((ياعاشقين الشعر)) ،،،، قناعه شخصيه ووجهة نظر
بسم الله الرحمن الرحيم
الاخوان الاعزاء السلام عليكم ورحمة الله وبركاته كل عام وانتم بخير هذه قصيده تشرح نفسها وهي قناعه شخصيه ووجهة نظر قد تكون صائبه وقد تكون خاطئه
لا ياهجوسي لازم اسرج حصاني=واملا حزامي بالفشق والذخيـره واحمي محل القوم واحمى مكاني=واطرد عدو الشعر في كل ديـره ياعاشقين الشعـر تـال الزمانـي=الشعر هابـط فالسنيـن الاخيـره من عقب شفت اللي جرى بالعياني=كلن على ماقيـل يشعـب بعيـره الشعـر روَح يافـلان الفـلانـي=واصبح كسير الساق ما له جبيره ما ادري وش الاسباب يالمودماني=والله رقيـب وعالـمٍ بالسـريـره لكن وكـاد ان العـرب ماتدانـي=الناقـد الفاهـم وسيـع البصيـره ياعاشقين الشعر حـان الاوانـي=لازم تسلون السيـوف الشطيـره قـدام لاتهـدم جسـور المبانـي=ويصير شر الشعر طاغي بخيـره الشعر فن وذوق وايظـاً معانـي=ماهوب هرجٍ بالبيـوت الكسيـره الشعر في صدري وينطق لسانـي=ماقد وردتـه بالحبـال القصيـره هـذا كلامـي مايبـي ترجمانـي=والهرج قله كافي (ن) عن كثيـره ياعاشقين الشعـر تـال الزمانـي=مايستوي عشق الشعر دون غيـره |
الشاعر
تركي الشيخ صح لسانك و بيض الله وجهك على هذه القصيدة الرائعة |
الله يعطيك العافيه اخوي تركي الشيخ وصح لسانك |
اقتباس:
الشاعر الرائع تركي الشيخ صح لسانك قصيدة اسمتعت بقراءتها وبعذوبة مفرداتها تمنياتي لك بالتوفيق |
الشاعر تركي الشيخ
صح لسانك مليااااااااااااااااار قصيده رائعه من شاعر رائع اسجل اعجابي وتقبل كل الود والتقدير |
ياسلام ياسلام الابداع يعرف اهله صح الله لسانك وبيض الله وجهك ولله درك ابدعت وكتبت وعبره واحسنت الشاعر تركي الشيخ دمت ودام ابداعك تقبل اجمل التحايا |
اقتباس:
حياك أخي الشاعر/ تركي الشيخ كم نرى من تكسير للشعر من شعراء لامعين في الأمسيات الشعرية حتى أن بعضهم يسرد البيت سرداً كالنثر حتى لاينكشف تكسيره والجمهور يصفق ؟؟!!!! وبعضهم يأتي بالبيت مليء بالإبداع اللفظي لكنه مكسر حيث ركز على جذب الجمهور ونسي الوزن وكذلك نرى ذلك في المنتديات فالكل يصفق ولكن المتمكن من الشعر يعرف غثه وسمينه وإن مدحوه الأعضاء 0 أقدر غيرتك الشعريه تقبل تحياتي |
اشكر الجميع على ردودهم الطيبه
ولي عوده ان شاء الله |
صح السانك وعلي شانك والله يعطيك العافيه اخوي الشاعر تركي الشيخ بيض الله وجهك |
هلا بالغالي ابوعبدالعزيز هلا براعي الجزيلات صح لسانك واعتلى شانك بيض الله وجهك اتمنالك التوفيق إن شاء الله أخيك ابوروان |
الساعة الآن 01:12 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir