|
ا نا لاجيت اقول الشعر بسم الله فتحت الباب = ولاعلم يقال ان كان مانبديه بسم الله وحنا من بلاد طيبة والعـــــيش فيها طـــــــــاب = بلاد علنثنا قبل نبدانستـــــــــــــــــــــــعن بالله بلادي قمة الارض الوسيعة واذكر الاســــــباب = بها بيت الرسول وقبلة الاســـــــــــلام بيت الله ولا دار تضاهيها من ارض العجم والاعــــراب = كتاب الله نزل فيها عتى محمد رســــــــول الله حكمها الحاكم العادل ونال من العباد اعجـــــاب = تولاها ووحدها وامــــــــــــــــــــــنها بامان الله طلع عبدالعزيز وقال انا يادار لك خطــــــــــاب = وشامت له واخذهاواعتلى عرشه بــــــعون الله مشا في نجدهاواحجازها ياطا سهل واهضـــاب = واخذ عهد الرجال وقال انا اوصيكم بتقوى الله وقال انتم عيالي واخوتي مابيننا اجــــــــــــــناب = اخذكم بالامانة واجعل الدستور شـــــــــرع الله وصرناحزب واحد مابقا وسط البلاد احـــــزاب = هويتنا السعودية وتجمعنا بحـــــــــــــــــــمد الله وعشنا من هذاك الوقت قمرا والقمر ماغــــــاب = ملك عقب ملوك وكلهم حكام بامـــــــــــــــرالله رعوهاواجتموها يوم عدوا عالي المرقـــــــــاب = ويلقى الخير من كانت جهوده في ســـــــبيل الله عسى الله يسكن اللي مات فالجنة بدون احســاب = رحمك الله ياعبد العزيز وعـــــــــــاش عبد الله ملكنا اليوم ابو متعب عريب الجد والانســـــــاب = ترى كل العــــــــــــلوم الغانمة في راس عبدالله سليل المجد لونذكر فعاله تعجز الحســــــــــــاب = دروب الخير والاصلاح ذروة فــــــعل عبدالله مساعيه الحميدة تشمل الاقـــــــــراب والاغراب = ومن يعدل يقول العصر هذا عصــــــر عبد الله تغنو واكتبو يامعشر الشعار والكتاب = وتغني يالطيور الطايره باامجاد عبدالله هنيئا لك ياابو متعب وكل الشعب لك احبــــــاب = وتهني يابلادي واسعدي في حــــــــــكم عبد الله ولي العهد ياسلطان دايم لـلعـــــــلا طــــــــــلاب = ولدعبدالعزيز الله يديمك عــــــــــــــضد عبدالله معاصر جملة احوانك ولك في حكمهم مضراب = ولك الراي السديد اليا دعاك اخـــــــوك عبد الله ولاننسى وزير الداخلية قـــــــاهر الارهـــــــاب = هو واشبال ابو تركي ســــــــــــند للملك عبد الله منع كل التظاهروالشغب والعنف والاضــــراب = رجال الامن تعمل والوطــــــــن يرعاه عبد الله ولانحتاج للبندق ولانحتاج للمشـــــــــــــــــعاب = ونرعانا العيون الســــــــــاهرة وعيون عبد الله وابا احييك يا عبد العزيز من اطيب الــــترحاب = هلا يااميرنا الغالي هلا في ظـــــــــــــل عبدالله لقدطابت بكم طيبة ولبست لك جديد اثــــــــياب = وحنايوم جيتم نشـــــــــــــــــــكر الله ثم عبد الله تراك انت املنا والامل في شخصكم ماخـــــاب = عزيز وعزنا منكم ورمز العــــــــــــــز عبد الله تراك الامر الناهي ومنا السمع والايــــــــــجاب = وخذ منا عهود الله وقدمها لـــــــــــــــــــعبد الله وصلى الله على المختار ثم الا ل والا صحاب = وكل اللي على نهجه وختمها بذكر الله |
