ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مـــلــتـقى الـــمـحــاورة والــردًيه (http://www.m-harb.net/vb/forumdisplay.php?f=9)
-   -   سلطان ورزيق (http://www.m-harb.net/vb/showthread.php?t=156992)

سلطان عتيق الحربي 20-05-20 10:40 PM

سلطان ورزيق
 
رزيق محمد الحارثي
( جزل البيان )
/

دورت لاصحابي من العام لليوم
ومازلت ادور والنهايه قريبه

اول زماني كان الاصحاب بالكوم
واليوم حسبي فالليالي ذهيبه

ان كان مالك بالحسابات معلوم
والله لتبطي ماكسبت الصحيبه

وان كان عمرك راح تنكيل وهموم
معناه مالك فالصدور الرحيبه
====================
====================
سلطان عتيق الحربي
/
لاتصدق الاوهام بالغيب ف القوم
عشان ماتحسب عليكم ضريبه

الغايب ابعذره ليا صار معدوم
والحاضر ابلغ دون شكٍ وريبه

ماودي اشرح وانت دكتور زيزوم
وامفرقٍ مابين طيب وغصيبه

الحق واضح لو غدا ماله رسوم
الا على اللي مايعقل المصيبه

حسيـن 02-06-20 01:29 PM

ماشاء الله مبدعين
صحت الالسن وبيض الله وجيهكم



الساعة الآن 12:23 PM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi