الوسيدي=
مرحبا والله يحييكم ويسعد لي مساكم = عند ابو غازي يشرفني وجودي في محله
والله اني ما جبرني للحضور الا غلاكم =مير ابي لي شاعر يعرف فنون الشعر كله
الغامدي=
جعله يدوم البقاء من شاعرٍ بالحفل جاكم = بن صميعر لادعانا على شانه نصله
ادري من غلاكم وادري انه مولاكم = مالك الا شاعرٍ يمشي على مذهب ومله
الوسيدي=
ياهل الباحه نشوف الغيم غيم في سماكم = والشجر بله وراس الضلع عيا لا يبله
امطرت لكن مدري دونكم والا وراكم =الله انه يرزق المحتاج رزقن في محله
الغامدي=
ياهل الراحه وراكم ما درينا وش وراكم= سجلوها في القاناة وسجلوها فالمجله
كل شي(ن في سراه وقبله اخذتم سراكم= استغيثوا ياحروب وتمطر السحب المهله
الوسيدي=
ياهل العرضه تعرضتوا لها والله بلاكم = الرياحي كل ليله يعقد الحبل ويحله
عارفينن مستوانا وعارفينن مستواكم=الشجر وش طول ضله والجبل وش طول ضله
الغامدي=
ياهل القلطه علينا في ديرنا وش رماكم= مار رح قل للرياحي يغير المنزال قله
ادري بالحكي والهرج ما يلحق مداكم = وبيبين الفرق لامن راعي المسلول سله
الوسيدي=
كان صرتم هينين وكل من جاكم خذاكم= والله انا مانخلي وادي(ن مانستحله
وش علينا من زعلكم وش علينا من رضاكم = جاكم المندوب قدامه جنودٍ تحتفله
الغامدي=
ياهل العميا تراكم من عماكم في عماكم = طيعني عود لمشذوبه وصل الفرض صله
ماعلانا ماعلانا مار مدري وش علاكم = الغشيم ليا تغيشم زاد فوق الطين بله