اسعد الله جمـــــــــيع اوقاتكم بكل خير
في هالمنتدى الرائع
حبيت شي مالقيته في غيره
وشو؟
طيب انا اقول لكم !
بصراحه!!
الصراحه
بجد الصراحه هي اللى لقيته هنا يعني لا مجاملات اطلاقا
وذا اللى لقيته في ردودكم على مشاركاتي المتواضعه
وحاب اني اطرح بين ايديكم هالمشاركه واتمنى ان تنال استحسانكم

بسم الله اكبر ابتدي زين الابيات = واقوم اجر من القوافي قصيده
يلقى بها راع الوله والمعانات= شي يسلي خاطره ما يزيده
ويلقى بها من صارع النوم وقفات = لا صار نومه يالعرب ما يفيده
وش جاب زولك يالغضي كود طروات = تطري على بالك ولا هي عديده
ما فادها طيور العرب فيك هدات= ولا فاد فيكي كايدٍ لك مكيده
انا الوحيد اللى ضفر فيك بالذات= ومن بين كل الناس صرتي وحيده
يا لعن ابو حيك ترى الحب ما مات =حبك حيا في داخلي يا عنيده
وشلون عيني تقبل الشوف لحظات = وغيري يقابل ولفه بيوم عيده
مانى من اللى مذهبه خذني وهات = لا من عطيت القلب ما اقبل اعيده
وماني من اللى يقبل الهرج بسكات =منطوق علمي له معاني مفيده
ومانى من اللى يلعب الحب لعبات= وكلٍ يلاعب بالهوا من يرديه
للحب في قلبي من اول علامات = والله عليم ان العلامه اكيده
حبيت بنتٍ تنذكر في حكايات = من زود وصف له مزايا فريده
له طلتٍ مثل القمر حي مامات= وله بسمه تحلي هموم عتيده
لو شافها شيخ مسوي عمارات = باع العماير واشترى له وريده
ولو شافها ما سور من عقب غزوات = عزالله انه قطع حبال قيده
يا لعن ابوها خلت العقل ينشات = اشوت حيد وحيد ينشات بيده
ملزوم اجاري حكيها الزين بنصات=واقول لا من خلصت هاه!عيده!
عزالله ان الحب سوابي سوات= عسى ابلقى من بلا الحب فيده
ولا من غدا عضمي من اسبابها رفات= ادعو لها تحيا بدنيا سعيده

وسلامتكم
العــــاني