جينا ولـه لأهـل الوجيه المسافير=جينا بكل الشـوق والكل مشتاق
ماهمنا طول السفر والمشاوير=ماهمنا لو بالمشي يتعب الساق
جينا لشيخٍ ما يهاب المخاسير=شيخٍ تعلت سمعته فوق الآفاق
معرب الجدين واف الأشابير=كريم وافي كاسبٍ طيب وأخلاق
سطرت من شانه حروفي تساطير=وأبدعت قيفاني على بيض الأوراق
درزي بن هابس خوي المناعير=درزي أبو عساف لطيب سباق
رمز الكرم رمز الوفاء يفعل الخير=صدره وسيعٍ لرجاجيل ماضاق
كريم ماجاء منه نقصٍ وتقصير=يروق اللي خاطره ما بعد راق
من لابة شجعان كلهم صقاقير=حرب معروفه للكرم غصب تنساق
كبيرهم بالطيب يكفخ كما الطير=وصغيرهم في بحر الأشعار عملاق
وعدوهم لاجاء براسه صعاطير=ضدوه غصبٍ لو على قطع الأعناق
وآخر قصيدي اسمعوا يالمشاهير=درزي تعلت سمعته فوق الآفاق

المشاركة الأصلية كتبت بواسطة ابوهليل (المشاركة 1420439) صح لسانك ياصالح قصيده جزله بيض الله وجهك ونعم بالشيخ درزي يستاهل المدح

المشاركة الأصلية كتبت بواسطة الكحيلة (المشاركة 1420472) من قدم الطيب يستاهل المدح والنعم بالجميع صح السانك لاهنت ولاهان منطوقك

المشاركة الأصلية كتبت بواسطة سعد السمين (المشاركة 1420504) صح لسانك الشاعر صالح المزيني ونعم بالمادح والممدوح يستاهل المدح راعي الطيب

المشاركة الأصلية كتبت بواسطة سند العريمه (المشاركة 1420515) صالح المزيني صح السانك لاهنت وأبوعساف يستاهل .