ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مــلــتــقــى الــقــوافــي (http://www.m-harb.net/vb/forumdisplay.php?f=8)
-   -   ردي علي الشاعر صقر المراقيب (http://www.m-harb.net/vb/showthread.php?t=35276)

سالم بن ظفر الحربي 19-11-08 03:16 PM

ردي علي الشاعر صقر المراقيب
 
ياجريح فراق كم مثلك جريح = منته اول من تعذب بالفراق
قبلنا قالوا ملايين ٍ تصيح = حصلوا بالود سم ٍ مايطاق
ياجريح الوقت ماشوفه مريح = دام فيه الحسد مخلوط بنفاق
والحسد مايحمله غير القبيح = دايما ً هادف على بعد الرفاق
حيلته بالغدر مايمشي صريح = عاشق الحيله وعانقها عناق
ياجريح الكل بسقامه طريح = دمعته تجري ويتبعها شهاق
اسمع الكلمه من لسان ٍ فصيح = والصراحه منها يجلا الخناق
انتبه للود لو شفته مليح = من يقول ان الهوى عذب المذاق
الشاعر/ خالد بن عبيد بن معتوق ألأحمدي[/QUOTE]

الحقيقه انا شعري علي قدي ولااقارن نفسي بالشعراء الكبار مثل الشاعر صقر المراقيب ولكن هذي محاوله وارجو التجاوز عن القصور


ياصقر لودرت بالكون الفسيح=والبحور ودجت في سبع الطباق
مالقيت اللي مريح ومستريح=والعقل والعرف هو سيد النطاق
ياصقر فرق الغشيش من النصيح=ماتبين للعرب دون الرواق
ودام بالدنياجزيل وبه نطيح=جازل اللي مامشالك بالوفاق
والجواب اقول عن ضيحه تضيح=دوك نور العلم عن خاف العماق
ماجرحني ود من كادت شريح=ولاجرحني بعد ساحرة الرماق
ياصقر جرحي علي كنوز المديح=سيوف ودروع القبيله بالمساق
ولانقول ان الهوى دربه بجيح=الموده سلم وافين العماق

صقر المراقيب 19-11-08 03:33 PM

صح لسانك اخي جريح الفرقا
ولاتقول اني افضل منك بالشعر
يعلم الله انك شاعر كبير
وانا معجب فيك
ولو ماكنت معجب فيك ماكان ارسلت لك هذه الابيات
مشكووووووووووووووووووووووووووووووووووووور

عيسى العوفي 19-11-08 04:23 PM

ياصقر فرق الغشيش من النصيح=ماتبيـن للعـرب دون الـرواق

الله الله

صح لسانك ياجريح الفرقا

رد كافي ووافي

بيض الله وجهك ياخوي

قصائد في منتهى الروعه والجمااال

ولكن وكما اسلفت بردي على صقرالمراقيب

ماتكفينا منكم قصيدتان نطمح بالمزيددددددددددددددد

مضحي بن جمران 19-11-08 04:36 PM

شاعرنا المبدع صقر المراقيب صح لسانك وعلاء شانك ابيات غايه في الروعه والعذوبه لاهنت ياخالد بن معتوق الاحمدي وصح لسانك ياشاعرنا المبدع جريح الفرقا وعلاء شانك يابو فواز ابيات قمه فالروعه لاهنت لاهنتم على هذه المراسلات الجزله وطيبت المقاصد والاهداف
سلمتم ودمتم على العز والمعزه وتقبلومني صادق الود والتقدير

ابومشاري 19-11-08 04:53 PM

والله والنعم بك يابن معتوق وكذالك والنعم في الاخ جريح الفرقا وبيض الله وجيهكم امتعتونا
بشعركم الجزل ودمتم بخير

سالم بن ظفر الحربي 19-11-08 05:28 PM

اقتباس:

المشاركة الأصلية كتبت بواسطة صقر المراقيب (المشاركة 407434)
صح لسانك اخي جريح الفرقا
ولاتقول اني افضل منك بالشعر
يعلم الله انك شاعر كبير
وانا معجب فيك
ولو ماكنت معجب فيك ماكان ارسلت لك هذه الابيات
مشكووووووووووووووووووووووووووووووووووووور


صح بدنك وطال عمرك

ماعليك زود واعجابك وسام وتاج لاهنت

وان شالله يكون الرد مرضي وبمستوى قصيدتك

نداء الغيداني 19-11-08 05:34 PM

صحت السنتكم
ومشكورين على هذه القصائد الجميله0
كلكم متمكنين بانتظارجديدكم00

الحميدي المخلفي 19-11-08 08:10 PM

صح لسانك وعلا شانك
رد رائع جدا لا يستغرب على شاعر متمكن

وبيض الله وجيهكم جميعا على القصائد الرائعة
والأبيات الجزلة .

سالم بن ظفر الحربي 19-11-08 11:31 PM

اقتباس:

المشاركة الأصلية كتبت بواسطة عيسى العوفي (المشاركة 407464)
ياصقر فرق الغشيش من النصيح=ماتبيـن للعـرب دون الـرواق
الله الله
صح لسانك ياجريح الفرقا
رد كافي ووافي
بيض الله وجهك ياخوي
قصائد في منتهى الروعه والجمااال
ولكن وكما اسلفت بردي على صقرالمراقيب
ماتكفينا منكم قصيدتان نطمح بالمزيددددددددددددددد



صح بدنك وطال عمرك شيخي المبجل


ماعليك زود الله لايهينك

والروعه والجمال مرورك العذب

ولو تكنا من ارائك حنا بخير وست الاف نعمه هههههههههههههه

لاهنت ابو عبدالرحمن

رفيع المقام 19-11-08 11:44 PM

صح السنتكم وبيظ الله وجيهكم قصائد كافيه ووافيه



الساعة الآن 12:29 AM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi