ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   ملتقى الشاعر الهاب الوسيدي (http://www.m-harb.net/vb/forumdisplay.php?f=110)
-   -   يا السحيمي ترى بيني وبينك حدود (http://www.m-harb.net/vb/showthread.php?t=17344)

ابوفواز النويمي 06-07-07 02:14 AM

يا السحيمي ترى بيني وبينك حدود
 
يا السحيمي ترى بيني وبينك حدود=كل واحد على حده ويرجع وراه
انت حدك من اطراف القصيم وتعود=والوسيدي مسك حد الشمال وحماه
انتبه للجمال تسوق ولا تقود=كل جمال ياخذ بندقه مع عصاه
حدي الشام والبصره وعندي شهود=وانت احفظ كتابك والقلم والدواه
لاتضيع العلوم ولاتبيح السدود=سوقها لين ياصل علمنا منتهاه
ما يقفي نهار الكون غير الشرود=كل ماكبرت الهوشه عطاها قفاه
امش يالهاب والهب والركود الركود=ونتبه للفقير الي غضب من عشاه
ومسك الارض يالين المسافر يعود =والبنادم اللي جاب العشا ما علاه
يا مدير الخزانه لاتروح النقود=في نهار يصير الفقر مثل الغناه
جيت ابازعل على صياف والياه عود =مير قولوالابن عواد يصلح خطاه
فيه ذيب يغير وفيه ذيب رقود =وانت حط العشا بالقدر قبل تغطاه
ليله السبت تنظر في شرار الزنود=والحقيقه لبست الثوب فوق العباه
الذيابه سوى من عصر عاد وثمود=غير واحد سنونه طايحه من جماه
حرب دايم علمهم فوق راس العمود =اذهن الداب يوم انك قلبت الحصاه
الرجال الكبار تحك عود بعود=وانت مدري تحك العود واللحاه
حرب قوم الحرابه قبل عشره عقود =دارهم مايموت ولا يظلم سماه
الرجال الكبار مقيده بالقيود=مير صياف بن عواد هذا بلاه
بعض الايام بيض وبعض الايام سود=وانت مدري تحب الموت ولا الحياه
ما يسب الرسول الا عيال اليهود =وانت روح وتوضى قبل وقت الصلاه
احترم في يمين الضلع وارقى سنود =وانتبه للرماه اللي وراها رماه
انت ماانت برسول ولا انت رب معبود =شاعر يخدم الميدان بين ازملاه
هيه ياللي تشب النار زيد الوقود =السحيمي نويته كان مالله هداه
اشكر الله ياحربي واشكر بن سعود =واترك اهل الشعر كلٍ على مستو اه
ما يغش الزمل غير البعير الهيود =يوم شم الهوى يهدر ولاله لهاه
نشكر ابن سعود وكلنا له جنود =مير انا شاعر اقف بماقغي وحماه
ما يشيل السلاح الا قوي العضود =وانت ياللي جرحت الجرح تلقى دواه
انت تشكر ولا تكفر ولانت بجحود =مير ماكل طحان يحرك رحاه

بندر الحربي 06-07-07 02:58 AM

الله يعطيك العافيه

راعــ(البل)ــي 07-07-07 12:25 AM

بيض الله وجهك يابوروان

ابن خيرالله الردادي 09-07-07 10:48 AM

مشكور اخي على جهودك

بيض الله وجهك محاوره رااائعه

تقبل تحياتي

ودمت بخير

فيصل حمود الوافي 09-07-07 11:05 PM

صحت السنتهم وبيض الله وجهك

سالم الفريدي 12-07-07 05:07 AM

بيض الله وجهك يابوروان

فتى البعايث 26-07-07 08:06 AM

الله يعطيك العافيه


على هذا النقل الجميل

نقل تشكر عليه

وبيض الله وجه

لهاب الوسيدي الحربي

وعساه على القوه والعز

حميدان العوفي 26-07-07 10:13 AM

مشكور على النقل الراااااااااااااائع

و صح لسان الشاعرين

عواد الظاهري 11-08-07 11:32 AM

بيض الله وجهك يابوروان

الزبيدي الحربي 14-09-07 02:04 AM

صح لسان / الشاعر : آلهآب الـوسيــدي ..

وبيض الله وجهكـ ..

وعداك العيب ع هل المحـآورة ..

وآلله يررررحمه " شآعر آلخليج " ..




الساعة الآن 12:35 PM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi