ان كان ما رافقت في عمرك حروب=انا اشهد انك ما عرفت الرفاقه
تلقى لهم فعلن موضح ومكتوب=وعز ومعزه وابتهاج وطلاقه
يفداهم اللي لابس البشت والثوب=واليا نخيته قال مافيه طاقه
يا جعل سالم سالم الراس محبوب=وابوسعيد شاقه الطيب شاقه
وابومعيبد هو سعد كل مكروب=ناسن تعشق الطيب دايم عشاقه
حرب العريقه حرب في سلم وحروب=اهدي لهم من مشتل العز باقه
الشاعر سعودبن شامان العتيبي=
وقد جاريته بهذه الابيات=
كان الثناء له تاج في نهج واسلوب=ملكت كنزه يانزيه الصداقه
رفقة مثل شرواك ياقاضي النوب=نفخر بها من جد ماهي زراقه
ياطيب المذهب لك الطيب موهوب=من اللي حقوق المزن للارض ساقه
يااللي تبين بكل ماقف وماجوب=يفداك ياريف الخوي كل عاقه
يابن الرجال اللي لها المجد منصوب=تاريخ وافي مايلحق لاحاقه
اعتيبه الهيلاء حجا كل مطلوب=بيتٍ يذري بالنوايب رواقه

المشاركة الأصلية كتبت بواسطة الحب الباقي (المشاركة 1460241) صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة ابوهليل (المشاركة 1460242) صح لسان سعود العتيبي بيض الله وجهه وصح لساااانك ملااااااين ياجريح الفرقا رد وافي وكافي بيض الله وجهك

المشاركة الأصلية كتبت بواسطة وله قلبي (المشاركة 1460359) صح لسان ابن عتيبة وصح لسان ولد العم

المشاركة الأصلية كتبت بواسطة سعد المحمدي (المشاركة 1460417) صح لسان العتيبي وصح لسانك وبيض الله وجيه من ذكرهم العتيبي ووجه العتيبي

ووجهك ابيض وعمرك طويل


صح بدنك وطال عمرك ماعليك زود