اجمع من الاشعار وكتب بالاوراق = واللي يجول أبخاطري مانسيته
قصايداً أتوسع الصدر لاضاق = وتقصر طويل الدرب الى سريته
وتكشف غويل القلب و تنشر اشواق = يقراه من يقراه لو ماعطيته
وتاصل علومي للغضي مدمج الساق = اللي بروحي وكل ما ملك فديته
ياجعل يفدنه طويلات الاعناق = اللي بعيداتاً واللي ابيته
حبه ذبحني و بعدها يحرق احراق = لا تلومني ياعاذلي لانصيته
حبه يتل القلب من جوف الاعماق = غصباً علي وبعدها ماقويته
انا اشهد اني لشوفة الزين مشتاق = وانا شهد اني كل درباً مشيته
من شان اشوف انويعم العود لافاق = وبهج فوادي بنظرة اللي هويته
من قبل قصاف اللذايذ والاعناق = واموت من همي ونا مالقيته
هذي اعلومي كلها أبيض الاوراق = ذكرتها واللي كتبته قريته
ياعزتي ياناس انا لكل عشاق = اللي وطاه امن الهوا ماوطيته
بعض العذارى حبهن ود وشواق = وبعض العذارى حبهن مابغيته
وبعض العذارى تسعد القلب لاضاق = وبعض العذارى حيتن شبه ميته
وبعض العذارى ودك تكسا بلاطواق = وبعض العذارى خاسراً ماعطيته

يناضري انضر ماشفتلي شي = ماشفت زين العود يوم اعرضني
ضيعتها يوم اضلم الليل بالحي = وافختها ياناس وغاب عني
اناشهد اني عقبها بخاطري شي = والعين تذرف دمعها ما تمني
والقلب من كثر الوله هاجر الفي = لاواعذاب القلب منها ومني
يسمني طيفه لامسيت واضحي = اناشهد ان صوايبه اوجعني
لاواهني من شافها لوهو اشوي = والا علومن من طرفها يجني
الجادل اللي صوبتني وانا حي = انا ذبيح البيض لو ماعرفني
سلب فوادي بنضرتاً قصدها سي = سلب فوادي وحترق وعدمني
صحيح من قال العذارى بهن شي = اما سحر والا جنوناً غزني
من عقبها مافارق البيت والحي = حول المكان الي بها صادفني
وامني الخاطر واروح واجي = كود العيون اتشوفها ورجهني
لاواوجودي وجد هاذي وهاذي = وعداد ماخط القلم من تمني
يامن حظنها و ظمها ظم بيدي = ولاحداً درا يناس عنها وعني
والي يصير ايصير دامنني حي = يناس مكنوني ترى ضاع مني