قصيدة والرد عليها
 

قصيدة للشاعر ماجد العلوني في ناقة تحن على صاحبها المتوفى
يقول فيها

البل لها في حب اهلها مواقيف
وهذا الدليل تشوفه العين مرفق

معتق وهو عايش يسوق التكاليف
يصرف عليها صرف ولهان مشفق

تبكين يالحمرا على جرته كيف
وانتي بهيمة ما تعرفين منطق

ياللي تقول البل وفاها سواليف
انا اشهد ان البل على الحب تصدق.

والله ماتشكين من لاهب الصيف.
مادام وسمك جنب عرقاه مطرق.

معتق عسى الله يرحمه للولي ضيف.
لكن يفزع لك ثلاثين معتق..

ردي عليه

البل فيها من الوفا للمواليف
لو العُقُل في يدينها له تطلق

اللـي دعانا ننظـر لخلقها كيـف
أودع بها خلق الوفا به تخلـق

هذي بهيمة حبها دون تزييف
طبع البهايم مايعرف التملـق

تحن للي من بعد راح ماشيف
في مشهـد منه الخوافـق تفلق

لو اشتكت تبكي بدمع مذاريف
على زمان حـول معتق تحلـق

الله وأكبر يازمان الصواديف
باب يجيبه يمها اليـوم غلـق

مقابله كوم غدا له خطاطيف
سبحان جاعلها بخلقه تعلـق

صح بدنك
الله يعافيك
ووجهك أبيض

صحت السنتكم قصيده لهاذوق خاص ونكهه جميله
نعم حتي البهايم تحب وتكره تحب من يتعامل معها
برفق يوجدانضمه كثيره تحث على الرفق باالحيوان

صح بدنك
تحياتي

لاهنتم وصح الله السنتكم



تقبلو التقدير والاحترام



وفقكم الله