الليله الليله الدعوى شقََر عالمسـا فـات=واللي بيلعب عسى الطاروق ما اقفى وفاته
يا ربعنا الشعر حشمه ما يجي مُلْك لبشات=غلطان يا من عصى قافه وجا من عصاته

يابادع القاف بدري لاتقـول المسافـات=والميت أن جاه موته مات حزت وفاتـه
لكن حذرى تجي في يداك بعض الكلبشات=واللي يشيل العصى شجاعته من عصاته

يا احمد متى يقلع الطيار يوم المنى مات=القلب به دا وانا يالله متى انعى شقاتـه
لا لا تحذّر ترى ما خوف جا من نيابات=والدهر في ايدي وخير الله بعد منولاتـه

يانايم الليل ماينفعـك حلـم المنامـات=مفتون قلبك وسبـت فتنتـه عاشقاتـه
النمر لن جاع يفرس صيدته بالنيابـات=ومن بعد طاعة ولي العرش طاعة ولاته

يا من قنصت الفضا والصقر منشا ولابات=عود على ديرتك والا عن اهل القنـا تـه
ما كل من يطلع الطايف ويرقى الهدا يات=رب ان في موتره خلـه وفـي بهللاتـه

أنا من عتيبه الهيلا قبيله ولابـات=وكل رجل (ن) يشجع لابته في قناته
والهادي الله سبحانه وهبنا الهدايات=والتاجر يحفظ ماله ويحسب لهللاته

نعمين يا الزايدي وشبابه اهل الشبابات=لكن بعض الفخر خلا في الكف رداتـه
اطلب الهك في الاستـار والمدلهمـات=يوم انْ شراع البواخر طاح في باخراته

الظيف في ديرة الأجواد وأهل الشبببات=والطيب يبين طيبه للعرب من رداتـه
ماكل من قال أنا زيـزوم قدالمهمـات=وأعمال الأنسان يحصدها ترى باخراته