محاورتين بين صياف رحمه الله ورشيد بن معدي
 

هذه محاورة بين الشاعرين / صياف السحيمي ــ رحمه الله ــ والشاعر رشيد بن معدي :

صياف :



ياسلام الله على أهل الحلة المرفوعة
من هجوس ماتهيض إلا على معناها
يارشيد أنتم رجال وكتبكم مطبوعـة
مـار حنـا ماعرفناهـا ولانقراهـا



رشيد :




مرحبا بأصحابنا بالكلمة المتبوعـة
من هجوس ماتهيض إلا لردع عداها
كتبنا كتب الرسول وسنة المجموعة
يامحرفة الكلام اللي خبيـث لغاهـا



صياف :




عندنا كلمة شرف والثانية ممنوعة
بارك الله بالرجال اللي طوال لحاها
كيف ترقص والبرامج كلها مقطوعة
والحقيقة كل ناس عارفه مرباهـا



رشيد :



اندرج بعلوم حرب وكلمتك مسموعـة
وخل عينك بالقليب اللي طويل رشاهـا
البرامج ياالسحيمي بالخطـر مذيوعـة
وأنت فوق المهرة اللي جاء بريق حذاها



صياف :



البيار حبالهـا مثنيـة ومربوعـة
لو يذبحنا الظمـا والله ماذقناهـا
والله إنك يارشيد من العرب بالوعة
إن ذكرت الأولة والثانية تنساهـا



رشيد :



الله أكبر ياعميل ما عُرف مشروعة
كل ماذبت له الكلمة غلـط غناهـا
بين إنك يالولد صياف أبو قبوعـة
كم تخيل له بنفس ماذبح وأحياهـا



صياف :



الزراعة غلقت والحبحبة مزروعـة
كل مانرفع طوارفها يطيح أقصاهـا
الرجال أنواع وأنت اللي عرفنا نوعه
لوّحطوها على راس الجبل يلقاهـا


رشيد :



منك ترجع فيك ياللي بوعه بكرسوعه
تُزرع الحبة وتحمد عند طيب ذراهـا
لاتعاتبني بسقم ضروسك المشلوعـة
كل نفس طايشـة ترجـع ليامثواهـا




صياف :



مازرعت ولا حصدت صناعة مصنوعة
وأكثر العربان يبنيها ولا ولايعصاهـا
أنت رجال ثقيل وفيك مثـل الزوعـة
طاسة اليتمـان تملاهـا ولاتملاهـا



رشيد :




الصناعة با نقرة ياللي تهل دموعه
والولـد هـذا يربيهـا ولارباهـا
وأنت رجال حكيم وحيتك ملسوعه
الله أكبر ثارت البندق بوسط خباها





المحارة الثانية :


صياف :




ياسلام الله على أهل الديرة المعروفة
والبنادق في يديه والفشق بحزامـي
قاموا العالم وقمنا مع عيـال الكوفـة
والعرب هذا السنة ماهي سواة العامي


رشيد :



مرحبا بالشاعر اللي عارفين ظروفـه
البنادق في يديه ولا يعرف الرامـي
فزعته فزعة شجاع بين أمان وخوفه
ما يميز فرقة البصرة من أهل الشامي


صياف :



خلها بيني وبينك قسمة منصوفـة
لاتخليها تـروّح عمـة العرامـي
جامعين سلاحنا وفلوسنا مصروفة
وكان بحزامك سوالف خلها ولامي


رشيد :



مانطيعك لين عينك كل شي تشوفه
ويهدي الليل الطويل وتسلم الظلامي
إن غزينا يم قوم مانقـول نكوفـة
ليـن نعلـن وترفـرف الأعلامـي


صياف :



كسر سنون البعير اللي كبار كتوفه
البعير الحـر حرلياضربتـه قامـي
أنت ماشفت الكتاب ولاقريت حروفه
وإن قريته ضبطه مع سنة الإسلامي


رشيد :



البعير بعير والمخطي نحوفه حوفـه
وأنت لاتحلف لنا بالنصب الأزلامـي
والكتاب كتاب ربي ياطويل الصوفـة
تو جاك الموت وأنت تفسر الأحلامي


صياف :



لو بغيت أسابقه تالي النهـار أطوفـه
مير يبلشني رشيد وربعـه الحكامـي
أنت ما شفت الحكيم اللي طوال سيوفه
أبلشه كثر الضيوف وضيع العزامـي


رشيد :



االسباق اللي تحب الخطة المكشوفة
ماتقرب للطوا تسابـق الأقزامـي
مير من عادة رشيد يعز كل ضيوفه
استريوا بالضيافة وادرجوا قدامـي


صياف :



لاتكشفها علينـا خلهـا ملفوفـة
أنت لارجال زهراني ولا أنته يامي
أخذ كلمة طيبة والثانيـة مكفوفـة
لوّ كنت أمير تفصل باقي الخدامي


رشيد :



الله أكبر يوم جبت الحجـة المشنوفـة
مانبي لك عطف وردها حياض الظامي
إن زعلنا نتبـع البرهـان بالمردوفـة
وأنت ما أنته يالسحيمي بالمقام السامي


صياف :



العيال عيال بس رموشهـم منتوفـة
أربعه صاحين والخامس صغير ونامي
الله أكبر يالذلول الحـرة المعسوفـة
روحت مع سهلة حمرا بغير خطامـي


رشيد :



مانقول إنك تورد حجـة الملقوفـة
وأنت طيب قلب ماتبكي بك الأيتامي
السحيمي لو يحلف في حشاشة جوفه
نيته زينه وصرت فوقـه الأقلامـي

--------------------------------------------------------------------------------
بيض الله وجهك . ولاهنت