يامرحبا عداد وبل من سحابــــــــــــه = واعداد نبت العشب في صحراء وغابـــــــه تشدا العسل مجناه من عالي هضابه = يامرحبا حييت ياعبدالمجيــــــــــــــــــــــــد ديار حرب استبشرت بقدوم غالــــــي = من جيته جانا الفرح والهم زالـــــــــــــي يامير طيبه مرحبا يا خير والـــــــــــي = قولوا معي حييت ياعبدالمجيــــــــــــــــــد ياراعيا واهل المدينه لك رعيـــــــــه = واهل الهجر و المدن عندك فالسويه يامعتزي بالمجد والعزوه قويــــــــــه = يامرحبا واهلين ياعبدالمجيـــــــــــــــــــد حيا الا مير وحي من جا فالمسيــــره = خطوه عزيزه خيرها عم العشيـــــــــــــره يانور والديره بنوره مستنيــــــــــــره = غا لين عندي من غلا عبدالمجيـــــــــــــــد والثانيه عساك دايم فالوجــــــــــــود = والرايه العليا لكم طول المــــــــــــــــدود يامزبن المظلوم ياكيد الحســـــــــود = نفخر بكم ياميرنا عبدالمجيـــــــــــــــــــد يامير ياماشي على خطه سليمــــــه = وليا اتخذ رايه تقويه العزيمــــــــــــــــه عمر تبوك وجا على حشمه وقيمــه = واليوم طيبه عزها عبدالمجيـــــــــــــــد الدار تطلب منكم الشي الكثيـــــــــــر = وهو على اللي مثلكم ماهو عسيـــــــر الكهربا ء والخط وعلاج الكسيـــــــــر = هذا طلبنا منك ياعبدالمجيــــــــــــــــــــد واليوم فرحتنا عسى الفرحه تـــدوم = والكل عيد يوم شرفنا القـــــــــــــــــدوم يامرحبا من حرب صبيا ن اللــــزوم =عدتم وعاد العيد ياعبدالمجيــــــــــــــــد |
انا مبدا كلامي بالاله الواحد العـــــــــــــــــــلام = ليامني ذكرت الله تحياتي بسويها احييكم واحيي من حضر تحية الاســــــــــــــلام = تحية طيبة والصدق فاولها وتاليها احييكم تحية تحمل التقدير والاكـــــــــــــــــــرام = تخص ابو فهد واتعم من جا في حراويها احييكم وانا وانتم نحيي رافع الاعـــــــــــــــــلام = فهد عز البلاد يغيش رايدها وحاميها وعبدالله ولي العهد نعم النايب المثــــــــــــــــدام = ابو متعب لياماعميت الاريا يسويها و با احييك ياسلطان وانت للعدا لطـــــــــــــــام =تقود جيوشنا وقت الطلب وتكيد اعاديها تحيات الولا والحب نهديها على الحكــــــــــــام =سيوف العز نسل موءسس الدولة وبانيها هلا يامرحبا يابو فهد يامحقق الاحــــــــــــــلام = تحقق حلم ديرتكم بعد زرتم مشاحيها زيارتكم عزيزة غالية نحيا بها الاقـــــــــــــــوام =تؤثر في النفوس اللي ولي العرش محييها الا يابوفهد ليتك تخليها ثلاث أيـــــــــــــــــــام =ياراع الاولةفازت لك الديرة واهاليها هل ابو ضباع يوم اقبلت جوك من اليمن والشام =ولوتامر على الارواح والاموال نهديعا انا ما اطلب طلب غير الزيارة يوم جات اشمــام =مطالبنا زيارة والي الديرة وغاليها ترى حنا عيالك يوم تطلبتا ا نجي قـــــــــــــــدام = رعية وانت راعي والرعية ملك راعيها ولو بقول كل اللي في قلبي تعجزالاقـــــــــــــلام = عن التعبير عن مافي القلوب لمن سكن فيها صلاة الله على خير البرية سيدالانـــــــــــــــــــام =عدد مالاح براق المخايل في مناشيها |
ياللي تخاطبني بزين اللحوني = لاشفت خطي قلت تسلم اياديك كلامك المعسول حرك شجوني = واصبحت انا بالحيل متولع فيك قلبي تولع بك لحد الجنوني = والعقل تايه في بحورك واراضيك والنوم يالمحبوب حارب عيوني = والقلب هايم في خيالك وطاريك ياطير ياللي في علو الغصوني = الخط شفته بس انا وين الاقيك ابغى جوابك والعرب يسمعوني = عطني دليل امشي مع الدرب واجيك ابا اشري اللي بالغلا بشتروني = اللي ليا شاف الغلا منك بغليك بالهاتف المحمول هم كلموني= قالوا سلام وقلت ربي يحييك رد السلام وبعدها ودعوني = ماقال انا بايع ولا قال شاريك واصبحت انا حاير واقسم ظنوني = بين الصحيح وبين نفي(ن) وتشكيك واقول للي بالهوى ولعوني = احذر تكلمني ولا عاد نوحيك نفسي ما انزلها الوطا والطموني = ما احطها فالبهذلة والشرابيك انا ما احب اهل الفسق والمجوني = حبي لمن هو بالشريعة يجاريك اليا اتفقنا والعرب يشهدوني = انت تناديني وانا دوم اناديك ماتطلبه لو كان غالي يهوني = اطلب وانا ياساكن القلب باعطيك وان كان فنك مايوافق فنوني = انسى وانا شفني من اليوم ناسيك |
مشكلة جتنا في غزة كلنا صحنا لها = قادها الغزو اليهودي يالعله للجحيم واصمدوا سكان غزة واحتموها رجالها = والشهيد اللي قضى نحبه في جنات النعيم وانجلت سود الليالي بعد هل هلالها= نور ابو متعب يلالي مايغطيه الغميم ابشروا سكان غزة للحمول جمالها= مااحد غيره طال عمره صاحب العقل السليم لاالتوت كل الحبال يحلها حلالها= ما احد غيره يرسم الخطة بخط مستقيم مرحبا صقر العروبة مرحبا رجالها = انت كل الحل عندك يوم ضيعها الغشيم مرحبا بك تجمع الامة وتصلح حالها= مرحبا بحضورك اللي يخزي ابليس الرجيم يوم كل رز راسه قال انا خيالها = انت خيال الجواد الحر من عصر قديم كل واحد قال انا عالم وهو لو قالها = يعرف ان الهرج ريض فوق ذي علم عليم صاحب الحكمة وتهياله وهو يهيالها= بالصبر والحلم حل المشكلة هذا الحليم يوم بعض الناس معروفة بكثر اقوالها= انت معروف(ن) يفعلك ايها الشهم الكريم يوم قلنا شرهة الامة على عقالها= نعرف ان الحل عندك طال عمرك يالحكيم الزعامة تاج عالي فوق روس جبالها= وانت متعلي على راس الزعامة يالزعيم طول عمرك والعلوم الطيبة تسعى لها = والمعونة لك يا ابو متعب من الله العظيم ماحسبنا وانت معنا دقها واجلالها = رافعين الروس بوجودك ولانخشى الدحيم عشت ترعى المملكة شيابها واعيالها = عد ماهل المطر واعداد ذعذاع النسيم |
الليلة أمسيت افكر فالبشر والـياهم اجناس = احد عليه الرضا واحد عليه المكرهية الناس فيهم ذهب صافي وفيهم تــــــوت وانحاس = والبعض منهم مضيع لاهناك ولاهنيــــــــه راحو فريقين كل في ضميره قــــــيس اقـــيـــاس = احد نهى النفس واحد طاوع النفس الشقيـــــة احد ورى الخير يسعى للبشر في كـــــل مجلاس = واحد ورى الشريسعى ماحسب ذنب وخطية المسعد اللي نهج منهاج صالح فــــعل واحساس = مراقب الله واعماله عليها القابلية موحد الله ومبعد عن الاضــــرار بالـــــــــــناس = مسعاه دايم لوجه الله واسبــــــــــــــــاله نقية وليا بنــــا بنيته جود لها العمدان والســــــــا س = ممشاه دايم على وضح النـــــــقا في كل نيه واليا نخيته رفع راسه وقال ابشر ولابـــــــــاس = ابشر بعزك ولالي عن طلبكم مــــــــعذرية طلبك مسعاي والا انت تبي شيـــمـة من الراس =اللي تبيها على المجدال ماتصـــــــعب عليه يقضي لزومك وهي لاهل الوفا شيمة ونوماس = هـذي صفات الرجا ل الطيبين الصــــــارفيه واحد يهذب لك الاقوال مار العرق دســــــاس = لوقالوا الزين في قلوب البشر نية خفـــــــــية يسعى على التفرقة بين العرب نمام بــــــلاس = مافيه تقوى ولارحمــــــــــــة ولاله مرعوية والبعض الاخر حياته كلها تفليس وافـــــلاس = ماشي في درب الهوى والغي واعلومه ردية البحر واسع وفيه من البشر عايم وغطــــاس = احد لقي جوهرة واحد لقي حوتة طــــــــرية الطيب مرقاه عسر ولايجيبه غير قــــــرناس = اللي ليا مد جنحانه يــــــــــــــعشي له رعية وحنا ترى مسلمين وناخذ الاسلام مقــــيـــاس = واللي تمسك بدينه عروته دايم قـــــــــــــوية تمت وصلو على محمد عدد ماهب نسناــــس =واعداد مالاح براق الحيا فالــــــــــــــعقربية |
بديت القول باسم الله وذكر الواحد المعبود = الاه الخلق والاكوان مجريها ومحصيها وأباعد الامانة واحترس من نقصها والزود = وانا مسئول عن علم بقوله في قوافيها والخص لك كلامي في قصيدة محكمة بحدود = وتراك المستمع ميز كلامي وانت قاضيها واعبرلك عن الماضي وبا ذكر عهدنا الموجود = وياكثر الفوارق بين حاضرها وماضيها ترى عهد مضى سلب ونهب وفاقد ومفقود = وياما راحت انفوس برية دون عانبها وفقر وجوع وامراض كثيرة مالها معدود = تجي عدوى وتفتك فالعرب ماحد بداوبها سبيل الحاج يقطع ثم يمنع عدها المورود = وحكم للقوي والضعف راحوا في مواطيها وجا عهد السعود وجت سعادتنا مع ابن اسعود = وزال الظلم عنا والعرب راحت شكاويها توحدنا وصرنا اخوان لاحاسد ولا محسود = يوحدنا الوطن والدين في جملة معانيها طلع عبد العزيز ونورت كل الليال السود = نعم صقر الجزيرة يوم جا وحد ضواحيها وساد الامن في كل البلاد وظلها ممدود = وسماها السعودية وهذا الاسم مغليها وعززها بعزه واحتماها باشهب البارود = تسالم من يسالمها وتقهر من يعاديها قضى عمره وهو قايد مسيرة ماعليه اقيود = امور الحكم راس الصقر كاتبها وقاريها وجو بعده عياله واسلكوا منهج هذاك العود = اسد عقب اسود مثل ابوها اللي مربيها عيون ساهرة بالليل يوم ان العباد ارقود = رجال في مصالح شعبها تسمع عزاويها رجال في عمار الدار تبذل قاصي المجهود = وخلوها منارة والمصالح كلها فيها وحنا بعد شفنا عدلهم نطلب محل الجود = يقويهم وينصرهم ويكفيهم بلاويها اقوله عن قبيلة تعرف الطيب من المنقود = هدفها السمعة الزينة وهذا الفخر يكفيها قبيلة حرب في كل المواقف ماعليها زود = ليا ما أحتكت العيدان وين اللي يجاريها ليانادى المنادي كلهم لابن سعود اجنود = نسوق الدم والروح العزيزة دون واليها ترى طاعة ولي الامر عندي غاية المقصود = عليهه الامر والتنفيذ منا في قوافيها ولانشقر عصا الطاعة ولانمشي ورى ا لمجحود = نبي جبر العصا والتفرقة تبقى لاهاليها اقول القول يوم انتم على علم ذكرت اشهود = ترى اللي عاهد الدولة عهوده لزم يوفيها وحنا مانبى المفسد ولاله فا البلاد اقعود = ومن يعبث بأ من الدار ماله مجلس فيها وترى كل القبايل حسب ظني فيهم المعهود = مواقفها شريفة مع حكومتها وراعيها عسى الله يلعن ابليس اللعين ويخزي المقرو د = ولايتبع ابليس اللا نفوس ابليس مغويها وصلاة الله عدد من سار فالبيدا سهل وسنود =على محمد وكل اللي على دينه يصليها |
|
