ياجريح فراق كم مثلـك جريـح=منته اول من تعـذب بالفـراق
قبلنـا قالـوا ملاييـن ٍ تصيـح=حصّلوا بالـود سـم ٍ مايطـاق
ياجريح الوقت ماشوفـه مريـح=دام فيه الحسد مخلـوط بنفـاق
والحسد مايحمله غيـر القبيـح=دايما ً هادف على بعـد الرفـاق
حيلته بالغدر مايمشـي صريـح=عاشق الحيله وعانقهـا عنـاق
ياجريح الكـل بسقامـه طريـح=دمعته تجري ويتبعهـا شهـاق
اسمع الكلمه من لسان ٍ فصيـح=والصراحه منها يجـلا الخنـاق
انتبه للـود لـو شفتـه مليـح=من يقول ان الهوى عذب المذاق

ياصقر لودرت بالكون الفسيـح=والبحور ودجت في سبع الطباق
مالقيت اللي مريـح ومستريـح=والعقل والعرف هو سيد النطـاق
ياصقر فرق الغشيش من النصيح=ماتبيـن للعـرب دون الـرواق
ودام بالدنياجزيـل وبـه نطيـح=جازل اللـي مامشالـك بالوفـاق
والجواب اقول عن ضيحه تضيح=دوك نور العلم عن خاف العماق
ماجرحني ود من كادت شريـح=ولاجرحني بعد ساحرة الرمـاق
ياصقر جرحي علي كنوز المديح=سيوف ودروع القبيله بالمسـاق
ولانقول ان الهوى دربه بجيـح=المـوده سلـم وافيـن العمـاق