|
24/9/1434
وين الموفّق يشد الحيل= ويجيب ركعه ورى ركعه لاشك منهو يقوم الليل= فالنفس يلقى . لها مُتعه تحيتي= |
25/9/1434 ، لازال ، متبقي ، خمسة أيام ، فل نغتنمها ،
شفت البعض يجعله للأكل =والنوم ومتابع البورصه مايسير نعمل بهذا الشكل=وبيديننا . نضيّع . الفرصه تحيتي= |
26/9/1434 عبدالإله القحطاني- سبق- خميس مشيط: قال إمام الجامع الكبير بمدينة خميس مشيط الشيخ أحمد الحواشي، إنه وبحسب تواتر الرؤى، ومنها رؤيا للشيخ نفسه فإن ليلة القدر لرمضان هذا العام هي ليلة السابع والعشرين. وأضاف "الحواشي" خلال خطبة الجمعة اليوم قائلاً: "بشرى لكم بإذن الله ليلة القدر هي ليلة الـ27 حسب تواتر الرؤى والله أعلم". يُذكر، أن الشيخ "الحواشي" يختم هذه الليلة الختمة التاسعة خلال صلاتي التراويح والقيام ويصلي خلف الشيخ زهاء الألف مصل منهم القادمون من خارج المنطقة والمملكة برمتها.
جانا خبر والخبر منقول= عن ناس فـ / الليل قوّامه ومن جانبي يالحبيب نقول= الغيب في عِلم علاّمه تحيتي= |
27/9/1434 ، الأِفطار ، في المسجد النبوي الشريف ، وروحانيه لامثيل لها http://im32.gulfup.com/WVf7l.jpg http://im32.gulfup.com/maqQa.jpg http://im37.gulfup.com/If3Is.jpg http://im37.gulfup.com/Mbkfs.jpg
لقطه وفيها من الأِيثار = مايسعد . النفس . ياخواني لما أتت حزة الأِفطار = كلاً يباشر على الثاني تحيتي= |
28/9/1434 الرياض ( واس ): دعت المحكمة العليا في المملكة العربية السعودية اليوم إلى تحري رؤية هلال شهر شوال لهذا العام مساء يوم الثلاثاء ليلة الأربعاء ، فإن لم يرَ فمساء يوم الاربعاء ، وإبلاغ أقرب محكمة ممن يراه بالعين المجردة أو بواسطة المناظير. وذكرت المحكمة في بيان اوردته وكالة الانباء السعودية انه أخذاً بالسنة المطهرة ، واتباعاً للهدي النبوي ، ونظراً لإكمال عدة شهر شعبان لهذا العام 1434هـ ثلاثين يوماً لعدم تقدم من يشهد برؤية هلال شهر رمضان المبارك لهذا العام بعد غروب شمس يوم الاثنين 29/8/1434هـ ، فإن المحكمة ترغب من عموم المسلمين في جميع أنحاء المملكة تحري رؤية هلال شهر شوال لهذا العام 1434هـ ، مساء يوم الثلاثاء 28/9 ليلة الأربعاء 29/9/1434 والله الموفق .
بعد الخبر ماظهر في واس=تسمع لبعض العرب دبكه وان كان هل ورأوه الناس= راحت علينا البلد ربكه تحيتي= |
رمضانيات الأعوام السابقه
شهر الفضيله علينا هل=عادت لياليه وايامه يارب عفوك لمن هو زل= وتعين عبدك على صيامه ،=، انا أدري ان العرب تدري= لاكن أذكر فقط لاغير تغانم الشهر من بدري=شهر الفضيله وشهر الخير ،=، لاسار عندك عذر شرعي =وافطرت أخفيه لاتجاهر ولو كنت فالشارع الفرعي=قبل الفطور انتبه ساهر ،=، هل الشهر وابتدت فرصه=والمنتضر فرصته جاته خليك مثل الذي حرصـه=ينفق على قدر طاقاتـه ،=، تو الشهر ابتدى توّه = ماراحت الا ثلاث ايام كل الذي تقدره سوّه =وصلي لاسار العباد نيام ،=، ان كنت رغبان من جدك= ونفسك تراودك . في تركه فرصه وجاتك على حدك = وتتحرر اليوم . من شِركه عن الدخان= ،=، بعض العرب يشتري أغراض = يمكن تِكفّيه للقعده مايدري ان الأكل أمراض = لازاد حدّه على المعده ،=، ماقدّرو شهرنا والدار = وشنّو على ( جيوبنا ) حمله ياهل ترى فالبلد أحرار = ولاّ . البلد كلها همله ؟ ،=، الأجر من دوره يلقاه= ولايمنعه شي من دونه يبذل على قدر مايمداه=لو أنها ( حُق ) من تونه ،=، العام كانو هنا معنا = والكل يفطر .. مع أحبابه واليوم تجري مدامعنا = يوم المفارق .. فتح بابه ،=، حسن التلاوه مع التدبير= لو انها بس . تختيمه فالشهر تلقى لها تأثير= وفالنفس تلقى . لها قيمه ،=، بعض العرب ياعرب منصاب = مايعايش الشهر ويعيشه الليل كله مع الاصحاب = بين البراريد والشيشه ،=، ثلث الشهر ياللذي تحسب = روّح وقفى فغمضة عين ولازال عندك أمل تكسب= مادام باقي منه ثلثين ،=، كل المخاليق فاستنفار= زحمه قباء . والحرم زحمه نطلبك يالله ياغفار = سحائب الخير والرحمه ،=، بعض العرب منه تستغرب=كيف يتلذذ بشهر الصـوم يسهر الن الضحى يقـرب=ويدعسلها للمغارب نـوم ،=، من يوم هل الشهر للأن =والكل فرحان بقدومه واجب على مثلنا ياخوان = نعوّد الطفل . ويصومه ،=، رحماك . ياحي . ياقيوم = ياعالم السر والنجوى حتى الذي فالذنوب يعوم = تهديه للبر والتقوى ،=، يالمجتهد استمع باوصيك = حافظ على مكسب الاعمال لأن بعض البشر يغويك=ويضيع كسبك وراس المال ،=، دام العفو . للعباد مشاع = والكل له حق . ويحيزه واحنا بعد . فالشهر لساع = ليت التسامح . لنا ميزه ،=، ياالله يامنزل الأنعام = لك الشكر لين ماترضى اكتب لنا . زيارة الارحام= وعيادة اخواننا المرضى ،=، بقدوم شهر الهنا والخير = كلاً يطارد ورى الفيمتو وانا ابارك لكم لاغير = ياحبابنا .. وين .. ماكنتو ،=، مادام شهر الفضيله هل = جينا . نهنيك . بهلوله ماخص واحد واعم الكل = فالمنتدى . عرضه وطوله ،=، يانفسي أوصيك قبل الغير= عن الذي كدّرك جوزي جوزي وحنا في شهر الخير= وفوزي بذاك الاجر فوزي ،=، اِرسم لنفسك مع القرأن = منهج ولايختلف رتمه تلقاك فـ .التاليه كسبان= أقلّها فـ .الشهر ختمه ،=، مادمت تبحث عن المحتاج=تلقاه لو كان متعفّف اِحذر تسبب له الاحراج=خليك فالوضع متلطّف ،=، بعض العرب يدفعه حرصه=لمواصل الأهل والأرحام هيا بنا نجعله فرصه= ونواصل اللي جفى اعوام ،=، مامر طاغي عليه ايشار= أطغى من الطاغيه فرعون والعام هذا طلع بشار =ياكيف شعبه عليه يهون ،=، لابد . ياخواننا . نذكر = اخواننا . في بلاد الشام ندعي لهم . عند مانفطر= وفي ليلنا . والعباد نيام ،=، اِسمع عسى ربنا يرعاك= الشهر هذا عظيم أمره أنفق على قدر مايمداك= لو . اِنها شق . من تمره ،=، في موطني أعلنو حمله= جرياً على نهجنا . المألوف من كان يقدر وله كمله= يدفع . وماينفقه . مخلوف ،=، من كان عزمه على مايرام = يقلع عن التبغ والشيشه قال الذي جربوها اعوام=لاكيف فيها ولاعيشه ،=، با الأمس كانوهنا أعضاء= فالمنتدى كنهم شمعه واليوم ماهم مع الأحياء= ولفراقهم نذرف الدمعه ،=، من جانبي باخذ الموضوع = من مبدأ الجد فالفمتو كلاً وله رأيه المشروع=والأمر بيدينكم اِنتو ،=، يامن تهاونت فصيامك = وافطرت . يوم العباد صيام اِحرص على باقي ايامك= واندم على ماضي الأيام ،=، بعض الأحاديث مشهوره = ومنكر تلاقيه أو موضوع لابد مانبين الصوره= لجل التلفظ بها ممنوع ،=، لاشفت بعض العرب يصخب = اِحذر تجاريه بالمرّه أبعد وبعدك لكم مكسب= عنه اِدرق واتقي شرّه ،=، درب صغيرك بدل مايحوم=فالليل والقايله نومه خله يجرب نهار الصوم = ويفطر اذا صابته (حومه) ،=، يامن صلاتك فوسط البيت =حافظ على الفرض فالمسجد واطلب من الله لك التثبيت=ياصاحبي كل . ما . تسجد ،=، يامدوّر الكسب والأرباح= يامن بهذا الشهر شاقي ماعاد باقي كثر ماراح= اِحرص على جزئه الباقي ،=، شوف المخاليق مثل النهر = تجري لها فالسعي لجّه روى البخاري في هذا الشهر= من اِعتمر كنّها حجّه ،=، بعض العرب ياكثر حرصه =على المساهر ودوري زين وان قلتله اغنم الفرصه=جاوبك ألحق بها بعدين ،=، بالأمس كنا سوى نفطر = واليوم . فالقبر . وحداني وادمعي الي بدا يقطر = كل ماتذكرت خلاني ،=، حطو لهم . فالخلا . مركاز= والكل . جهز . تلسكوبه واللي بلا تقنيه وجهاز= العِلّم جابه باعجوبه ،=، يابخت منهو قضى ليله = بين المناجاة والتسبيح كل التباريك نهديله = لجله كسب والكسول مريح ،=، من جانبي ياوجيه الخير=اِمحلل الكل ومسامح وان كان مني حصل للغير= عساه للي حصل دامح تحيتي= |
اللهم اامين ومبارك عليكم الشهر والله يكتب لك الاجر شاعرنا القدير وصح السانك لاهنت |
الساعة الآن 03:10 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir