لحن ليحان =
صف جدة =
ميقاف كسب الوفاء حتّم = ورّد الموافى علينا دين
سلام مثل الرعد لارزم = وابل سحابُه يسُر العين
صف ينبع النخل =
مابيننا الطيب مايقدم= وبقدومكم فرحنا فرحين
ترحيب لجل الوفاء بلسم= يأهل الوجب والمسار الزين
صف جدة =
ياللي ترحِّب بنا تسلم =وإحنا على الطيب متفقين
كسب الوفاء بالوفاء مغنم = وعساك باقي مع الباقين
صف ينبع النخل =
لجل الوفاء بيننا معلم = مرسوم نهجُه من الماضين
حنا من الطيب مانسأم = نوفِّي الكيل للوافين
صف جدة =
تم الوفاء والموافى تم = وسرنا على الخط متساوين
إبحر معي في غزير اليم = نبغى الذي في الخفايا يبين
صف ينبع النخل =
الطيب موجود ومرسّم = مشهود مثل الجبال العين
ياما سعينا بغزير اظلم = وياما رسينا مع الراسين
صف جدة =
غياهِب الوقت ماترحم = سنين راحت وجات سنين
وانا عيوني تهامل دم = وكل يوم تبكي على الغالين
صف ينبع النخل =
من جور الايام مِن يسلم = ومن فيه ماجرّب التحزين
اللي معُه عزم مااستسلم = إيمان قلبه قوي مايلين
وانكسر اللحن =

زهورات =
سعد سلمي المحياوي =
حثيت لأهل المقام خطاي = اللي لهم عندنا قدري
بالديره اللي بها مرباي = لاجيتها ينشرح صدري
الشاعر جبارة العروي =
سعود ابو حسين وصاني = قلّى تشّكر من الوافين
وقلّى تحدث عن لساني = يبقى وفاهم عليّه دين
حمدان الحصيني=
بافراحكم زانت الاوطان =وجينا نلبي دعاويكم
حان الصفا واطرب الوجدان =والكل يشكر مساعيكم
نايف عواد أبو رقيبه=
عمداً منه ما إحترم ودي=والقلب يحمل له التقدير
طاوع شوير الخفا ضدي=وجازى المودين بالتقصير

لحن سلام=
ينبع النخل=
قلبي رئيس العضا حساس=ينزف ومحتاج لإسعافُه
لو ما عليه الضلوع أقواس=يُسمع رزيمُه ورجافُه
جده=
حنّا هنا للأمور قياس=قلبك ونسعى على إنصافُه
ولو ما الخطر ما تدق أجراس=وأهداف جاته على أهدافُه
ينبع النخل=
اللي معه للأمل مقباس=ولا يعرف الياس وإجحافُه
كيف يتجاوز جحيم الباس=وكثرالعذاب الذي طافُه
جده=
لك قلب طاغي عليه إحساس=يلايم إحساس ويعافُه
لو كان ذاك الأمل مدراس=مايترك القلب بخلافُه
ينبع النخـل =
حنا سألنـاك دون النـاس=ويُسأل عن القيـل عرافـُه
لا تكُبّنا في بحـر غطـاس=مطوي شراعـه ومجدافـُه
جدة =
إن لم يكن للمعاني سـاس=راعيه مـا حـدد أوصافُـه
يبقى رهن ضيقة الأنفـاس=ويطول في الجـور ميقافـُه
وانكسر اللحن =

زهورات=
احمد داخل الاحمدي=
اجرح وعذب على كيفك=اجرح مدامك في قلب مود
اجرح وروحي لتعذيبك= تشتاق له شوق ماله حد
الميراج =
ياقلوب وش الذي صابك = بعد المصافا سكنك الحقد
حتى الذي كانو احبابك = فحسابك اليوم صارو ضد
احمد سعد الثقفى=
ليل الصفا جددو عهده= واحيو لنا سابق الأمجاد
ياجيل فيكم أمل رده=على حسب منهج الرواد
فهد الجهني=
بعدك شفاء واقترابك داء =ياللي الوفاء فيك مايجدي
برأت نفسك من الاخطاء =وخليت كل الخطا عندي

لحن زمانين=
جدة=
شمس الحقايق مطالعها = صارت في كبد السما تنشاف
ماتنحِجب عن مواقعها =لو جردوها من الانصاف
ينبع النخل=
انوار والحق رافعها = ويشوفها الملهم العراف
والنفس تتبع دوافعها =اللي لها من وراها أهداف
جدة=
ياانوار واعرف مطامعها=شمسي أصيله لها ميقاف
والمسأله من وقايعها=ماشافوا اللي لابد يشاف
ينبع النخل=
مادام لك شمس تابعها = وانته ذكي ماعليك خلاف
لاتحول دونك موانعها = اللي لها اطماع واستهداف
جدة=
أنا موثق منابعها =مااطلب لها عطف واستعطاف
لكن سبايب مواجعها = مصادم الود والاعراف
ينبع النخل=
ان كنت مُجبّر تسانعها =دوِّر لها منهج الأسلاف
قدام تكثر ذرايعها = وتستنزِف جهودك إستنزاف
جدة=
لو ماحفظنا مراجعها = ماشفتني عالي المشراف
لكن بلانا مخادِعها = يحِّدنا للكلام الجاف
ينبع النخل=
عندك امانه ودايعها = إنته مكلف بها مكلاف
من حقك تكون شافعها=وتكون مُنقذ لها واسعاف
تجني مرابح صنايعها = ولا يصير منها عليك إجحاف
ويمكن بعرفك تطوِّعها = مادام قلبك لها ميلاف
وانكسر اللحن=

زهورات=
جباره العروي=
ياعين تبكى على ذكراه=خفّى على مرهف الإحساس
تكفين وأستحلفك بالله=لاتحرجيني أمام الناس
احمد سعد الثقفى=
موروثنا مشتعل نوره=وعم الضيا ساحة الميدان
ذكرنى بسابق عصوره=اللى لها فى فؤادى شان
ماجد أبومديده=
روَّح بنيه وذِكرُه حي=ولا زال فالقلب مِنزالُه
لو المقادير تطوي طْي=تبقى معانيه في عيالُه
عبدالرحمن عايش الدميخي=
تعانقت مع شروق الشمس=أصفى قلوب وأرقّ قلوب
روّح مع الأمس بغض الأمس=الي جعل ودها محجوب

لــحـــن مـــالـــك الــــــروح =
ينبع النخل =
قلبي شكى واستّهل الطـرف=في حين جدّت معـي ذكـراه
لكن تمـرّد علـّيا الحـرف=وحـل بمحلـُه لهـيـب الآه
جـدة =
ما يلام مِنهو يعاني ظـرف=وصارت حروف المثل تعصاه
طرف المـودين يـذرف ذرف=لآتذّكـر القلـب مـن يهـواه
ينبع النخل =
أشرب من المُر واغرِف غرف=من جرحي اللـي تعاظّـم داه
وياما صرفت المدامع صرف=لكن قسم ما قِـدرت أنسـاه
جـدة =
أنا بهـذا الأمـر أعـرف=اللي في دمي جرى مجـراه
مالك عن مفارقُـه محـرف=صبراً علـى مـا كتبـَه الله
(( ويصحابنا سامحونا ))=

إنتهى الرديح في تمام الساعه العاشره صباحآ
هذا ولكم ارق التحايا،،[/QUOTE]