ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   ملتقى الشاعر الهاب الوسيدي (http://www.m-harb.net/vb/forumdisplay.php?f=110)
-   -   رباعيه راشد السحيمي والهاب الوسيدي وتركي الفين وبخيت السناني (http://www.m-harb.net/vb/showthread.php?t=17330)

البـــرنــــس 05-07-07 02:01 PM

رباعيه راشد السحيمي والهاب الوسيدي وتركي الفين وبخيت السناني
 
قوم يابخيت السناني واحتزم=ابتدا فوق الورق خط القلم
والعلم مرفوع ماطاح العلم=ماعلى الدنيا ضميرن مستريح
الرباعيه بدت وابتدا علمٍ جديد=والرجال اهل الوفا ماتضيع حقوقها
الرباعيه بدت والفال زين=مير ياربي على الدنيا تعين
يوم اطالع فاليسار وفاليمين=ماعلى الدنيا.......
يالحروب اصحابنا ياهل الراي السديد=كل سلعه مالها سعر غير بسوقها
يالهاب اجرد سلاحك ثم قوم=اشهد انك من رياجايل الزوم
وجه افواه البنادق والسهوم=كل شي حولي يذكرني بشي
اتوقعها حديدٍ صدمله في حديد=ذوقها ياسايقٍ ماتحاسب ذوقها
الرباعيه بدت واليل طاب=يابخيت انشد وتبشر بالجواب
انت تعمل ضمن بند الانتداب=ما على الدني................
انت تنظر للقريب وتنظر للبعيد=من تسمع في رعدها يشوف بروقها
خش راشد في مجال الاختراع=واكثر الافكار تاليها الضياع
واصعب امراض الاوادم فالنخاع=ماعلى الدنيا ...........
الوعد قدام والموت في حبل الوريد=يانواة الشجره اللى يباس عروقها
العراق امست ضحيه للطعون=والسبب صدام خريج السجون
ماتعدل سيرته مهما يكون=ماعلى الدنيا...............
كان تنفع ضربة البقس بخشوم العبيد=والله اني لاضرب خشومها واعوقها
انت صدرك لاقضيف ولاعريض=مار بشرني عسى مانت بمريض
يوم شفت الدمع من عينك يفيض=كل شي حولي...........
الوعد قدام والله يدبر مايريد=صير تحت الارض والا وعدنا فوقها
ان تكلمنا عن اوضاع العراق=فيه حسد وفيه شر وبه نفاق
ضاقوا الشيعه واشوف بخيت ضاف=ما على..................
العراق عراق من عصر هارون الرشيد=كنها مزيونةٍ ماتبا الا شوقها
لا تكثر فالعلوم ولا تصيح=وانت قلبك تالي ايامك جريح
فالمدينه لاتقوم ولاتطيح=ماعلى............................
يارفاقه من يحط الشقي مثل السعيد=الامانه رجوعها على صندوقها
يبدو ان السالفه فيها بلا=وانت معظم شلتك في كربلا
قلت شيعه قوم قالولي بلا=كل شي حولي.............
كان تبغى هرجة العقل والراي الرشيد=لا تقدم دلة الهيل لين تذوقها
انت فصحاب المدينه وش تقول=نصرة الاسلام جيران الرسول
وانت جاتك حذفةٍ بين الرجول=كلى شي حولي...........
انت ياتركي مساهم بشيك بلا رصيد=لو تغش الناس كنك مسكت حلوقها
هب ياهذا السناني ضاق اهب=قام ينفخ مع خشومه تقل ضب
مار اخوك الهاب ناره تلتهب=ماعلى الدنيا ضميرن مستريح
يابخيت السر موجود في بيت القصيد=والكبود اليابسه من يبل عروقها

راعــ(البل)ــي 06-07-07 01:37 AM

صح لسان شاعرنا ابوجمال

وبيض الله وجهك على النقل

ابن خيرالله الردادي 09-07-07 10:52 AM

مشكور اخي على جهودك

بيض الله وجهك محاوره رااائعه

تقبل تحياتي

ودمت بخير

فيصل حمود الوافي 09-07-07 11:12 PM

صحت السنتهم وبيض الله وجهك

الحب الباقي 12-07-07 03:05 AM


الله يـعـطـيـك الـعـافيـــــــــــة
بيض الله وجهك

الحب الباقي 12-07-07 03:16 AM


الله يـعـطـيـك الـعـافيـــــــــــة
بيض الله وجهك

سالم الفريدي 12-07-07 03:44 AM

صحت السنت الشعار

مشكور على النقل

فتى البعايث 26-07-07 08:14 AM

الله يعطيك العافيه


على هذا النقل الجميل

نقل تشكر عليه

وبيض الله وجه

لهاب الوسيدي الحربي

وعساه على القوه والعز

حميدان العوفي 26-07-07 10:32 AM

يعطيك العافية على الاختيار الرااااااااائع

البـــرنــــس 12-08-07 10:32 AM

مشكورين على المرور



الساعة الآن 02:59 AM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi