انا ياهيه ماقاسيت اقاسي.!!
من القديم ولكم قبلها التحيه والتقدير:
انا ياهيه ماقاسيت اقاسي = من اللوعات واكبر من مقاسي لبست هموم وقتي كلبوها = ولا خليت منها مايواسي كبر مالبستني والبستني = هموم الوقت ياهيه القواسي وانا وياك كلن جاه حقه = من اللشدات واقوى منك باسي اشوفك ماتحمل مايصيبك = يبين ابناظرك بعد احتباسي ولو خفيت يظهر ماتخفى = ويزعلني زعلك ان كنت ناسي علامك ياصحيبي في صحيبك= تزيد الهم وانت اللي تواسي تبي تلبس علي الحق باطل = وانا افرق ذهبها والنحاسي ولوهي من هذورٍ شقلاباني = تراي اعدها ظمن الطفاسي ولكن هرجتك عندي ثمينه = لحيث انك ثمين .. وعز راسي وساس العز رفقة كل طيب = وساس النقص رفقة كل خاسي ولا رفقة نقيين الضماير = مثل رفقة رديينن اخساسي ولا في عرف ابو وجهين مكسب= ولاتقبل صلاةٍ بالنجاسي اقوله وانت عارف ماتعرف = ومثلك حايزن جوهر وماسي وانا ياهيه اخفي كل مابي = واشيل ابخافقي كبر الرواسي واليا شفت الرفيق اضحك واهلي = واليا من غاب زفراتي حساسي ولكن ياعساها ماتعود = هاك الليله حصل فيها التباسي وزاد الهم عندي فوق حده = لقيتك بالسفر تبغى اتماسي طوارف جال ساره والفويلق = مراتيع الصبى وتصير ناسي نسيت اللي صفالك في زمانك = صفالك يوم فيك الوقت قاسي .. |
صح لسانك متمكن اخوي محمد تشرفت بالمرور من هنا |
صح الله لسانك يا شاعر الجزاله
|
ياسلام ياسلام
تسلم يابو عبدالله على هالدره وساس العز رفقة كل طيب=وساس النقص رفقة كل خاسي |
صح لسانك يابو عبدالله قصيدة فيها شي من المعاناة ....
|
الشاعر القدير محمد عبد الله البدراني
صح لسانك وبيض الله وجهك قصيده جزله وعلى بحر يشد القاري يابو عبد الله قديمك جديد يالغالي تحياتي وتقديري |
الله عليك يابوعبدالله صح لسانك مليون على القصيده والله يـعـطـيـك الـعـافيـــــــــــة بيض الله وجهك |
محمد عبالله البدراني صح السااااانك حتى ترضى
|
وانـا ويـاك كلـن جـاه حقـه = من اللشدات واقوى منك باسـي
صح لسانك يابوعبداللهالقديم القديم لاخلا ولاعدم لله درك |
, , , صح لسانك وسلم بنانك قصيدة وافيه من وافي اتمنى لك التوفيق اخيك ابو فياض النويمي |
الساعة الآن 02:56 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir