وش حيلة اللي يفتقد لشوف وده=غير الحروف اللي على الطرس تاتي
وش حيلته لاصار شوقه يحده=يسهر لشوقه مايعرف المباتي
كن الصدر وسطه خناجر تقده=ولا سيوفٍ بالعطب مرهفاتي
يامن غلب مزحه سواليف جده=لاتضيع الهقوة بكثر السكاتي
مايستوي بالفعل قولٍ وضده=اثبت معي كانك تقدر لذاتي
انك صدقت بكل ماتبيح سده=تراي ما اكثر بالغريب التفاتي
انت اللذي لدت لك العين لده= ومن بعدها مالدت بحي ياتي
لو مرني من قال مافيه قده= في ذمتي مشقا خفوقي بتاتي
لوكان عندي يعتزي باسم جده=عليه ما ارد السلام ولاحاتي
لوغاب قلت الله عسى مايرده=ماشقا بغيرك يالغلا ياغناتي
يازرع بستان الخفوق. ويانده=يانسمة الواد المطير بحياتي
غلاك ماياصل مكانه وحده=ايات مخلوقٍ لحظة مماتي
والعمر لوطول مرده مرده=لنهايةٍ فيها. فراق وشتاتي
مير اغتنم رفقت وليفٍ توده=لاتجحد الاشواق بمكابراتي
عبر عن احساسك بعطف وموده=ارسم لبسمات الفرح في شفاتي
اطلق عنان الحرف حذرى تصده=بالمختصر خلك معايه سواتي

صح لسانك ودام ابداعك ياكحيله حرب

تقبلي تحيتي وتقديري

المشاركة الأصلية كتبت بواسطة ابوراشد (المشاركة 1303086) لــو مـرنــي مـــن قـــال مـافـيـه قـــده == فــي ذمـتــي مـشـقـا خـفـوقـي بـتـاتـي لـوكـان عـنـدي يعـتـزي بـاســم جـــده == عـلـيــه مــــارد الــســلام ولاحــاتـــي مشكوره قصيده جزله تحيــــــــــــــــــــاتي