاي كوعي والهوى هب نسناس=وفكري مع ايام(ن)وحال(ن) مضنله حال(ن) يبدّل صافي الجو بعماس =ولا هي بأول مرة(ن) قد حصلّه واخذ واسنّد واضرب أخماس بسداس=ومن شاف عيني حزنها ما فطنله والشيب في شعري غزآ هامة الراس= واقبل على جنبه وقام استحلّه وناموس فكري دايم(ن) معي بعكاس=وعلى عجل جاني بسيفه يهلّه وفكري غدآ من نار الاشواق قبّاس=عسى السنين المقبله تمهلن له بعض الهواجس ياعرب توجع الراس= بالذات لا جالت بليل(ن) تعلّه هذا وانا باقي مع الفكر محتاس=واحاول اسلآ مع قصيدي واتلّه ياليتني بهجع قبل يلفي الياس= ويقضي على باقي حياتي بضلّه وبعض الخواطر مثل دقّات الاجراس=بليات موعد تغزي الفكر كلّه واوقات اناظر واتمعّن باحساس =أناظر انجوم السماء المطلّه واناجي النفس العليله بهوجاس =وادعي الهي شافي(ن) كل علّه يشفي جروح(ن) داخل القلب جلاّس=ويشيل هم(ن) خافقي دوم شلّه واعوذ به من كل شيطان خنّاس=ويزيل وسواسه عن الفكر جلّه ولا باس يا قلب(ن) من الهم لا باس= لا باس يا نبض الحياه ومحلّه وبرفع خطابي لشاعر(ن) فذّ قرناس=عندي على طيبه كثير الادلّه يمكن الاقي عنده اليوم نوماس= ولاّ بنلفي مسكنه في محلّه ياصاحبي وان كان بالوقت نبراس= الفكر يمّك قاصد(ن) توصفلّه وصفة حكيم يقيس مبناه بقياس=ننشد بها في ليل ذعذاع فلّه وصلاة ربي عدّ ما صلوا الناس=على نبي(ن) بالضماير نجلّه رد الشاعر / حمود بن سعد بن عمران الحربي = البارحة جاني شعر طيب الساس = بالمنتدى ماهو بصفحة مجله ابومشاري ياخذ الأمر بقياس = رجال وافي ماتجي منه زله حرك هجوس(ن) ساكنه وسط الانفاس = ماض الزمن قفل عليها سجله نشكي عنى الوقت الذي يضرس اضراس = وصعب الضروف يزود الطين بله الفكر من بعض الهواجيس منحاس = لكن الزمن لنه صفا نستغله الؤلؤ والمرجان يحتاج غطاس = ومن مافتل قيد الصعاب فتلله ونحذر عدو الجد والعرق دساس = لابد مايخفي ورى الضحك غله دنيا نقابل وسطها اشكال واجناس = والذيب يلقاله ذياباً عوله لا ضقت من جواً تقل فيه حباس = دور على خوة نشاما وفله اللي تحمس البن في وسط محماس = وفوق الجمر للكيف مضبوط دله واركب على اللي شمعته مثل الأكباس = اليا مشى فالبر ما حداً يزله راعيه متعود على قطع الأرماس = يعجبك يوم أن الدريول يتله في مشيته كنه تغطرس تغطراس = ولا حمل الحمل الثقيل احتمله شكل الرفارف منحني مثل الاقواس = وتوايره عن الوطى تستقله فيه الدبل يرهب طويلات الاطعاس = يا صل مواقع ماتجيها الكروله منصاه ديره مخليه مابها اوناس = وحب القنص والبر عندي جبله ذي وجهة انظاري وكلاً له الباس = وكلاً على ماقيل رايه يدله يابو مشاري جاك ردي بقرطاس = واللي عقد للحبل بأمره يحله |
بسم الله الرحمن الرحيم قصيدة مجالسي أهديها للشيخ عواد بن عيد المطرّفي العوفي الحربي تعبيراً منّا عن شكره على تحمله تكاليف المحامي في قضية (سجين جده ) محمد بن رابح بن رويشد الحربي .فله منّا ومن الجميع وافر الشكر والتقدير والعرفان .وفقه الله وبارك له في ماله وولده وجميل عمله .
بسمك اللهم علاّم الغيوب=مقسّم الارزاق غفار الذنوب ساتر الانسان من كل العيوب =ربنا الواحد ولا نعبد سواه وبسمك اللهم ياواحد أحد=ياعظيمٍ في صفاته ياصمد تصلح الأحوال في كل البلد=ومن يخاف الله يعينه ويحماه ومن بعد ذكر الله إيطيب القصيد=بإبن حرب البار والشيخ المجيد راعي الفزعه عسى عمره مديد=الكرم والجود من طيبة نماه اسمه المعروف هو عواد عيد= طاب فاله ياعسى عمره سعيد من قبيلة عوف والرآي السديد=سعد منهو بالشدايد إنتخاه يوم جاته قصة الحربي السجين=اليتيم اللي قضى عمره حزين مالقى له في حياته من يعين=يدعي الله مستعينٍ بالصلاه قام له عوّاد بالمال وتكفّل= بالمحامي وبالقضيه لين تقفل أشهد انه راعي الفزعه تجمّل=وكان له في عسرته طوق النجاه للكبيره قام من بين الحشود= وعن قبيلة حرب كفّاها وزود وكل خلق الله على فعله شهود=والنعم مليون تنطقها الشفاه وسجّل التاريخ له فعلاٍ جليل=وفي مجال الخير يجني له حصيل واسمه يخلّد لجيلٍ بعد جيل=يالله انك تكرم وتجزل عطاه ويالساني لو تقول اللي تقول=من قصيد ومدح في كل الفعول فبن عيد اللي نشا حسب الاصول=ما بتلحق والله اليومه جزاه القصيد يطيب في حضرة جنابه=وفعله الغانم ترآ كلاٍ درابه مايخيب اللي لفاه ودق بابه =افتخر به ياعسى عمري فداه شيخ قوم وشيخ مال وشيخ طيب=فعله الغانم شفى جرح العطيب مثل غيثٍ لا نوآ ارضٍ يصيب=يروي العطشان لا منّه سقاه الفضايل احتواها جوف راسه=والقبايل تعرفه من طيب ساسه والتقى والدين من أحسن لباسه=وفي دروب الخير تمشي به خطاه ماحسب عند اللوازم للخساره=محترم بين العرب زايد وقاره عنده الواجب يأديه بجداره=ابيض الكفّين جزلٍ في عطاه يالله انك تحفظه من كل شر= وترزقه تعداد حبات المطر وفي جنان الخلد يبناله قصر= وتحفظ اعياله من شرور الحياه الله يبارك له بمال وولد=ويجعله في خير دايم ما يعد ويكرمه في يوم ما ينفع أحد=غير فعل الخير لامنّه جناه أفتخر به كل ما جالي مجال=دام راسي حي لبّاس العقال في قبيلة حرب مصنع للرجال= بالفعول الصالحه نبني بناه وبالنسب والاصل حنّا عيال عم =نجتمع في حرب من لحمٍ ودم وللقبايل كلّها نقول ونعم=نمدح الوافي بوجهه وبقفاه وفي ختام القول صلّوا عالرسول=النبي الهادي لكل العقول الذي بيّن لنا كل الحلول=عزّه الله بالنبوّه واجتباه ناصر بن مصلح الاحمدي الحربي |
بسم الله الرحمن الرحيم هذه القصيده أهديتها للشاعر الكبير ( عايش حبيني الزبالي ) وهو شاعرغني عن التعريف بمناسبة زواج أبناءه وقد تشرفت بحضور الحفل بناءً على دعوة كريمه لي من رجل الاعمال المعروف الشيخ القدير ( صلاح بن فريج الزبالي ) حفظه الله ورعاه . وقد اسعدني حضوري تلبيةً لدعوة الشيخ صلاح الزبالي لهذا الحفل الذي كان جميل ومشرّف ونبارك لابن العم الشاعر عايش الزبالي زواج ابناءه وندعوا لهم بالتوفيق والحياه السعيده ان شاء الله وقمت بإهداء الشاعر عايش الزبالي والشيخ صلاح الزبالي هذه القصيده .
بسم الله الواحد عظيم الجلالي = رب العباد ومحصي لكل الآجال الواحدٍ الدايم عليه إتكالي = الخالق العالم بكلاّت الاحوال ببدآ قصيدي والليالي دوالي = نسلآ بها من طيبة الفكر والفال وسار القلم من بعدها بالمقالي = فيه السلام وطيّب الذكر ينقال سلام طابتله قلوب الرجالي = ياصل ل(عايش) معرّب الجد والخال شاعر وفيه الفخر حقٍ يقالي = ولولاه غالي ما بدعنا له أمثال انبارك الافراح والقلب سالي = نوفي مع الوافي ومدّاتنا جزال نلفي على طيب النباء ما نبالي= ابناء عمومه مابها شك وجدال جينا على دعوة كريم السبالي= يومٍ دعاني جيت مع نجم مقبال في حفل ابن عايش دعاء للوصالي= دعوة كريم إيجابها حق وإجلال دعوة (صلاح ابن الفريج الزبالي) = شيخٍ الشموخ اللي به الفخر يختال لبّيت انا دعوة كريم الفضالي = لجله تركنا كل همّام الاشغال لجله مشينا قبل يبدآ الزوالي = ولجل الوفاء نسري ولو ليلنا طال لمواصله نمشي سهول وجبالي = ونرفع له البيضاء من أطياب الافعال في حرب اسمه إعتلا كل عالي = وفعله ينومس كل حربي ورجّال صقرٍ يعرفونه قروم الرجالي = حرٍ مواقيعه على روس الجبال غالي ويبقى طول الازمان غالي = أوفي معه في حِل ولاّ بترحال أنا احمدي من طيب عمّي و خالي= أفخر بربعي في جميعات الاحوال دايم على العليا مثبّت نزالي = شاعر واعّد القاف بالجزل مدهال وكتبت أبيات القصيد الجزالي = فيها المعاني كنّها رسم خيّال ماقصدنا مكسب جنيه وريالي = وانا ولد عودٍ على العز يختال ولا طالبٍ شهره ولا جاء ببالي = غير الجمايل مالنا عدّ وظلال حنّا ارتوينا من قراحٍ زلالي = وضيوفنا نجزل لها القدر مدبال إن كان قاصي او رفيق موالي = كلٍ له التقدير وافي بمكيال من حرب حنّا محتمين التوالي = إنشارك الغالين افراح وآمال من سالم ومسروح باول وتالي = في صفحة الامجاد تارخهم عال أهل الوفا والجود واهل الكمالي = عون الضعيف وجامعه كل الافضال نسل الكرام معربين الخوالي = فينا الكرم والجود ذربين الافعال يالله يامنشي حقاق الخيالي = يامنزلٍ طه ومريم والانفال تصلح لنا نيّاتنا والعيالي = وتغفر لنا زلاّتنا يوم الاهوال وتجعل لنا في ضل عرشك ظلالي = وتكتب لنا في جنّة الخلد منزال الشاعر / ناصربن مصلح بن عبدالله الاحمدي |
بسم الله الرحمن الرحيم هذه القصيده إهداء مني للعم الفاضل والشاعر الكبير عايش بن صالح الاحمدي (الرحال) تعبيرا مني عن معزتي لهذا الجبل الشامخ في سماء الشعر وشكر وتقدير له والذي شرّف القبيله بشاعريته وأخلاقه العاليه وجمال روحه ومحبته للجميع ومحبة الجميع له في كل محفل يحضره عند جميع القبائل ونيابةً عن الجميع أقدم كل الشكر وعظيم الامتنان لشخصه الكريم على كل ما قدمه ويقدمه وهو محل فخر واعتزاز للقبيله كلها ويحق لنا ان نفتخر بأمثاله , ومهما قلنا فلن نوفي هذا الرجل حقه حفظه الله وأطال بعمره ومتعه بالصحه والعافيه ولا حرمنا الله منه . . والمعذره على القصور ......
سلام يارمز الوفاء طاب فالك=تعداد ما بالارض من نبت وجبال يبقى شذاه يطوف ينشد وصالك=فيه الغلا مني لك اليوم ينهال ومن كل فردٍ بالقبيلة كذلك= يرسل لك اليوم التحيات بجزال ياعم عايش يا عساني فدالك=شرّفت ربعك في جميعات الاحوال من طيب راسك جمّل الله حالك=ياصاحب القول المجمّل بالافعال لا شك قلبي بالمودّه صفالك= يا شاعر الجيلين يا جيّد الخال ياصقر نادر ما لقينا مثالك=عز الرفيق اللي مع الوقت ما مال ماخاب ظنّ اللي قصدك وسعالك=انت الخوي لا عجرف الوقت بالحال وافي وذا طبعك برغم انشغالك= قدوه لنا بالفعل من قبل الاقوال جزل القصيد براس فكرك ضوا لك=شاعر حكيم اليا نطق يضرب أمثال أخلاقك العليا تزيّن خصالك= يارجل من طيبه جمع زين الافضال تمشي على درب المكارم رحالك=وطبعك على نوف الشواهيق مقبال المدح وان ما كان ماهو في بالك =جاتك حروفه خاضعه فيك تختال من طيب صيتك يفتخر بك عيالك = وحنّا كذلك بالفخر صوتنا عال كتبت اسمك بالذهب واستوا لك=عايش ابن صالح وكنيتك (رحّال ) في صفحة الامجاد ايضاً هُنالك=اسمك مسجّل ما بها شك وجدال هذي حقيقه ويشهد الله بذلك= وكل الفخر في مثلكم حق وإجلال ياكثر منهو من ظميره دعالك = يالله عساك تدوم ياطيّب الفال ناصربن مصلح الاحمدي |
بسم الله اللي أنزل الشرع والدين = الواحد الرحمن جلّ جلاله سقت الحروف اليوم حسب القوانين = من طيبها الطرقي ينوّخ جماله دنيا وعشناها على العسر واللين = منها تعلّمنا سلوم الرجاله ولجل القرايب نرخص الروح والعين = وعن واجبي ما قلت مالي وماله ولجل الوفاء سقنا عالبيد رجلين = نوفي مع الوافي ونجني وصاله وياكم من صنوف البشر شافت العين = وشفنا على مر الزمن كل حاله والصاحب اللي ماعرف قدرنا زين = ماهمّني لو كنت عمّه وخاله نقصه على نفسه ويلقاه بعدين = اللي عن الواجب تقصّر حباله كيف العزاء بين الرجال الميامين = ياللأسف أصبح مجرّد رساله بالواتس تُرسل ماتكلّفه قرشين = حرفين يرسلها بنسخ وعجآله أشره على بعض الرجال العزيزين = ينسون واجبهم بليّا جهاله ومن هو زعل من كلمتي والعناوين = يمسح رقم جوّالنا من خلاله ناصر بن مصلح الاحمدي الحربي [/quote] |
بسم الله الرحمن الرحيم
بسم الله اللي عالم السر والغيب= قصيدةٍ باسم الولي مبتداها من بعدها مليون مليون ترحيب= عنّي وعن ربعي وفي ملتقاها ترحيب للجمهور ربع وأصاحيب=من شاعرٍ جزل المعاني نقاها احامده حنّا بعاد المحاضيب = ونفوسنا وضح النقاء من نماها من صخر ولاّ من صميد النواجيب= ورجال صادق يحفظ الله نباها ورجالنا عند المهمات ما تغيب = متشاركين بمرّها مع حلاها من حرب حنّا من كرام المناسيب = الغانمين الفايزين بجناها الراسخين الظاهرين الغواليب = بين القبايل عاليِ مستواها حرب العريبه هم زحول المعاطيب = بيض الوجيه الله يحيّي نماها هم حصننا يوم الليالي لواهيب = ماخاب منهو بالشدايد نخاها تاريخهم بالمجد سوّا الاعاجيب = فيها الفخر من زود الاعجاب جاها لطّامة العايل كعام المغاضيب = بشلف الحراب اليا بغت من صلاها فيها الرجال اللي تسن المخاليب= يلقى الكرم والجود منهو نصاها من سالم ومسروح شفنا الاعاجيب= عند الشدايد جمّل الله عطاها بصعب المواقف جامعين الاساليب= ينهونها لو هي صعيبه قواها اليا افتقوها بالقنا والمشاعيب = كم فارس وخيّال يلحق وراها يومٍ كلِ بوقت عوج العراقيب = لو راحت الاعمار قالوا فداها صوله وجوله شرقها والمغاريب = واللي يعرف إصقورها ماشتواها واليوم عواّد الوفاء منبع الطيب= كل المراجل نالها واحتواها ابن دهيرم مابها شك او ريب= درب الفضايل بن دهيرم مشاها يرقى كما يرقى على المرقب الذيب = ويمناه دايم بالكرم ماثناها في مجلسه تلقى جميل التراحيب=اللي تنومس كل منهو لقاها نرفع له البيضاء حميد العواقيب=وطيب الفعايل عند ربي جزاها حتّى عياله بالمكارم مهاذيب=مثل النجوم العاليه في سماها صقور حرب اهل السيوف المحاديب= اللي تقلّط للنشامى قراها ولا هانت رجال الوفا والاصاحيب =عند اللوازم بانت بمحتواها ومنا نويشي بدون شكٍ ولا ريب = كلاٍ يعرف أهدافه اللي رماها ومنّا البلالي قصته دوم ماتغيب=قصّة وفاء للكل ياصل صداها ومنّا ابن ولمان في ساعة الريب=كل المخاطر يوم ثارت وطاها وابن جزاء وقت الليالي المصاعيبب= كاد العدو وعيونه ربعه رأها وزيد الفضيلي يوم جات النواشيب= اديار ربعه بالفرنجي حماها شيخٍ معرّب ماضيٍ له تجاريب= في ماضي الازمان كلاً قراها ومحسن و اخو جوزا صقور المراقيب=افعالهم طول الزمن مامحاها ومنا الذويبي يوم لبّا المطاليب= يطلب مصالح ديرته من غلاها وابن نحيت اللي به الظن مايخيب=كم من قضيه بين ربعه نهاها ومنا ابن ناحل كريم المعازيب= من جزل فعله جيلنا ما نساها وصلاح ابو صالح وفيّ المواجيب = روس المعالي بجزل فعله رقاها حربي زبالي من كرام المناسيب =نسل الصقور اللي بعيدٍ مداها فعايله تطلق حجاج المناديب= وكم راس أعتق قبل تلقى قضاها من دون قاصر في طوال الاشانيب= وكل القبايل والنعم في لحاها ومن ما شرا للمرجله قبل لا يشيب=يقضي حياته كلها ما اشتراها والطيب باقي والليالي دواليب=وكلٍ يموت وحاجته ماقضاها وحنّا لأل سعود درع وحواجيب = على العهد والدين نحمي حماها وعداد ما تبرا الجروح المعاطيب = وعداد مابالكون من حجم ماها صلوا على اللي شال جثّة جليبيب = قصة صحابي ابن مالك رواها ناصر بن مصلح الاحمدي |
بسم الله الرحمن الرحيم
مدري علامي كل ما اصبحت وامسيت = الفكر تايه بالرجاء والتمنّي ياكم وكم من القلب صادق تمنّيت = شوف الغرام اللي لها القلب ونّي ياما نزف جرحي وياما له اخفيت = مبغى ضعوف النفس يدرون عنّي قضيت عمري بالعناء ماتهنّيت = وهموم بقعاء بغيبته بهذلنّي من غيبته لاني بحي ولا ميت = عايش بالهدنيا على حسب ظنّي اقسم بمن بامره حمى طيرة البيت = ما فيه غيره في خفوقي سكنّي ومهما من الهاجوس والبعد عانيت = باصبّر النفس العليله وامنّي وياليت تنفع كلمة اليوم ياليت = واشوف وجه اللي هواها حظنّي ناصربن مصلح الاحمدي |
بسم الله الرحمن الرحيم مقطع يوتيوب للقصيده :
البارحه ليلي من النوم ماطاب =والحزن في صدري تزايد لهيبه كنّي كسيرٍ بالفيافي ومنصاب =يمشي ورجله من عطبها تعيبه يسري و ليله بالهواجيس مرتاب= وزادت عليه هموم بقعاء نحيبه وكنّي كما ذيبٍ على راس مرقاب= يقنب ومامن يستجيب لقنيبه ودمعي كما وبلٍ من المزن سكّاب =على فراق الغاليه والحبيبه وقلبي على فرقا العزيزين منصاب = وفرقاك ياعمّه بقلبي مصيبه جرح الفراق بداخل القلب ما طاب=واحتار حتّى في علاجه طبيبه في كل عيد تجمع أحباب واقراب =تلقى البناخي وابن عم ونسيبه ترحيبها يجلي عن الخاطر أتعاب=وكفٍ نديه كل خيرٍ تجيبه في طاعة الله عاشت العمر بحساب = تسعين عامٍ عاشت بكل طيبه والعمر ساعه والمقدّر له اسباب= ولوتختلف بالموت كلاً تصيبه حكم القدر مكتوب في لوح وكتاب=من عند رب الكون مافيه ريبه نصبر على حكم القدر كيف ماجاب=وكل البشر لابد يأخذ نصيبه يالله ياللي دعوتك مالها حجاب =يارب تجعل دعوتي مستجيبه تبني لها من رحمتك يوم الحساب=في عالي الفردوس دارٍ رحيبه ( ناصربن مصلح الاحمدي ) |
بسم الله الرحمن الرحيم بمناسبة ذكرى وفاة والدي وعمي اليوم رحمهما الله وأسكنهما فسيح جناته وجميع موتى المسلمين اقول :
بسم الله الرحمن تعداد ما دار = شمس وقمر بالكون متعاقبيني من بعدها سار القلم بالورق سار = كنّ القلم والحرف متسابقيني يكتب معاني ساقها كنّه إعصار=هزيز صوته اسمعه كل حيني احساسها بالجوف قاسي وجبّار=ماترحم اللي في قيوده سجيني في كل يوم يسجّ هاجوس الافكار=ويطري عليها مامضى من سنيني ايام عشناها مع قروم و اخيار=واليوم عن دنيا الفنى راحليني منها دموع العين بركانها ثار=ترمي قذايفها على رمش عيني تجاوزت فيها الحٍمم خط الانذار = فيها الحنين جنود مستعمريني خلّت هجوسي عبر ابيات الاشعار=يبني حروف الشوق للغايبيني يوم اذكر الغالين كنّي على نار = نار الفراق ونار شوق الحنيني شوق اليتيم اللي فقد شمعة الدار= كل ما ذكرها زاد صوت الونيني يومٍ ابوي وعمّي بداخل الدار = في مجلسٍ بالطيب متقابليني ابوي ابوي اللي على عز ووقار = عزيز قوم بخالقه مستعيني من طيب راسه مكرم الضيف والجار=وفي واجبه عزمه أبد مايليني عشرين عام وزود والقلب صبّار= على الفراق ويا عسى الله يعيني ويالله عسانا يوم تكريم الابرار = في جنّة الفردوس متجاوريني ولبو سعد تشتاق روحي و الانظار = صقرٍ ليا عدّوه سمح الجبيني عضيد ابوي وسيف بالحق بتّار = حبه بقلبي ما محته السنيني من طيبته يلقى السعد سابع الجار=على النقاء والدين ذرب اليميني حنون بالفطره مع صغار وكبار=من صغر سنّي بطيبته محتويني عزيزنفس وبالكرم عدّ مدرار=حكيم راعي شور رجلٍ فطيني في مجلسه يجمع على الطيب الاخيار= وفيه الجزاله دائماً تهتويني أيام كانت بالفرح تشعل أنوار =تسعد بها روحي مع الحاضريني على النقاء والطيب والكل محضار =وعلى الفراق اليوم قلبي حزيني وجدي عليهم وجد ظامي بالاسفار = تاه بطريقه مالقي له عويني في كل درب امشيه لي فيه تذكار= امشي على جمر القهر بالهويني لكنّها هذي تصاريف الاقدار=نصبرعليها وياعسى الله يعيني عسى مزون الخير لاهلّت أمطار= تروي ثرآ قبره يسار ويميني وتنبت من مزون الحيا ورد وازهار = وريح البَخَتري في ثراها يبيني ويالله عسى الفردوس له مسكن ودار=مع النبي وخاتم المرسليني ناصربن مصلح الاحمدي= |
بسم الله الرحمن الرحيم
الفطين اللّي تعلّم من حياته = ومن تجاربها على مرّ السنين يقضي أيّام العمر حتّى ممآته= واثق الخطوه بدرب الغانمين واحسن الاخلاق دايم من صفاته= وعز نفسه لا يهان ولا يهين وكلمته دايم تزوّد في غلاته =بين خلق الله وكل المسلمين وان تحقّق له ولو بعض أمنياته = يشكر اللّي دايما به مستعين ودايماّ تلقاه يدعي في صلاته = بالستر والخير في دنيا ودين (ناصربن مصلح الاحمدي) |
بسم الله الرحمن الرحيم
أجر الصوت في ليلي واغنّي =واسج الفكر في بعض الاماني لقيت الدمع يمشي غصب عنّي =على خدّي ومن قسوة زماني بنات الفكر بالماضي رمنيّ =تناسيته ولكن ما نساني سبحت فبحر امواجه عمنّي=أدوّر نجمة سهيل اليماني عكست الموج واحساسي يونّي=في ليلن دلهميّ إبلا مواني رسيت بشاطي احزاني وكنّي =غريبٍ مالقاله ترجماني الا ياقسوة الايام حنّي=على اللي عاش عمره مجهداني خذيت احلا سنين العمر منّي=بلا فرحه ولاعطف وحناني شربت المر وسنيني هدنّي= رديّ الحظ بجروحه بلاني ألا ليت الليالي تمهلنّي=احقق بعض من تلك الاماني ناصربن مصلح الاحمدي (جميل النوايا) |
شاهد جريدة عكاظ وقصيدة( اجر الصوت) لناصر بن مصلح الاحمدي
7/20/ 1436 http://www.okaz.com.sa/new/mobile/20...0509770164.htm ----------------------- |
كنت اعتقد بالحب مافيـه هجـران=لين الزمـن قدّر بقسوه عليّـه شفت العيون اللي تسلهم بالانسان=ترميـه فـي سكـّة رداة المنيّـه عـزّاه ياحب(ن)عايشتـه ازمـان=متربّع(ن)وسط الحشى بلا حميّـه هجرتني واقفيت نـادم وحيـران=اضرب بكف(ن)كف والحزن فيّـه وتركتني يشمت بي فلان وفـلان=كنّك عطيت العـاذل اكبـر هديّـه البعد شين وصاحبه دوم خسـران=والهم يبنـي فـي فـؤاده خليّـه ولازارني طيفك في بعض الاحيان=يبقى لحبـك فـي خفوقـي بقيّـه تهزمني العبرات من دون ميـدان=ويلاه يـا خل(ن)تركنـي ضحيّـه حتى القريب لحالتي صار زعـلان=ودمعه على الخدين يجري شويّـه كم قلت لي منساك يانور الاعيـان=وتركتني من دون ذنـب وخطيّـه ياهاجس الضيقه ترى الدمع حيران=فالبُعد خلّـي قـرّب المـوت ليّـه كنّي بسجن(ن)خالي بدون سجّـان=ولأ عليل(ن)مـا تداويـه كـيّـه وكنّي فبحر بـلا سفينـه وربـان=تضرب به الامواج في كـل سيّـه يا الله يا منزل بقدرتك قـرآن=ياواحد(ن)ندعيه صبـح وعشيّـه ارجيك يارب(ن)عظيم(ن)ورحمـن=تجبر فؤاد اللـي حياتـه شقيّـه (ناصربن مصلح الاحمدي)= |
الساعة الآن 08:53 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir