((( سـكّــــر غلااك )))
تعال.. أبحكيلك عن احساسي واعبّر لك واقول=إني على شانك تحديت القرايب والبعيد ..ياصاحبي..يا المترف المياس..يا الطرف الخجول=حبك يزيد بداخلي.. ويزيد ويزيد ويزيد والله أحبك حب لايمكن عن الدنيا يزول=يمتاز عن غيره بــأنه حب من نوعه فريد ياصاحبي ماني من اللي يحترف دق الطبول=حبي لك اصدق من تباشير الصغار بيوم عيد ماني من اللي حبهم ماهو على وجه الأصول=كلامهم كله خداع وحبهم تافه بليد لجلك على قلبي نقشت(بليـز)ممنوع الدخول=لا من قراها غيرك يعَـرْف انك الشخص الوحيد يهَــوّن ولا عاد يطمع أو يفكر في الوصول=لنّـــه عرف انه معك ضايع ولايملك رصيد ذوّبت لك سكّـر غلاك وصارت النشوه بتول=تختال..لا منّــا ذكرنا فكرة اشعال القصيد لو هي على كيفي ترى خليت لك عمري يطول=ماهو بحبٍ في الحياه..إلا علشانك اكيد ومادامني حي ومعك لايلحقك شك وفضول=إني أبـدّل حبك العذب وأفكر في جديد وان كان فرقنا القدر.. والعمر تاليه الذبول=أنته تريد/ وانا أريد/ والله يفعل مايريد |
يعطيك العافية أخوي...
وصح لسانك... قصيدة ...رائعه.. بالتوفيق... |
صح لسانك واعتلى شانك وبيض الله وجهك ... يعطيك العافيه ... على القصيدة الرائعه.... ومرحبأ بك بين اخوانك وابناء عمومتك.. لا عدمنـــاكـ وننتظر جديدك.... اخيك ابوروان |
ابيات جميله .. واحاسيس راقيه ..
وحروف من قلاده .. صح لـسانك ولاهنت .. |
رقي حروفك تعدى وصف الخيال صح الله لسانك ..ولاهنت تقبل مروري واحترامي وتقديري |
صح لسااااااانك لاهنت على هالروعه
قصيده رائعه |
صح السانك ولاهنت
قصيده وافيه من راس شاعر وافي لك تحياتي |
الله يـعـطـيـك الـعـافيـــــــــــة على القصيده وصح لسانك مليون بيض الله وجهك |
لله درك من شاعر .. تسلم وتسلم
ذائقتك ... لاتبخل علينا وتثري غيرنا يالشاعر .. بيض الله وجهك |
صح لسانك كلماتك غايه في الروعه ولفتت انتباهي بالفعل أحييك على هذا البوح المتميز دمت ودام شعرك وبوحك |
الساعة الآن 05:41 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir