قصيده للشاعرالكبير الهاب الوسيدي ومجاراتي له
 

*الشاعر الكبير الهاب الوسيدي*

*ياهيه قبل تمر الايام وتفوت*
*ونقول لدنيا سلام وداعي*

*باعطيك علمٍ له براهين وثبوت*
*نتايجه عن تجربه وطلاعي*

*انا الذي وسط البحر صارع الحوت*
*وطا برجله فوق روس الافاعي*

*احيان اخطط هجمة العب واشوت*
*واحيان اعود للوسط والدفاعي*

*وان كان ماني كل الاوقات مبخوت*
*عزمي قوي وفجوج ربي وساعي*

*مابعت شبر الوجه في لقمة القوت*
*ولاطعت راي المسكنه والرعاعي*

*واشوف لي روسن على متونها بشوت*
*تبني من الاوهام مجدن صناعي*

*واهل البيوت اللي قبل مالها بيوت*
*قامة تحط ابيوتها بالرفاعي*

*واليا اجتمع حاسد وحاقد وسربوت*
*وقامة ديوك الحي معها تعاعي*

*اصد شيمه وترك الهرج ويموت*
*وانا توردني على الماء ذراعي*
*****************************
*سعد المحمدي*

*ياحي هالصوره وياحي هالصوت*
*ياللي شعاني من معانيك شاعي*

*حركت ماب القلب في زر ريموت*
*وصبح علي الصبح يالهاب واعي*

*وانا من اول دافنه وسط تابوت*
*يكفي من الحزبين زايد صداعي*

*من ناس تلبس فوق بشت الوبر كوت*
*عن صاعهم يفرق بالازمات صاعي*

*كنك تدير بداخلي عين جالوت*
*مدري تسويلي تنفس صناعي*

*ان قلت بعد عقاب ماحد عشق نوت*
*زاد الكلام اللي على غير داعي*

*وانا مراهن لي على حوار مكفوت*
*لراس باس ولسفينه شراعي*

*بعدك عن الكوفه يادكتور بيروت*
*بالذبذبه سبب خلل ونقطاعي*

*تبغى الكلام اللي مثل صافي التوت*
*ماروجه من شيت البدو راعي*

*تبقى لصعبات المواضيع منعوت*
*الياعون فوق الطويل السباعي*

صح بدنك يالغالي

اسعدني مرورك العطر

صحت السنتكم قصيدتين رايعتين كمهوجميل
البدع والرد والمجاريات بين الشعراء ولهامزاج
عند متذوقي الشعرالنبطي والموروث الجميل
فاهنين لكم على الاابداع وهنين للقاري

صحت السنتكم
قصيدتان غاية الابداع والامتاع