علي الحصني=
مربا في مجالس حرب ترحيبة اللي=شاف ضيفه وهلا به وجاب الذبيحه
انت يا الشاطري فاتك زمان التغلي=ون نصحناك ماودك تطيع النصيحه
غازي الشاطري=
البقاء ياعميلٍ طـول وقتـه يهلـي=لو يشح الزمن يمناه ماهي شحيحه
ماتخلي المـراوغ ياعلـي ماتخلـي=لو تقول النصحيه قلت ماهي صحيحه
علي الحصني=
جيت قدم المصلي جيت خلف المصلي=جيت جنب الصلي طحة عشرين طيحه
يا بيض الوجه بعض الهرج ماله محلي=مالفـت العيـن لالمترديـه والنطيحـه
غازي الشاطري=
ماقطعنـا صـلاة المسلـم المستقلـي=والـدوى مايـداوي للقلـوب الجريحـه
السوالـف كمـا سيـفٍ بعـزه يسلـي=وانت ياعلي اشوفك صحت تسعين صيحه
علي الحصني=
فيه نجمه نشوفه فـي سمـاه متعلـي=ومن نشدنا يقول النجم مسرع مطيحه
ويش رايك بذاك النجـم بـل اه قلـي=ضاقة الاض من نوره و لو هي فسيحه
غازي الشاطري=
كم نجوم تهاوت مـن سماهـا تهلـي=ما أزين السالفة لن جات بيضاء صريحه
اصبر اصبر ويطوالـه كتـاب وسجلـي=ثم يطفي هـذاك النجـم وتهـب ريحـه
علي الحصني=
نوب اقول الاوادم وضعها مستخلـي=ونوب اقو ل الزمان مقصر الله يبيحه
البضايع لعب في سوقها بـا مجلـي=مابقى الا يسيل الدم فوق الصفيحـه
غازي الشاطري=
نوب قالوا نصيب ونوب يالقـرم هلـي=ونوب تلقاء الزمن يقسي ويهلك شريحه
اطلب الله عسى مثلـه يـزول ويولـي=لاجل تركد عباد الله وتمشـي مريحـه
علي الحصني=
جاك مشتال سحر عمان لين استحلي=فيضتن في طوارفها مراح المنيحـه
من ذنوبه على الناس المطر مايهلي=وقالو انه شجيع ولا لقينـا ذبيحـه
غازي الشاطري=
مشكلة كبروها وصعبت مـا تحلـي=واصبحت من طوارفها تساق الفضيحه
مرة الطائـرة والقفـز كلـه مظلـي=قل من سلم والمنصاب يكثر فحيحـه