مشكلة جتنا في غـزة كلنـا صحنـا لهـا=قادها الغـزو اليهـودي يالعلـه للجحيـم واصمدوا سكان غزة واحتموهـا رجالهـا=والشهيد اللي قضى نحبه في جنات النعيـم وانجلت سود الليالـي بعـد هـل هلالهـا=نور ابو متعـب يلالـي مايغطيـه الغميـم ابشروا سكـان غـزة للحمـول جمالهـا=مااحد غيره طال عمره صاحب العقل السليم لاالتـوت كـل الحبـال بحلهـا حلالـهـا=ما احد غيره يرسم الخطة بخـط مستقيـم مرحبا صقـر العروبـة مرحبـا رجالهـا=انت كل الحل عندك يوم ضيعهـا الغشيـم مرحبا بك تجمع الامـة وتصلـح حالهـا=مرحبا بحضورك اللي يخزي ابليس الرجيم يـوم كـل رز راسـه قـال انـا خيالهـا =انت خيال الجواد الحر مـن عصـر قديـم كل واحد قال انا عالـم وهـو لـو قالهـا=يعرف ان الهرج ريض فوق ذي علم عليم صاحب الحكمة وتهيالـه وهـو يهيالهـا=بالصبر والحلم حل المشكلة هـذا الحليـم بوم بعض الناس معروفة بكثـر اقوالهـا=انـــــــت مـــعــــروف(ن) بفعـلـك ايـهـا الـشـهـم الـكـريـم يوم قلنـا شرهـة الامـة علـى عقالهـا=نعرف ان الحل عندك طال عمرك يالحكيـم الزعامة تاج عالـي فـوق روس جبالهـا=وانت متعلي على راس الزعامة يالزعيـم طول عمرك والعلوم الطيبـة تسعـى لهـا=والمعونة لك يا ابو متعب من الله العظيـم ماحسبنـا وانـت معنـا دقهـا واجلالهـا=رافعين الروس بوجودك ولانخشى الدحيـم عشت ترعى المملكـة شيابهـا واعيالهـا=عــــد مــاهـــل الـمــطــر واعـــداد ذعــــذاع الـنـسـيـم |
بيني وبين والدي
بين الولد ووالده= قصيدتي= سلام مني عدد من صام فرض الله وصـــــلاه = وعدد ماهلت الاثعال من عالي سما هـــــــا سلام صافي مصفى من صميم القلب مبداه = من خاطر اللي على ساس الوفا يبني بنا ها ينصى لشيخ على درب الشكالة كل ممشاه = شيخ على الطايلة ضاري ولايبغى سواهـــا شيخ حمى شيخته قول وفعل في كل معنــــاه = بالمعرفة والشجاعة والكرم يحمي حماهــــــا شيخ مقيم العدالة والعرب للحكم تنصــــــــــاه = سعيف للحق واللا المخطية يقصر خطاهــــا الناس كل يقول الله لعل البيض تغشـــــــــــــاه = يستاهل البيض من هو حاشها صبح ومساها ومن بعد هذا فانا ليه طلب وازريت للقــــــــاه = بذ لت كل الجهد والروح ماحاشت منــــــــا هــا دورت له فاليمين وفالشمال وكل مجهـــــــــــاه = واتعبت الاقدام وانا حاجتي مااحد قضــــــاها واليوم ما لي نظر والراي كله ماتــــــــــــوراه = انا ولد وهو ابو وعلتي يعرف دواها رد الوالد رحمه الله = يامرحبا بالجواب الي جويد الخال ســــــواه = من وسع فكره تمعنا للتحية وانتقاهـــــــــــا انا تهيضت من رد الجواب اللي قرينـــــــــاه = مرسل به حسين واحروفه من الجمل نقاها الله يحيي الجواب ومن بدع قافه وغنــــــــــــاه = عد الشجر والثمر ويباس بقعا مع ثراهـــــــــا ياحسين خطك وصل والقصد من خطك عرفناه = لاكنك اصبر وراع الطيبة يتعب وراهـــــا نبغا ندور الطلب لو الطلب في راس مقنــــاة = نبذ ل شديد الجهد والروح نعطيها مناهــــــا ماعندنا عن طلبكم لاصدود ولا مغاضـــــــــاه = واطلب من الله يوفقنا ونلقى مستواهـــــــــــا دنيا مكاتيب والمكتوب حنا مانتـــــــــــــــــعداه = وان قدر الله تجى لوكان غليت في شراهـــــــا ان جابها الله جات وكل مانبغى لقيــــــــــــــناه = وان روحت ماتحسفنا وعند الله جزاهــــــــــا وسلامة من يرى ومن يسمع= حسين مريع العبيدى= |
الساعة الآن 10:23 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir