|
ديوان الشاعره النرجسية
السلام عليكم ورحمة الله وبركاته هذا المتصفح خصصته للتعريف بديواني لدي ديوان إلكتروني تحت مسمى ( لا وقت للأشواق ) نبذه عن شاعرة الديوان _ المؤهلات العلميه / بكالريوس تمريض بالإضافه الى دراسة طب الطوارئ في كندا _عضوه في أحد الأنديه الأدبيه في المملكه _ صحفيه سابقه في إحدى الصحف اليوميه في عام 1412 _نشر لها نصوص أدبيه بالإضافه الى قراءات نصيه لشعراء قدامى وهي : 1_ قصيده في مجلة المختلف بعنوان ( يا فرحة أمك ) 2_ قصيده في مجلة المختلف بعنوان ( العز قبّل إيديها ) 3_ كانت ضمن الرابطه السعوديه للشاعرات عبر محلق ( في وهجير الأدبي ) 4_ قصيده في جريدة الهدف الكويتيه بعنوان ( بجائح الشرائح ) 5_ قصيده غزليه في المجله العصريه 6_ قصيده غزليه في مجله كويتيه _ تلقت أتصال هاتفي من الديوان الملكي وشكرها على قصيدتها في خادم الحرمين الشريفين الملك عبد الله بن عبد العزيز تم ولله الحمد والمنه |
بسم الله الرحمن الرحيم كل عام وانتم بخير واسال الله ان يبلغنا رمضان ويعيننا على صيامه وقيامه .. قصيده بعنوان ( العز قبّل إيديها ) في مجلة المختلف العدد 174 اتمنى ان تنال رضاكم http://badral3ofy.jeeran.com/alnargeseah2222.gif عشرين شارب ما شرب لي فناجيل .................من دلـة ٍ صفـرا بهـا شاذليّـه من دلة ٍ تبري ضـرم للرجاجيـل ................سويتهـا للـي تــردّد علـيّـه أحد ٍ يقول البن طاغي على الهيل ...............و أحد ٍ يقول الهيل زايـد شويّـه احد ٍ يـدور للغلـط بـاب تعليـل ...............يحـط منقـوده بهـذي وذيّــه احد ٍ يحلّل حكيها الزيـن تحليـل ...............غلطان منهـو يحسبنـي رديّـه غلطان ثم غلطان يالشيخ بالحيـل ..............بينـي وبينـه يالوفـي مكرهيّـه انا ابدويه عزوتي قربهـم ويـل ..............إيـه إبدويـه والفخـر لبدويـه أصبر على الشدّات لحظات وتزيل ..............وتزيل معها كـل محنـه قويـه لاني من اللي ترتكب عار بالليـل ..............ولاني من اللي تقبله فـي هديـه ولاني من اللي شانها القال والقيل ..............ولاني من اللي تعشق العنصريـه ولكن يحق افخر وانا بنت........ ..............في عزوتي في عزوتـي سالميه يا مشغلين أعماركم حط ٍ وشيـل ..............حضرة جناب العـز قبّـل إيديّـه ما مالت الحره ولا تعـرف الميـل ..............كل البشـر تـدري بأنـي نقيّـه يالله عسى حظك مثل صاحب الفيل ..............اللي نوى مكـه لفعـل الخطيّـه وجزاه من ربـي بطيـر ٍ أبابيـل .............أمسومه مـن عنـد رب البريـه |
السلام عليكم ورحمة الله وبركاته قصيده يافرحة أمك .. أحدى منشورات مجلة المختلف .. اتمنى ان تنال إعجابكم .. http://nnnn1.jeeran.com/بدون-عنوان11.gif مثلـك بـلا مبـدأ بفعلـه وقولـه لا وازع ٍ دينـي ولا عِـرف عِقـال رجال لكن منـت حـول الرجولـه حرام مثلك يلبـس شمـاغ وعقـال بس البلا إنك من سلايـل حمولـه مثلتها بالشين مـن قـول وافعـال حلم العصافيـر الصغيـره وزولـه زول البغال اللي لهـا قيـد وحبـال مثلـك عرفنـا مبتغـاه وميـولـه . شكواي لله في ضعيفيـن الآمـال قهري على مثلك صعيب ٍ وصولـه قومي هل الطولات أجاويد وابطـال لي في بحور الشعر صوله وجولـه مثلي غدت بالشعر مضرب للأمثـال أكتب قصيد ٍ عذب واعرف اصولـه رطباً طريـاً يانعـاً يشـرح البـال مدهش ومنعش ينعش اللي يقولـه سهلا ً بسيطا ً صافيـا ً كنـه إزلال وأنته قصيدك ما نهض من خمولـه مير الصحافه دورهـا حيـل فعّـال ماني من اللـي تنهـزم بالسهولـه اقوى من الصخرات وأقسى من جبال وإذا على بنـت إنتصـارك بطولـه يا فرحة أمك جابـت اليـوم رجّـال |
قال شاعري المفضل ( ابو الطيب المتنبي ) لمن تُطلب الدنيا إذا لم تُرد بها سرور محب ٍ او إساءة مجرم ِ 0 0 0 0 0 0 0 0 يا طير لا تبني على غصنهم عِـشّ أتعبت عمرك وأنت تجمع لك أقشاش باكر تبي تندم علـى جمعـة القـشّ إنحاش دامك تقـدر اليـوم تنحـاش إبعد عن اللي ناهش ٍ عرضنا نهـشّ إبعد عن اللي قربهم صايـر ٍ مـاش أهل الحسد والحقد والكذب والغـشّ لا عاش قرب ٍ يتعب النفس لا عاش أطيبهم اللي لا تقفّيـت بـك حـشّ غشاش في دنياه وإن مات غشـاش في حضرتك من طيب الورد لك رشّ في حضرتك ما حش لو كان حشّاش والعود فيهم عظمـه البالـي الهـشّ معدوده أيامه على وقـت الأقـراش أكثر علومه صادرات ٍ مـن الـدشّ إمتابع ٍ ل( الزير ) مع طاش ما طاش مع كاظم الساهر ونجوى والأطـرشّ يهز راسه كن صايبه هـش هـاش عقله عقل طفل ٍ مغربـل ومنطـشّ اللي يحسّب جمرة السمر فش فـاش يا طير روّح قِدم تصبح بـلا عـشّ ولا ّ بعد بكـره نشيلـك بالأنعـاش وأن كنت باقي جهّز اليوم لك نعـش ما ظن تسلم دام جـاورت ألوحـاش |
بلا مقدمات بلغ الحزن مبلغه
إبكي على صياف يا عيني = أبكي على موته وتوديعه إبكي عليه إبكا المحبيني =لو مالهم حظ ٍ بتشييعه إبكي عليه إبكا وبكّيني =قبل الخبر ينذاع وآذيعه إبكي عليه اليوم ياليني = تجف من جفني مداميعه إبكي عليه ان كان يوحيني = يالين توصلها مساميعه إبكي عليه إدهور وسنيني =و أشهوره ويومه وأسابيعه إبكي عليه الليل والحيني = ابكي بكا مشروع تشريعه إبكي على اللي ذكرهم زيني = من بعدهم والملعبه ضيعه بعده ترى ما عاد يشقيني = شعر النبط وزنه وتجميعه ويا شعر تكفى لا تبكيني =إليا قريتك في مواضيعه ورحمتك يارب الثقاليني =في جنتك تجعل مرابيعه قولوا معي آمين وآميني = عن نار ربي من مطاليعه |
لتجديد عربون الصداقه .
عامان كاملان وهي خارج اسوار المملكه العربيه السعوديه . اتمنى عودتها قريبا . |
المبادي
لو ضاعت الأخلاق تبقـى المبـادي=مهـمـا حـصـل لــي مــا تنـازلـت عنـهـا وعـضـويـة الـحــره ولـــو هـــي رمـــادي=مـــاهــــو بـقــاهــرهــا ولاهـــــــو غـبــنــهــا مــدام هــي عضـويـة أهــل الـفـسـادي=ماهـي بمنـهـم صــدق ولاهــم بمنـهـا تبقـى بيـاض ٍ مــا يخـالـط ســوادي=ويــســطــر الــتــاريــخ شـــامـــخ زمــنــهــا لا يـا وسيـع الـعـرف بالحـيـل غــادي=ماهـي مـن اللـي كلمـتـك تحتضنـهـا ولاهـي رخيصـه يــا مـريـض الـفـوادي=لـو كـل بـنـت ٍ خاضعتـلـه ضمنـهـا ولاهـي رخيصـه يـا خبيـث الـمـرادي=دوّر عـلـى مثـلـك رخـيـص ٍ ثمـنـهـا متظـاهـر