|
وانا أعرفك ابن برقى مثل طير ابن برمان
انقل لكم هذه المحاورة للشاعرين الكبيرين/ محمد بن عبيد الربيقي الحربي و سفر الدغيلبي
و التي جرت في حفل الصلاح من حرب في بلدة النبقية بالقصيم رابع ايام عيد الاضحى المبارك لهذا العام 1432هـ. و التي جمعت كل من الشعراء/ راشد السحيمي و محمد الربيقي و سفر الدغيلبي و بن عتقان و زيد بن سملي محمد الربيقي:
عند ربع"ن"لهم بالطيب صوله وجوله=كل علم"ن"يشرفنا مقاله نقوله والدروب مخبوره والجمال معقوله=مايروس النجوم الا سهيل اليماني الا ياسفر سو العلاقه مع المطران=ترى الوضع يستوجب علاقات سريه يقولون في وقت"ن"مضى كان ياماكان=تلين الجبال من النجوم السماويه سفر الدغيلبي:
عيدكم ياهل النبقيه سنين عايد=نعم ياعزوة الصلاح وقت الشدايد طيبين الفعول وكاسبين الفوايد=مايروس النجوم الا سهيل اليماني انا والمطيري بالدير كلنا جيران=علاقاتنا بشهود وحدود شرعيه سلامات يامحمد ورى خاطرك زعلان=انا ما اخبر اخلاق الشبابي تجاريه محمد الربيقي:
لاتقول الامور مدبره ومحكومه=السوالف لها شده ورده وقومه مير ابنشد سفر تال السنه عن علومه=مايروس النجوم الا سهيل اليماني الا ياعتيبي ماش شعله بلا دخان=وانا شايف الاوضاع ماهي طبيعيه ترى يضحك الشبان مايزعل الشيبان=ولافيه راحه دام الاوضاع مقفيه سفر الدغيلبي:
الامور محكومه وانت خلك مريح=لاتصيح على روس العرب لاتصيح اثر عندك بلا وانا احسب انك صحيح=مايروس النجوم الا سهيل اليماني تبى تشتكيني روح دور حقوق انسان=واذا صدقو لك هات عسكر ودوريه بعد ما امتلى بطنك من الخوخ والرمان=تبي لك مطار"ن"عالمي بالشماسيه محمد الربيقي:
من يقود البعير شعيل ولا يسوقه=كل واحد يفكر في نتايج طروقه وانت واقف تلفت بين برقى وروقه=مايروس النجوم الا سهيل اليماني تناظر ببن سلمي وتضحك لابن عتقان=وتنصب بثوبك والصناعه محليه ترى كلها دعوى وطنيه رفيعه شان=مطار الشماسيه مطار البجاديه سفر الدغيلبي:
كان ولياه للمعروف والطيب ناكر=سفرو حظرة ابن عبيد من صبح باكر وازهلو كرسي الرحله وقص التذاكر=مايروس النجوم الا سهيل اليماني محمد يفرقنا وحنا نعيش اخوان=تشيع وانا ما اخبر في حرب شيعيه انا اخبرك هاك الوقت شاوي وراعي ضان=وش يعرف الشاوي حياة الرفاهيه محمد الربيقي:
لاتسوون ياحظرة عتيبه سوايا=لو نفتش قضاياكم ياكثر القضايا تقلبون الصحيح وتتهمون البرايا=مايروس النجوم الا سهيل اليماني ترانا على سنة محمد نسل عدنان=ولو من كلامي يزعلون الحراميه وانا أعرفك ابن برقى مثل طير ابن برمان=ما سنعت قوم ولا تسميت برعيه سفر الدغيلبي:
القضايا تشرف والفعايل تجمل=يوم بعض العرب ينوي وهو ما يصمل حطبه ما يكمل والجمر مايكمل=مايروس النجوم الا سهيل اليماني ياحربي ياوجه الخير لاتقرب العتبان=تراهم ذرى"ن"لك كان هبت شماليه ملاحظة: المحاورة تم تزويدنا بها من ابن القبيلة المخلص البار الاخ/ أحمد المويعزي فله مني جزيل الشكر و أستأذنه بنشرها |
حميدان العوفي
تسلم على النقل والشاعر محمد عبيد من شعراء حرب المميزين |
¨°o.O ( ×××××××) O.o°¨
الله يـعـطـيـك الـعـافيـــــــــــة على الاخـــتيار المــوفــق وصحت السنتهم بيض الله وجهك |
سلمت يابو ناصر على النقل الجزل وعاداتك ماتجيب الا الجزايل
ومحاوره طيبه ومحمد بن ربيق من شعراء القبيله البارزين فعلا تحيتي وتقديري |
اقتباس:
و الربيقي شاعر كبير و لكن لايزال يريد الدعم من القبيلة وهو ليس دعم التشجيع الربيقي ماعاد يحتاج تشجيع و لكن الدعم هو دعوته لأي حفلة عند حرب يكونوا شعارها من كبار الشعراء |
سلمت يمينك يابو ناصر على النقل الجزل وصح الله لسان شاعرنا العلم المبدع محمد بن عبيد الربيقي الحربي وزميله الشاعر العلم سفر الدغيلبي العتيبي وبيض الله وجهك ولانعدم تواجدك الراقي
|
صح السان الربيقي ولسان الشاعر الكبير سفر الدغيلبي سلمت ع النقل ياغالي |
محاورة قوية قوية قوية بمعنى الكلمة و ربما ان تكون سياسية حول هذه الاحداث الاخيرة و لكن الاحظ تهرب الشاعر الكبير/ سفر الدغيلبي عن المعنى و لا اعلم ماهو السبب . اعجبني هذا الشاعر الحربي الذي لم يحالفني الحظ في معرفته او الجلوس معه و لكن من خلال متابعتي لمحاورات شعراء القبيلة و اهتمامي بهم و شفقتي على شعراء المحاورة من القبيلة اعجبني هذا الشاعر/ محمد بن عبيد الربيقي الحربي و اقول لأبناء القبيلة هذا شاعر شاعر شاعر شاعر بمعنى الكلمة هذا هو الشاعر الذي معانيه من ذهب . و الله لو كان محمد الربيقي عند قبيلة تهتم بموروث المحاورة لشفتموه كل ليل في محاورة و لكن تبقى قبيلتنا العزيزة حرابة الدول بدون تشجيع و تحفيز. و مشكور ياحميدان العوفي على النقل و الاهتمام بشعراء القبيلة و لكن تبقى لوحدك و اليد الواحده ماتصفق؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
صراحه محاوره ناريه وقويه من الربيقي ومحمد شاعر ويكفي ان وقفته وقفة حربي يهابونه الاجناب
|
حميدان العوفي
تسلم على النقل والشاعر محمد عبيد من شعراء حرب المميزين ويحل بعد راشد السحيمي بالقبيله والشاعر سفر شاعر كبير |
الساعة الآن 08:13 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir