|
الشعر له قيمة ومعنى ومضمون = بيت(ن) معزز والعرب يقصدونه الشعر مدح ونصح باللطف مقنون = ونهي(ن) عن الباطل ومن يفعلونه الشعر عند اهل المروات مقرون = بالطيب من مبداه لاقصى غصونه الشعر بحر(ن) صافي الطعم واللون= حالي كما ذوب العسل في صحونه الشعر زبدة مخ صافي ومامون = واللي يقدر قيمته مايخونه در(ن) وجوهر بالموازين موزون= اهل الشجاعة بالذ هب يشترونه الشعر عند اجدادنا كان مسنون = شيمة عرب من قبلنا يبدعونه مكانته عليا مع اللي يعرفون= نقش(ن) على صم الحجر ينقشونه الشعر يبدي ما بداخلك مدفون= يرفع مقام المرء واللا يهونه الشعر يصل القلب بالرفق والهون= يدخل قلوب الناس ويقدرونه باضرب مثل فالشعر للعال والدون= ولا اقول انا شاعر يرى الناس دونه شاعر ولي فالشعر خبرة وقانون = وليابنيت البيت اعزز ركونه كم واحد(ن) فالناس مبلي ومحزون = ولياتغنى الشعر يبري حزونه كم واحد(ن) طول الدهر عاش مديون= ساق القوافي وانقضت له ديونه في ظرف ساعة حط فالجيب مليون= والدين سده قبل ساعة حتونه كم واحد(ن) فالناس عاشق ومفتون = صاغ القصيدة في مضنة عيونه زين معانيها على ساس متقون = تعبير صادق ماتغير ظنونه بين وداد(ن) داخل القلب مكنون= لهل الحسب واهل الحسب يقبلونه ماقال انا حبيت من كان مزيون= وراح يتغزل في حلاه وزيونه مابين اوصافه يبا العرض مصيون = من صان عرض الناس ربي يصونه كان الهدف قربه لناس يعزون= اليا قربهم واحد(ن) يرفعونه باحلى قصيدة جوه اهلها يقولون= ابشر بمطلوبك ومنا المعون نال الطلب والناس جوله يهنون= لاساق جاه ولا تعنت ضعونه هذا المباح اللي له الناس يسعون = من طاب عرقه سرع طالت فنونه اما الذي في كل وادي يهيمون= واشعارهم فيها الردى والعفونة بالقذف والتجريح للناس يرمون= ماهمهم مظلوم لو يظلمونه نثر(ن) مجمع جوفه الفسق مبطون= عزاه للي علته في لحونه من ولفه يبقا فحسرات واغبون = دايم وتلقا اهل الردى فالمهونة درب(ن) به الانذال والكفر يمشون=اهل الشرف من طبعهم يكرهونه تلقا لعثرات القدم من يداوون= وعثرة لسان المرء تجرح متونه وانا هرجت الصدق وابليس ملعون= شيخ(ن) وبيبان العرب يعرفونه ابوي سلم لي على الطيب عربون = ونا بمد الطيب للي يبونه صلوا على سيد البشر سيد الكون = والال واصحا به ومن يتبعونه |
الشعر له قيمة ومعنى ومضمون = بيت(ن) معزز والعرب يقصدونه الشعر مدح ونصح باللطف مقنون = ونهي(ن) عن الباطل ومن يفعلونه الشعر عند اهل المروات مقرون = بالطيب من مبداه لاقصى غصونه الشعر بحر(ن) صافي الطعم واللون= حالي كما ذوب العسل في صحونه الشعر زبدة مخ صافي ومامون = واللي يقدر قيمته مايخونه در(ن) وجوهر بالموازين موزون= اهل الشجاعة بالذ هب يشترونه الشعر عند اجدادنا كان مسنون = شيمة عرب من قبلنا يبدعونه مكانته عليا مع اللي يعرفون= نقش(ن) على صم الحجر ينقشونه الشعر يبدي ما بداخلك مدفون= يرفع مقام المرء واللا يهونه الشعر يصل القلب بالرفق والهون= يدخل قلوب الناس ويقدرونه باضرب مثل فالشعر للعال والدون= ولا اقول انا شاعر يرى الناس دونه شاعر ولي فالشعر خبرة وقانون = وليابنيت البيت اعزز ركونه كم واحد(ن) فالناس مبلي ومحزون = ولياتغنى الشعر يبري حزونه كم واحد(ن) طول الدهر عاش مديون= ساق القوافي وانقضت له ديونه في ظرف ساعة حط فالجيب مليون= والدين سده قبل ساعة حتونه كم واحد(ن) فالناس عاشق ومفتون = صاغ القصيدة في مضنة عيونه زين معانيها على ساس متقون = تعبير صادق ماتغير ظنونه بين وداد(ن) داخل القلب مكنون= لهل الحسب واهل الحسب يقبلونه ماقال انا حبيت من كان مزيون= وراح يتغزل في حلاه وزيونه مابين اوصافه يبا العرض مصيون = من صان عرض الناس ربي يصونه كان الهدف قربه لناس يعزون= اليا قربهم واحد(ن) يرفعونه باحلى قصيدة جوه اهلها يقولون= ابشر بمطلوبك ومنا المعون نال الطلب والناس جوله يهنون= لاساق جاه ولا تعنت ضعونه هذا المباح اللي له الناس يسعون = من طاب عرقه سرع طالت فنونه اما الذي في كل وادي يهيمون= واشعارهم فيها الردى والعفونة بالقذف والتجريح للناس يرمون= ماهمهم مظلوم لو يظلمونه نثر(ن) مجمع جوفه الفسق مبطون= عزاه للي علته في لحونه من ولفه يبقا فحسرات واغبون = دايم وتلقا اهل الردى فالمهونة درب(ن) به الانذال والكفر يمشون=اهل الشرف من طبعهم يكرهونه تلقا لعثرات القدم من يداوون= وعثرة لسان المرء تجرح متونه وانا هرجت الصدق وابليس ملعون= شيخ(ن) وبيبان العرب يعرفونه ابوي سلم لي على الطيب عربون = ونا بمد الطيب للي يبونه صلوا على سيد البشر سيد الكون = والال واصحا به ومن يتبعونه |
احترت انا فالوقت والفكر حاير= تهنا وفينا ماتفيد النصايح نمدح كثير المال لو كان جاير= من كثر ماله نال كل المدايح لو كان صك الباب عن كل زاير= وايديه ممنوعه عن امر الصلايح يقال له سيد في كل العشاير= ويسجل اسمه في علو اللوايح لو كان هذا المال جا من خساير= مال الفقارى والفقارى نوايح تجار تلعب في بنوك العزاير= مضاربه بالمال والضرب جايح والا قناة(ن) بعد موت الضماير= تنشر قبايح مابعدها قبايح متكبرين ورافعين الستاير=ويبغون جمع المال لو بالفضايح ياهل العقول النيره والبصاير=قولو لراع المال وين انت رايح ترى التكبر من كبار الكباير = وراع التكبر مايجيب الربايح ومدح(ن) كسبته من نفوس(ن) صغاير=اصبح غبار(ن) مع هبوب الروايح الطير مهما كان فالجو طاير=لابد من يوم(ن) على الا رض طايح ياسرع مادارت عليك الدواير=وتندم على مال(ن) بقي فالصفايح المدح في سلم العرب والسواير=للطيبين اهل العطا والسمايح المدح للي تالي الليل ساير= ينصى الفقير اللي من الفقر نايح وليا لفاه الضيف يلقى البشاير= ويلقى دلال(ن) فوقها الهيل فايح وان جاه مضلوم(ن) يهل العباير=هو نجدة المضلوم وان صاح صايح يصبح بخيل المال فالوحل غاير=وراع العطا والجود فالفوز بايح نبينا بشر وحط النذاير= بين هل الا فساد واهل الفلايح عليه صلى الله مادار داير=فوق السما والا على الا رض سايح |
الالف لف الوقت ستين لفة = مع كل لفة جات في الناس خفة احد (ن) ثبت واحد (ن) وقع من مطفة = وراح يشكي وقتنا من خطاياه والبا بلاوي ذا الزمان البشتنا = من كل صوب(ن) جاتنا واربشتنا كل(ن) يصيح يقول من وين جتنا = وحنا عرفنا دربها اقصاه وادناه والتا تحدانا الزمان وجبرنا = على امور(ن) عن مداها قصرنا من يوم جتنا ساهمت في قشرنا= وحنا نجاريها وبئس المجاراة والثا ثبت عندك وعنده وعندي = انا خضعنا للآ مر والتحدي ولا لقي وقفة كفاح وتصدي = ترد عنا كل علم(ن) نبذناه والجيم جم الما من البير ولا = والغيث من عالي مناشيه قلا وراع المواشي من دياره تجلا = بيع حلاله بعد كثر المعاناة والحا حكمنا حاكم(ن) يرفع الراس = حاكم عطاه الله حكمة ونوماس صقر الجزيرة بعد ماوحد الناس = سن العدالة بينهم والمساواة والخا خطى الشايب بحكم الشريعة = وشفنا عياله ماسكين الطبيعة دايم حكومتنا رشيدة منيعة = طيب الولد من طيب ساسه ومنشاه والدال دلونا طريق السلامة = اهل الكرم والجود واهل الشهامة وياما نهونا عن طريف الندامة= عسى سيوف العز للعز والجاه والذال ذل الناس من تفرقتهم = في القول والافعال ومخالفتهم لاقوال رب البيت ومتابعتهم = للغازي اللي قام يبدي خفاياه والرا رمانا الغزو رمية قوية = جانا الغزو من كل صوب(ن) ونية يبغا يرد الناس للجاهلية= حتى نجي فالطبع مثله وشرواه والزاي زاد الطين ياناس بلة = الكمبيوتر والقناة المملة الليل كله والنواظر مطلة = ونحرك الريموت في كل مجهاة والسين سرنا في طريق الدمارا = الصبح نرقد والليالي سهارا تبع المصالح دايما في النهارا = وحنا رقدنا والمصالح مخلاة والشين شفنا المشي شي معيبي = حتى العمل شغله علينا صعيبي يالين شبنا قبل وقت المشيبي = واليوم لو نبغاه ماعاد نقواه والصاد صرنا الكل يشكي شكية= املاح مع سكر وعلة خفية ونراجع الدكتور صبح وعشية = قال المشي والشغل خير المداواة والضاد ضرتنا بضايع تجينا = في معلبات كل يوم تفينا كيكة وبسكوتة وياما شرينا= ناكل من المعمول ونقول محلاه والطا طرقنا الباب باب الحضاره=جينا لها في كل حي وحاره حتى عرفنا الرابحه والخساره= وكل على ماراد يشعب مطاياه والظا ظهر فالناس حب العماله=سايق وسياره وراعي حلاله وحارس فوسط البيت يحرس عياله= وحنا نيام وحارس البيت يرعاه والعين عنوان الخطا فيه رده=همة قوي الحيل خصمه وضده غصبا عليه يوقفه عند حده=والله عوين اللي يبي عون مولاه والغين غفران الخطايا هدفنا =نطلب من اللي بالا جابه وعدنا وحنا لنعمة ربنا ماجحدنا=طول الدهر ندعي ونطلب عطاياه والفا فروض الدين تامر وتنهى=ولالنا مصلوح فالبعد عنها لازم علينا ناخذ الحل منها=في كتابنا اللي كلنا اليوم نقراه والقاف قل يا لله عسى الحظ قايم=صحوة ضمير يقوم من كان نايم وبالخير ينعم كل من كان صايم=درب الخطا نقفل طريقه وننساه والكاف يكفينا الدعا كل بلوى=نرفع يدينا عن قناعه وتقوى والله عليم بكل سر ونجوى=ويجازي المخلوق في كل ممشاه واللام لي مطلب عزيز وغالي=يالله ياعالي على كل عالي ياعالم احوالي عليك اتكالي=ياللي خلقت العبد تنظر لشكواه والميم ماندري عن الحد والماد= نسعى ولا نرمي به الا فالا بعاد عسى الحياه تكون في عز الا سعاد= والمنتهى توحيد ربي وتقواه والنون نامت كل الا عيان بدري =الا عيون اللي عن الخلق يدري وماراده الخالق على الناس يجري=الله يوفقنا على حال يرضاه والها هاجوس(ن) فالضماير طرالي=زود شجوني ثم حرك خيالي وانا ذكرته بعد جاله مجالي=من يسمعه لا ينتقدني في ذكراه والواو ويلات العرب قلة المي=يارب عطنا الغيث يروي لنا الحي يسقي غروس(ن) تشتكي قلة الري=والله كريم ويعطي اللي ترجاه واليا يقول الشاعر اللي بنا البيت=ابغى السموحه ياعرب كاني اخطيت يالله تغفر زلتي كان زليت =وصلو على محمد ليا حل طرياه |
ملاحظات شاعر
هذا الزمن باجماعة ماعرفنا كيف ممشاه = المقبلة مقفية والمقفية تقبل علينا من كثر مااشوف فااحوال العرب قلت اه ثم اه = بعد العلوم اصبحت عند الغشم والجاهلينا ماخرب الكون غير الجاهل اللي هز علباه = يهرج بهرج الغلط ويقول سيد العارفينا يبغا يقودالعرب وهو غشيم اقصاه وادناه = حتى يده ماعرف وين الشمال من اليمينا تلقاه دايم على درب الخطا يشعب مطاياه = يجني مشاكل وتصبح في وجيه المستحينا والياانها كارثة والناس عانوها معاناه = الله يعين الرجال اللي عليها صابرينا واللاش يمشي معه ويجاري العاطل في مسراه = والظفر ماله جدا ويرد فعل العابثينا لو انها مثل ضاري لاتمادى تقصر اخطاه = ماللجهاهيل كلمة والعوارف حاضرينا وليا قصرته تأدب من معه فالخط يبراه = ارمي بها فالبعيد وثم يفهمها الذهينا يوم العوارف تقود اربوعها للعز والجاه = ماصاحوا الناس من كثر الخطا في كل حينا العارفة مايميل ربعته درب المغاواة = النور واضح وتبديه الرجال الغانمينا العارفة لاتقدم ياخذ الزينة في يمناه = والياهرج هرجة العاقل تسر السامعينا الياتقدم خيار القوم مع مثله وشرواه = دايم وتلقى ربوعه بالمكاسب فايزينا العارفة من عرف ممشاه في دينه ودنياه = مايتبع اللايمة دايم وتبعه للسمينا العارفة مايعيب فالعرب يذكر خطاياه = يصلح عيوبه ولايبدي عيوب الاخرينا ويحب للناس ماحبه لنفسه ويتمناه = يحفظ لسانه من اللغوة وهرج الشامتينا يحرص على الامر بالمعروف والمنكور ينهاه = ان كان بالقلب واللا باللسان وباليدينا والختم ذكر الله اللي كلنا نرجي عطاياه = والحمد والشكر للمعبود رب العالمينا صلاة ربي على محمد لياماهل طرياه = تضفي على الال واصحابه وكل التابعينا = |
ثلاث قصائد في قصيدة
سلام قرب واستلم سلام من قلب ملي= سلام من شوق وغلا منصاه للربع الكرام بالحب واقسم لك قسم في حبكم قلبي بلي = سلام حليته حلا حيث انكم عندي حشام بلاك من ربعي جهم مقداركم عندي علي = اقول قدام الملا ماهمني كثر الملام انتم جهم اهل الشيم غريمكم مايعتلي = ربعي حماة المبتلا للمعتدي موت زؤام واللي يضيف اهل الكرم يبشر بفنجال وطلي = والسعي دايم للعلا فالمجد مقسمكم سنام اهل اللوازم واللزم مفعولهم ماله حلي = والمعتلي لايعتلا فوقه ليا حان الزحام افهم اللي مافهم وانا مولع مشعلي = بيت المعزة ماخلا والصقر ماعقب رخام اشيوخ من عصر القدم وانا على سيرة هلي = من طاب قلنا له هلا للخصم شدينا الحزام عارف قوانين الحكم والمشيخة هي منزلي = حنا لمن والى وللا وحنا لمن عادى كعام لاجيت فالامر المهم والناس قامت تقتلي = حضرت والغيم انجلا محضارنا يجلى العسام للعدل رزينا العلم والنار حيه تشعلي = يشهد لنا وقت مضى يوم ان بيدينا الخطام الاولة ليه نعم والمعرفة مني ولي = من زاد همه واقتلا اليانصانا مايضام واليوم يحكمنا حكم عادل وربه له ولي = ننعم في حكمه بالكلا سهران والعالم نيام واعداد ماخط القلم ذكرالاله المعتلي = واعداد عشب فالفلا صلو على سيد الانام |
ياغرسة ناعمة لاحت لعيني وسط بستانها = تومي بالاغصان مابين الغروس او عودها ماانهصر ساع اورشت واثمرت واثمارها للساع فاغصانها = لاواهني من قطفها واهتنت روحه بزين الثمر ريانة العود خضراغصنها زاهي برمانها = مااحلاك ياشجرة الرمان فالبستان بين الشجر في وسط محمية حراسها من دون بيبانها = من دار حول الحمى عرض حياته للقشر والخطر امظللة عن سموم القيض والما وسط حيضانها = تسهر عليها عيون مالها منها يكود النظر تتعب وتشقى عليها لين تاصل راس ميدانها = يجي لها واحد تبقى معه طول العمر والدهر حليتها المزنة اللي برقها عن سد ربانها = للساع ماخرجت فيما مضى بين السما والبحر من لمعة البرق زاد الشوق للمزنة ودندانها = ما ادري تجي يمنا واللا تروح ديار بعض البشر اخيل البرق واسوق النواظر يم عنوانها = حيث انها حاملة بالما وانا شفقان وابغى المطر وقفت مذهول مما حل في حالي على شانها = يالمزنة العالية ياليت يجلبك الهوى والقدر |
الحب له مقدار عالي ومرموق = جملة عزيزة تستحق السيادة من يعرفه يقضي حياته بلا عوق = ريح ضميره واهتنى بالسعادة ومن لايعرفه عاش والقلب محروق = من قل حبه عيشته بالنكادة اللي يمد الحب ماهو بمسبوق = فالصف الاول معتلي في شداده يلقى الغلا والعز من كل مخلوق = محسوب قايد يستحق القيادة الحب له ترتيب واحكام واطروق = المسعد ا اللي وصله راس ماده الحب الاول يعرفه كل خافوق= مؤمن وتقوى الله عيشه وزاده حب الله وحب النبي للملا شوق = من حبهم لازم يحصل مراده والوالدين اللي تبنوك بشفوق = ترى محبتهم صميم العبادة وسوق المحبة للبشر كلهم سوق = واحذر يجي فالقلب بغض وحقادة الحب طاهر مايبا الخبث والبوق = ولايضمه قلب فيه القرادة يأتي بعدها حب عاشق لمعشوق = حب الشريك اللي معك فالوسادة لك واجبات وله على شخصك احقوق = ماتقبل النقصان تبغى الزيادة عطه الوداد وعامل الخل برفوق = ان كان تبغى من حبيبك وداده والحب الاخر مالنا فيه طاروق = حب(ن) محرم مالنا فيه رادة وحبك لنفسك واعتبار انها فوق = والناس من دونك تسمى بلاده مغرور والمغرور لابد ملحوق = واللي زرع له زرع يجني حصاده قلته وانا قولي مصدق وموثوق = اقرا كتاب الله وتلقى الافادة |
سلام من هاجـس والطيـب مشهاتـه ==ضاري مضرى على زيـن الهناديبـي
يمشـي مـع النـاس ويقـدم تحياتـه = للنـاس الاقصيـن قـدام الاقاريبـي يدرا العرب والعرب تـدرى مقاماتـه = ومرفع النفس عن شـرب الغثاريبـي عالي مقامـه ولحـدن مـس هيباتـه = مثل الشياهين فـي روس المراقيبـي وان شاف ماعـاف مايكثـر عتباتـه = لو جاه باطل يـرد الخبـث بالطيبـي ماهمـه الا رضـا ربـه ومرضاتـه = ومعامل الناس من حسـن الاساليبـي والي في سد الغبـا نسمـع لرمياتـه = ماهمنا واحـد يرمـي علـى الغيبـي من قـال فينـا كـلام عنـد خلواتـه = ماهمنـا لــو يكـثـر فالاكذيـبـي لو كان هاذا الرجل حامـي لهقواتـه =اثبت وجوده وجاب اسمـه بترتيبـي يمشي مع الناس ضايع منكـرا ذاتـه= بـلاه ماهـو سليـم مـن العذاريبـي ليتـه يتـوب ويهـون عـن غواياتـه = ويبطـل القـذف للنـاس المناصيبـي خصمك في طول الدهرحاسب حساباته= والناس تفرق مابيـن البـس والذيبـي مامديك تصل الجبل من طول هاماتـه = لاتقـرب النـار تشويـك اللوهيبـي لاجـات خذهـا وذقهـا رز راياتـه = يعجبك فعلـه لياجـات المضاريبـي وانت تذرا فـي ظلـه يـوم وقفاتـه = يخبرك من جـرب الايـام تجريبـي يارجال معـذار ماقصـدي مجاراتـه = عيبا علينا نجـاري صاحـب العيبـي باعلـم الـي مايـدري عـن كتاباتـه =الـي ماشافـوا علومـه فالمكاتيبـي |
العام ذا ماهو كما ذيك الاعوام = كثرت خلافاته وعتم ظلامه من عاش هذا العام يبكي على العام = من كثر مافي وقتنا من ملامة للي سال بعطيه عنا خبر هام = من واحد لاقال ثبت كلامه ياما وياما صار في قدم الايام = من الشجاعة والكرم والشهامة ياما دخلنا البحر سابح وعوام = ونعلم اللي مايعرف العوامة وياما مشينا في البراري بالاقدام = مع الطريق ولا نغير نظامه نجني ثمار فالشجر مثل الاكمام = ونشم من ريح السكب والخزامه ويوم السماء صافي ولادونه اعسام = ننظر وناخذ من نجومه علامة وليا بنينا بنية حظنا قام = دا يم نتممها على الاستقامه الجد الاول كان للخط رسام = نمشي على خطه ونتبع رسامه ديرة حروب وعمها دين الاسلام = دار مشى فيها النبي بالسلامه تحدها البيتين من قبله وشام = وتمتد شرق وغرب حتى تهامه قبيلة وحده ولاراحت اقسام = ماتقبل التفريق والاانقسامه قانونهاواحد له احكام والزام = قوه وعزه واحترام وكرامه قلته وانا ماشي على خط وانظام = قضيت عمري في بيوت الزعامه لاشفت طيب كنت للطيب خدام = المحترم يفرض علي احترامه ماهمني غير الصفا بين الاقوام = هذا هوى قلبي وغاية مرامه ياقلب هون ماصفاراح قدام = جيل السعد عشناه ذروه سنامه واليوم طبقنا الدفاتر والاقلام = رفعت وخلوها رجال القوامه بعد اختلف سالم مع اخوه همام = وش عاد نبغى من رجال الفخامه هذا ظلم هذا وذا صار نمام = الحرب دارت والنتبجه ندامه مدري عواصف تنتهي مثل الاحلام = ولاعلامه عن قيام القيامه لو كان حكم الدار في يدين حكام = اولاد من مولاه علا مقامه حكام عدل وخيرهم فالوطن عام = والكل منهم عزوته من حزامه والنعم باللي حطموا كل الارقام = ماباقي الارقمهم فالجهامه ذكر الله العالي لها مسك وختام = والمصطفى ذكره تمام الختامة |
الساعة الآن 02:29 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir