خوينــا دونـــه نبيـــــد الطـــوابير=وعلـــيه ســـور أنصير حتى المماتي
واليا غلط ما نحـــرجــه بالمــــعاذير=ونرد سيــاته علــــيه احســــــناتي
ومن شان رد اقوال بعض التفاسـير= وجــــب علــي الــرد واثبت براتي
رفيقي اللــــي يتهمــني بتقصــير=يوم انتخــى دونـــه فـديت بحياتي
ودونه فركت اخشوم فطس المناخـير=ومشو على امره عقب ماهم عصاتى
ويوم البدل سحبت منه والبصاطير=فصلت لــه بـدلات غــير وجـــوادتي
وســـلمته اشــراف الحراسات تقدير=وبه ما تســـمعت لـحديث الوشاتي
وما طاع شــوري وأنتحـى كنه أبعير ‏=مشى على أمره ماتسمع وصاتــي
ووقف على درب المها عسكري سير=وده يلا عبهــن وهـــن جـافلاتـــي
عــفر يجفلـــهن بيـــاض النــوايير =يبن زهـــر وســــم جــديد النباتي
عود الفهود اليا وطـــنه مقاطـــير=ما له جـــدى يا كــود جرى العواتي
وحــط الـــخطا مني ربيع المســايير=يوم اجفلــن من شيبــه المترفاتي ‏
ما للــكبر طــب ولا مــوعد غـــير=لــه موعـــد في تالي العمــر يــأتي
‏خل العمل في تالي العمر تكــــفير=كان انت في ماضي زمانك زناتي
مالك ومــال مضيقـــــات التنانير=تزعل علــيك أم الولد والبنـاتي
وعقب السكون يصيرجوك معاصير=وتصـــير لا للــماء ولا للفلاتي
أن طــــعتني بـالتكس كد المشاوير =وباللي ورى لا تـكثر اللإلتفاتـي ‏
بتـــال الشهر تكثر عليك الفواتير=أما رهنت التكــس وإلا الثباتـي