حنا الخلصه
 

مشاركتي في ملتقى خلصة الوهوب من قبيلة حرب الخامس فالقصيم ..


يامحلا الطاري بجزل التماثيل
من هاجسً يبدع على شان لابه

يبدأ به الشاعر و يحط و يشيل
في لابتي حرب الحرايب بدابه

يفخر به المعنى و يفخربه الجيل
لا قلت عزوة حرب عز و مهابه

من بعدها باقول من غير تبديل
يم الوهوب أهل السطر و الجهابه

ينحابها الهاجس على غير تعديل
لأجل الرجال اللي عزيزن جنابه

حنا الخلصه ليا فتر بارد الحيل
نمشي على درب الخطر ما نهابه

نمشي على دربً مشوه المداهيل
سيفً يخضب بالملاقا نصابه

فينا الشجاعة بالمعاني دواليل
لا جيت تذكرها على كل جابه

أشهرهم ليا قلت صاهد بن ليل
كل القبائل تعرفه بالمهابه

الفعل ساطي من زحول الرياجيل
ابن ثواب بطيب فعله رقابه

شجعان بالميقاف و الا على الخيل
يشهد لنا قاصي العرب و القرابه

تاريخنا منحوت بحدب المصاقيل
ما هو كلامً ينقري في كتابه

بدر الحداري سطر الشعر تحليل
من شان ربعه قالها و اعتزابه


الشاعر // بــدر مــنـــور مــطـلـق الـحـداري //

صح لسانك وبيض الله وجهك
ونعم والله منك
ومن جميع قبايل حرب

صح بدنك و وجهك ابيض و ما عليك زود شرفتنا بمروركـ ..

صح بدنكـ و ربي يعافيكـ و وجهك ابيض شرفنا مروركـ ...

والنعم والله بالجميع
وفي كل حرب
صح السانك لاهنت
شاعرنا القدير

صح لسانك مليون على القصيده
والله يـعـطـيـك العافية

صح السانك
وبيض الله وجهك يالغالي على القصيدة الرائعه