أبيات أرسلها أحد الاصحاب قد تكون من قوله أو منقوله ولكن ردينا عليه وجاريناه وحاولنا نقض فكرته وبناء افكار وأراء اخرى مغايرة لما ذكر ..وليس ذالك لقصور بصاحبي ولكن من باب الممازحة ...


زينها كل ما نسنس هبوب الشمال
قولت افلان من دوامه فرك

فوق موتره لكزس ابيض من الخيال
متجه للجنوب وناسين من برك

كل ماقيل له وش فيك يا ابن الحلال
اذكر الله وريح نفسك وموترك

رد قلبه عليهم قال هذا محال
كيف ترتاح وخلك جالس ينطرك

لا تردد وشد العزم بين الرجال
يم من هو يلمك بالغلا وينثرك


ردي ومجاراتي للبيوت السابقة


زين وقتك لا صفالك بين عمك والخوال
والسوالف الجميلة كلن فيها مشترك

طاب حالك وزاد مالك مع مزاجن عال عال
والصداقة والرفاقة كلن منهم خابرك

مجلسك مدهال ربعن لك يشيلون الثقال
علمك غانم باللوازم كل رجلن يذكرك

والهوى والحب مثل طراد الظلال
له بدابة بلا نهاية والنهاية يقبرك

لا تعنى يم خلك يمه لا تشد الرحال
لو نصيته ما لقيته في مكانه ناطرك

لو تأنى ثم تعنى لأكتمل نور الهلال
الهوى لا صار بادي تخسره ثم يخسرك

العنود ومساعد الجليدي ورابح الجحدلي
صحت ابدانكم وكل الشكر والتقدير للمرور وكريم الشعور وطيب التواصل والحضور

اخوي مساعد
ملاحظتك فى محلها مقدر وشاكر لك وتم التعديل مثل ماذكرت