بدع الشّاعر القدير/ خالد الحصني=
يا جماعة خير من عنـده قريحـه=مـا تجـود الا بجـزلات الفرايـد
ناصحٍ نفسي وله عنـدي نصيحـه=ان قبلهـا بطيـب والا لا يـزايـد
القريحه تحتـرق مثـل الشريحـه=كان راعيها مضـر يهـا الفوايـد
الكلام الي صحيحه فـي صريحـه=منهج المعقول يوم العقـل سايـد
كان شاف الحق ينطق في فصيحه=لا ينافـق بـا الكـلام ولا يحايـد
وان مدح له شخص يركد في مديحه=المدايـح ذم كـان المـدح زايـد
ويا تغزل يـروي قلـوب جريحـه=ياسمعهـا شـايـب ذب البنـايـد
ولا يلام الي تغـزل فـي ملحيـه=شوفها ضحكة طفل صبح المعايـد
ردّ الشّاعر / خالد بن عبيد الاحمدي=
انت وجه الخير لك نفس ٍ فليحه=تنتقي فالجزل ماتاخذ زهايد
يانصيح النّفس ربعك مستريحه=من كلام ٍ قلت يازين العوايد
والقريحه كانها ماهي شحيحه=بالجزيله عزمها لاتقول بايد
ومن يقول الحقّ له ربّ ٍ يبيحه=ذاك نعم النّهج والله فيه رايد
ومن يدسّ الحقّ يبشر بالفضيحه=مايدوم الكذب لو شافوه كايد
كم قصيدة مدح ماهي بالمريحه=لنّ فالممدوح ماتوفي قصايد
والغزل للي ترفّع عن قبيحه=لاقراه الشّهم يطلبه الجدايد
والشّرف بالودّ لايمكن يزيحه=غير فعل الشّين جلاّب النقايد