سلام مني يا ملتقى حرب وأعضاه=يا أهل الكرم والطيب وأهل الشهامة
ودي عليكم أبعث أشواق مهداه=من واحد منكم مرسلة مع سلامه
نبغى نهنيكم على الصرح وبناه=اللي حمل أسم القبيلة علامة
وذا شي نفخر به وكلنا نذود لعلاه= وأنا واحد من اللي يفتخر بإنضمامة
دعانا النويمي للزيارة واجبناه= اخو عزيز ولا نعارض كلامة
أبو روان يمون وحنا بيمناه=عند النوايب يعتبرنا سهامه
اللي يصوبها على صدور اعداه=هو سيفنا المرفوع وحنا وسامه
وذي تلبيه مني بها رد لنداه= عسانا نحقق رغبته مع مرامه
اهلا هلا بالملتقى ومن تولاه=ونسق فروعه واجتهد في نظامه
وجميع من زاره من اضيوف وأبناه=وعادات ربعي يعشقون الكرامة
اللي يجيهم يحصل من الطيب لمناه=يلقى المحبة ولا ينقصون المقامه
على حسب قدره منهم الطيب يلقاه= ولا يروح عنهم خاطره به ندامه
هذا وصلوا عد نو نثر ماه=على شفيع الامه يوم هول القيامة
محمد رسول الله لا حل طرياه=عسى الله يوفقنا لسنته واحترامه

المشاركة الأصلية كتبت بواسطة العاني (المشاركة 95035) اسعد الله جميع اوقاتكم بكل خير الزمتني بعض الكلمات المعرفه بتغيير بسيط يحق لاي شاعر اللجو ء له وهو انى استخدمت حرف الـ لام كبدايه لكل كلمه ان وجدت كي يسهل نقلها على السان والاهم من هذا كله اتمنى ان تنال اعجابكم احترامي وتقديري للجميع لو دريت ان بمساري انعطاف = مرة نحو اليمين ومرة نحو اليسار ما تفاجا في ثباتي بانحراف = نحو قلبٍ ما عطاني لــ ختيار من اشوفه يكتسحني ارتجاف = ومن يغيب احس اني بـ احتضار الامل فيني يصرح باعتراف = بـ انها ذيك الاميره ملكتني بانتصار بادرت لي في زماني بـءاتلاف = بين ضم من الحنان وبسمه لي بانكسار المزايا في هواها ما يطوفها مطاف = والا انا وشهو حذفني لمها في هالمسار تقسم العقل المولع للامانه بانتصاف = والثنينه في هواها مالنا فيها قرار كنت اخاف ليا طرولي لــ اختطاف = واكتشفت انه يهبل بعد طول الانتظار ولو بقول من القوافي ما بوصل لـ احتراف = الشعر عندي هوايه ولي به اسمٍ مستعار القصيده انت .. وفيك شعري مستضاف = وان مزجت من الروايع ما توقع لـ انبهار انت ورد .. وصعب مني لـ اقتطاف = شوك حولك واقفٍ لي بانتشار باختصار .. الحاله اشبه بانجراف = للخيال اللى ذبحني بـ اختصار وسلآمتــكم

000000000000000

المشاركة الأصلية كتبت بواسطة سعودالمبيريك (المشاركة 93372) مع دم قلبي نار تجري دموعه =تقل يتلامس فيه كهرب الى سج كفه وساده وان نعس زل كوعه =اليا صادت النوم الجفون ونعس هج تكونت به لوعة(ن) من فجوعه= اليا غفل هزت كراسيه وارتج صفق الهوى بالباب يصفق ضلوعه= وما بين ضلع وضلع صفقه فتح فج ومن سور سجن الروح قرب طلوعه =مع عالم المجهول ساعات يعرج واخاف عن دربه يضيع برجوعه= بالخارطه يغيب عنه المدرج على الذي مثل المهدي لروعه= عن ما لجى بالجوف شوفه يعالج اعتذر عن خذف 0 بقية الأبيات

انا اخترت بدون قصور في الشعار

ياعازف اللحانه على عالي الدوح =اعزف على الأغصان قصة ضياعي
انت تعزف وانا على عزفك انوح=النوح من طبعك وانا lمن طباعي
انا حياتي كلها جروح بجروح =مركب غرامي ضاع يوم الوداعي
مع عالم المجهول في غربة الروح =ابحرت لانايم ولانيب واعي
اللي بقى لي من خشب مركبي لوح=-تصارع افكاري هجوم ودفاعي
شك وضنون الروح في وين ما اروح=تضيق في كل الفجوج الوساعي
امشي مع العالم وانا انسان مذبوح= ياطير انا ابا ارسلك بالكون ساعي
ابوح لك وانته بما ابوح له بوح = عن حسرتي عن غربتي واللتياعي
قله حياتي كلها جرج مفتوح = ياطير قله لايحاول اقناعي