معيــــــض=
سلام ياحضر مدري بدو مدري وش تكونون=الأسم للحضر والهيكل بعيد من الحضاره
انتم على ايات ساس ان جا نهار البني تبنون=وانتم عوارف وراع العرف تكفيه الأشاره
ابـــو عزيز=
يامرحبا لابس لك ثوب حربي وانت مجنون=انته معلمك بالاخبار نزال القواره
عن ساسنا بالله انك ياعميلي لاتسالون=خلك بدارك وكلا ساكنا في جوف داره
معيــــــض=
انتم عرب من عرب واسلام صافي لاتشكون=لكن مدري على ايا ساس تقويم العماره
هي قومت من حجر والا على طينه ومعجون=حيث ان بعض البنا مكسب وشي منه خساره

الجبـــــــــــــــــــــرتي=
انا يامعيض اسمع بذكرك وطاريك=لكنا حضرنا عند ولد الحــــــــــلالي
هلا مرحبــا يامعيض والله يحييــك=علوم اليمن صدفة علوم الشمالي
معيـــــــــــــــــــــــض=
انا مثلك اسمع بك وادير الفكر فيك=وربي جمعنا بالليال التــــــــوالي
انا ضيف وانته ضيف والله يبقيك=وزاد العلوم علـــــــوم ياهمـــلالي
الجبــــــــــــــــــرتي=
انا أطلب من الله مايضيع الرجا فيك=لكن القمر باول طلوعه هلالي
انا مفتكر ياصاحبي وين اوديــــك=تحب السهل ولا تحب الجبـــــالي
معيـــــــــــــــــــض=
طلبنا من الله وارجوا انه يهاديك=وشمس الضحى تكشف سمين الضلالي
على ماتورى يالجبرتي نماشيك=وعسى راس مالك يردعه راس مـــــالي
الجبــــــــــــــرتي=
ياليتك تخليني بناخي وابادعيــك=خبـــرتك كريم ولا تحــــب النـــــــــوالي
واذا كنت ضايق تفرش البيت والفيك=وهــذي سلوم تقاد بين الرجالي
معيـــــــــــــــض=
انا ما اكره اقبالك ولاني بتاليك=ولا اعضاك والدنيا زواد الــزوالــــــــــي
وأنا كيف ابزعل وأنت مافيك تشكيك=سلوم العرب بالفعل ماهي مجــــالي
الجبــــــــــــــرتي=
انا عــــارف أنك ماتبن شكــــاويك=تشيل الكنينه مثـــل شيـــل الجمـــــالي
واذا كـــــان تبغا شي قلي واداويك=ريالين ماخذ منك عشــــــرة ريـــــــالي
معيـــــــــــــــــض =
اباصبـــر كما صبرك ومعروف مافيك=وانا وانت كــلا في مكـانه وغالــي
تداوي وانا كان انت ضميان ابي اسقيك=شرابا مجرب مثل شرب الزلالي

هنـدس ضميـري ثم بين لـه الـقـاف=وسويت من طرق اللحن ما طرالي
وقمت أتعيـن في كـثيرات الأصـناف=وابـتـاع واشري بـين مـرا وحالـي
يطـرا عليـه حـب كـاملـة الأوصاف = مولـعـة راع اليــمـن والشـمالــي
بـنـت الحكيـم اللي تزنـعـف تزنعـاف=وظـلـي لها قسمة سهم في حبالـي
اخذت معها فـي اول العمر محـراف=وصـفيـت معها يـوم وقتـي صفالـي
والـكـل منـا صار عـاشـق ومـيـلاف= وزداد عـشـق الـحـب يا هـمـلالـي
يامـا سريـت الهـا أتحـذرف تحذراف=وبـديـت واجـبـها عـلى أم العيالـي
وياما بديت الها على راس مشراف=ويـامـا سـهـرت ايـامـهـا والليالـي
وياما قعـدت لطــلـعة الصبـح وقـاف=مـاكـنـي الا فـوق قـطـن وزوالـــي
اليوم شبـت وشفـت بالركب الانكاف= وسلمتهـا يمنـى الرفيـق الموالـي
سلمتهـا يمـنى رجاء الله وصيــــاف=عوق الخصيم ان بان ميل وعدالي
اللـي مواقـفـهـم اليــا جـات تنشـاف= ان جـاء نـهـار فـيـه مثـل القـتـالي
عـطيـتهـم من حـر مـالـي ولاأخـاف= وباب العطـاء مفتوح بين الرجالي

في محل اهل الوفى والطيب ورجـال الكرامـه=مرحبا باللي حضر في حفلهم من كـل ديـره
ثم اهني من حضر عقب المغيبـه بالسلامـه=والعلوم مفسـره يالله عسـى بالأمـر خيـره
البقا ياشاعر يفرض علـى النـاس احترامـه=العميل اللـي يخلـص فالكبيـره والصغيـره
احسب ان شعيل الأشقر ماع شحمه عن سنامه=له سنين طوال ما اسمع لا رغـاه ولا هديـره
صاحبك يعطي حقوق الناس ومكمـل نظامـه=يشتري ويبيـع ومجـود مضاميـن البريـرة
وانت ماتجهل شعيل يشيل مخه فـي عظامـه=محتسي ممشى المشاه ومحتسي ممشا المغيره
يامعيض الوقت فيه مغالطـه مـدري علامـه=حد سكينـه علـى النـاس الغنيـه والفقيـره
نعرف الرجال من فعله ومن منطـق كلامـه=لا تحـط الاولـه ياصاحبـي جنـب الأخيـره
لا تلوم اللي يحط القفش الأحمر فـي حزامـه=وانت لك شي ظهر مانتـه بـداري بالسريـرة
بعض خلق الله تضيع ابه الروابع فـي منامـه=وان صحى بلشان بين الوارده واللـي صديـره
البنادم مايحاسـب غيـر فـي يـوم القيامـه=يالله انـك لاتوريـنـا بعمـيـان البصـيـره
....... بعـض الدعـاوي لا تلحقنـا ملامـه=لا توقفنـا علـى حيـد الرحـاه المستديـره
البنـادم مقتفيـه حسـاب وحسـابٍ يمامـه=وانت برق ويش لون النار في جنـب الذخيـره
مايجيك اللوم وانته مادحمـت أهـل الرغامـه=ميـر دنيانـا تـدور وصـار للجـرة جريـرة
لو لزمنا المـوس يمدينـا تعلمنـا الحجامـه=ان لزمناهـا خطيـرة وان تركناهـا خطيـرة

عشرين وتسعه من الشهر غاب مفقود == وعـزالله انـه غـاب منـا فقيـده
بتالي رمضان اللي به الشر موصود == وعساه بالفـردوس يثقـل رصيـده
جاني الخبر بتالـي الليـل مقصـود == ليت الخبر ما صـار وابعـد بعيـده
قالـوا أبـو بنـدر تـولاه معـبـود == وتحت الثراء حطوه ما هـي مكيـده
تدبيـر رب الكـون والعـد مـارود == ومن خلقـت الدنيـا فناهـا تزيـده
وهلت دموع العيـن والبـال منكـود == من فقد منعـوت السجايـا الحميـده
ونوم الكرى ما لامس العين مطـرود == من واهج بالصدر سـوات الوقيـده
ومرحوم يا شيخ على الطيب معهـود == من خلقتـه والطيـب همـه وعيـده
ريف الخوي والجار والضيف له جود == وجنـه لربعـه والمعـادي يكـيـده
وليا عدوا الشجعـان بالفعـل بالـود == قلبـه كمـا البـولاد ولا الحـديـده
رجل القبيله والفعايـل لهـا شهـود == معيض العجي بالطيب شبوحه بعيـده
ليت القدر ماجـاه والعمـر ممـدود == ويطول عمـره فـي حيـاة مديـده
ويبقى لنا معـرب الخـال وجـدود == ركن نصـادم بـه قضايـا عديـده
ونبغاه لنا اليا حك عود علـى عـود == ومثل الأسد يصيـد ولاحـدٍ يصيـده
ونشكر أبو بندر على كـل مجهـود == الفعـل كامـل والمراجـل سـديـده
والله لو هـو بالنقـا لابـس الخـود == لدفـع حياتـي دون راع العقـيـده
ولو صار بدفع المال فالمال موجـود == نـذرن عليـه مـا نمـد الزهـيـده
ولو صار فدى بالروح لفديه بسعـود == لفديه بابنـي لـو يكـون الشريـده
وياالله عسى ورث الاجاويد محمـود == ويكمـل مسـار السابقيـن ويزيـده
اللي لهم بالمجـد طـولات وزنـود == ونالـوا بهـا الدنيـا فعايـل فريـده
وعساه مع الابرار ومع صف داوود == بجـاه رب معتنـي فـي عبـيـده

لا والله ما ينسي

معيض العجي


عز الله انه شااااااعر

الله يرحمه

الليله امسي على سطح القمر باشه وسلطان=والملعبه بنت وانـا مستعـد المـس نهدهـا

انته قنصت الغزال وطحت فوق الذيب سرحان=تحب لمس النهـد والنـاس جروهـا بيدهـا