ٍ بالطـيـب ودور الـقـيـادي=ومــاهــو مـمـيــز شـامـهــا مــــن يـمـنـهــا هـــــذا بــــــوادي والــمــراجــل بــــــوادي=حــتــى وهــــو فــــي كـلـمـتـه مـاوزنـهــا وكـر ٍ مـن الألمـاس والجـو هــادي =ريــــب الـمـبـانـي والـسـخـافـه وطـنــهــا لـــب الـفـســاد ومــزبــن ٍ لـلـجــرادي=كثـرت عـلـوم الـنـاس بالـلـي سكنـهـا قبـل أمـس نــادى بالخـلايـق مـنـادي=وبــانــت نـوايـاهــا عــقــب مــــا دفـنـهــا مـاهــي بمـخـيـفـه وعــلــم ٍ وكــــادي=لـو هـو بشـي مـن الدسـايـس دهنـهـا لــو المشـاكـل مــن ضعيفـيـن عـــادي=ميـر الـبـلا مــن الـلـي ديــاره حصنـهـا وليـت المشاكـل مـن عنـود وهنـادي=مــيـــر الـــبـــلا فــيــهــا وفــيــهــا ومــنــهــا يالله وانــــا دايــــم عـلـيــك إعـتــمــادي=عنـهـا عـلــى الأنـــذال يـــا رب عِـنـهـا وأكتب لها في كل خطوه سدادي=والنفـس مــن كـيـد المعـاديـن صنـهـا |
بجائح الشرائح( نُشرت بجريدة الهدف الكويتيه)
مجتمعنـا فـي بــلادي مختـلـف غـايـه (أُو) وسيـلـه=كـل شريحـه عـن شريحـه غيـر عــن كــل الشـرايـح مـنـهــم الــلــي مـنــزلــه دايـــــم عــلـــى روس الـطـويـلــه=ومـنـهــم الــلــي عـنــدهــا أو دونــهـــا قــايـــم وطــايـــح ومـنـهـم الـلــي كـلـمـتـه مــــن زيـنـهــا تــســوى قـبـيـلـه=ومنهـم الـلـي بالمجـالـس لا هــرج هـرجـه فضـايـح ومنـهـم الـلـي لا عـمـل مـعــروف مـــا عـــدّه جمـيـلـه=ومـنـهــم الــلــي يـعـمــل الـمـعــروف ويــــدوّر مــدايـــح ومـنـهــم الــلــي سـيـرتــه لـلـنــاس تـكـسـاهــا الـرذيــلــه=ومنـهـم الـلـي سيـرتـه عنـبـر وعـطــر ومـســك فـايــح ومنهم اللي لا عشق عشقه يجي في بنت أصيله=ومـنـهــم الــلـــي عـشـقـهــم لـبــنــان زايــرهـــا وســايـــح ومـنــهــم الــلـــي لا لــفـــى صـــــارت لـيـالـيـنــا ثـقـيــلــه=ومـنـهـم الـلــي لا لـفــى بـالـحـال نـذبــح لـــه ذبــايــح ومنـهـم الـلـي لــه طـمـوح ٍ عـنـد غـيـره مستحـيـلـه=ومنهـم اللـي فـي طموحـه نـشـر الأخـبـار البجـايـح ومنـهـم الـلــي بالمـسـاجـد سـاجــد يـنـاجـي خلـيـلـه=ومـنـهـم الـلــي بـالـشـوارع تــــارك ٍ فــرضــه ورايــــح |
عنتر وعبله
أعـظـم شـعـور الـمـرء ذكــر الموالـيـف=في موقف ٍ يُسلب من المرء عقله عنـدي مثـال ٍ حـي مـا فـيـه تزيـيـف=مـــا صـــار بــعــده لا ولا صــــار قـبـلــه عنتر ذكر عبله وهو ماسـك السيـف=وقـبّــل رمــــاح ٍ تـشـبــه إلـثـغــر عـبـلــه عبلـه تبـسّـم لــه بطـيـف ٍ ورا طـيـف=ولـعـيــون عـبـلــه يــذبــح الــلــي نـشـبـلـه وهــذا ذكـرنـي يــوم جـــوه المـلاقـيـف=يـقــول ويـنــك إفـزعــي لـــي يـــا خـبـلــه يـا حيـف مـن عنتـر زمانـه ويــا حـيـف=جرح ٍ على خـده وكسـر ٍ برجلـه |
شكراً اخي فهد بن عيد
ونتمنى عودة الشاعره النرجسية مع تمنياتنا لها بالتوفيق وبيض الله وجهها على هذه الدرر ولكم اجمل التحايا |
الساعة الآن 06:59 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir