|
ديوان خليفه محمد المزروعي
لحظة وداع
قال الوداع وقلت ماني مودعك=اخاف من كلمة وداع انتحاري لأنته مطبعني ولاني مطبعك=على الفراق وكيف تبغى اختياري تقول تقدر وانت تشهد مدامعك=ويشهد عليه يالحبيب انهياري ارجوك كلمه قلتها في مسامعك=في داخلي حذراك لاتشب ناري مواجعي في فرقتي هي مواجعك=وبااللي بوسط اقلوبنا الرب داري عاهدتكم مدام اناحي ماقطعك=وهذا قرارك قبل يصدر قراري يامن بطيبك والوفاء الكل رافعك=والكل يشهدلك في كل الدياري على الفراق اليوم ماسرعك ماسرعك=وعذرك معي يازين ظرف اضطراري لاوالذي جامع شتاتي وجامعك=لن رحت يمنايه بتصفق يساري وهاذي خلاصة قصتي في مطابعك=يانور عيني يادفاي ونهاري |
دنياك لاتكثر عليها التحاسيف =ألا يقع ياخوك ساعة عباده وعيد النظر والعقل وين المواليف=وين الملوك اهل الشرف والسياده اللي لهم قدام عدة مواقيف=وتجول فالعالم بعز ورياده راحو وقفو واليالي مجاديف=هذا يموت وذي يولد ولاده الموت ياخذنا بخطف المخاطيف=ودنيا وراها موت ماهي سعاده اقدارنا تحذف علينا محاذيف=والعبد ماله عن مسير ه حياده وليا رقينا فوق روس المشاريف=لابد من يومن تجينا انحراده وحذراك من يومن تضيق المحاريف=وأعضاك تشهد عند ربك شهاده بالي عملته مالكم فيه تحذيف=والحكم حق ولا لكم فيه راده |
تبغى السماح اليوم ماني مسامحك=قدام لاجرحي يوقف نزيفه ياما وياما قلتلك باغ اكلمك=بحق الوليف اللي يقدر وليفه لاكن قفلتو عليه مسامعك=وأخذت شور اهل الحسد والصخيفه واليوم لو تذرف من الدم مدامعك=عيني على فرقاك ماهي ذريفه صحيح فالماضي عن النفس اقدمك=ومديتلك يمنى الرجال الشريفه ورفعت راسك لين عثرة مقادمك=ومن مجد طحتو للحياه الكسيفه ماخذت نصحي يوم بالصدق اكلمك=واقلكم حذرا الدروب المخيفه كنت اتمنى منك رجعه تسلمك=واردكم لهل العلوم المنيفه بذلت مجهودي وكليت افهمك=واصبحت همن فوق همي تضيفه وتبغى السماح اليوم ماني مسامحك=قدام لاجرحي يوقف نزيفه |
|
14/8/1433هـ
اليوم مريت جده اتمشى واشوف=قالو عروس البحر قلت الله ازيدها شفنا التطور وشفنا فالكباري صفوف=الزحمه اللي تعل النفس وزيدها حولت اقدم وراع الأمن قال الوقوف=فعلتك هاذي ترا منهي ولاتعيدها قلت العفو ياعميل الخير جنبي هنوف=والنفس خايف عليها ينطلق قيدها الود قالو هل التجريب يصدف صدوف=واهل الموده تضيع ومسهله صيدها قال انت مالك ومال الناس خلك عيوف=واللي مهي لك جنب عن مواريدها اللي كماكم قوي العرف ماهو ضعوف=والشيب لوح ولا ترقى مسانيدها قلت ابك تو شباب وحملها له كتوف=والشيب ماهو غريب وفي مواليدها صاحبك في لازمه مايشتكي من ظروف= حاماي ساقه ليا ثارت بواريدها قال انت اضنك تحسب الزين شروة خروف=شروة وبيعه في ساعه تاخذه فيدها انصحك تمشي ولاتصبح لحملك جزوف=والثلب لوفز مايطرح مفاريدها مشيت وانا اتفكر فالعبر والصنوف=والنفس مكبر مصايبها ومحاريدها دنياك هاذي بلاوي ماعليها حسوف=والمسعد اللي بها سالم منا قيدها وختامها نسأل اللي في عباده رؤف=يحمي بلادي ويحفظلي عواميدها |
المهم انك سعيده ماعليه من التعب=والمهم اني مكمل واجبي يادنيتي انتي اللي في حياتي مطلبي واغلا طلب=وانتي اللي لا اعتزينا بعد ربي عزوتي كل لحظه لي سعاده وقفتك فيها سبب=ياظلالي وسط بيتي ويوم اسافر خوتي وكل مبعد بوجودك عندنا سهل وقرب=ياغلاي ويا مناي وياحكاي وقصتي كيف تزهالي حياه وكيف ننسالي نصب=كان منتي يوم اشوفك شمعتي في فلتي منهو اللي مايقدر زو جته بين العرب=لايقول اني مكمل فاللوازم حصتي ومنهي اللي متقدر زوجها قلنا عجب=لاتقول اني عطيته في وقوفه وقفتي والنبي وصا على ألأثنين والطاعه تجب=طاعتي جنتك وارضاكي عليه جنتي المهم انك سعيده ماعليه من التعب=والمهم اني مكمل واجبي يادنيتي |
جيت ابيهم للموالف مانبيهم لضياع=وفرقتن من بعد ولف الله مكبر همها كم نادينا لهم لاكن يأبى ألإستماع=والقلوب اللي توالف معترض عن لمها تغير اجبال الطبيعه ماتغير فالطباع=النفوس اللي رديه حقدها في دمها الله واكبر صارغارب في بحر ماله شراع=ايصافق ألأمواج والدنيا تزايد غمها الجمل لو هوجمل مانحمله مايستطاع=والعلوم الطيبه ذالوقت وينه عمها لو يجينا يطلب اللي يطلبه قلنا مطاع=علمنا علم الرجال اللي تقدر سلمها مانبي علمن عن الأحباب فالديره يشاع=وتفرح الحساد وألأنذال تنشر سمها الطيب يشرا يارجال العرف ولله مايباع=وكلمتن فيها صواب اهل العقول اتضمها الحقيقه قربت والحق يبغى ألأنصياع=لا لزمه الحق ايقول اللي عليه اتمها جيت ابيهم للموالف مانبيهم لضياع=وفرقتن من بعد ولف الله مكبر همها |
لاتحسبني عدوك وانت تعرفني صديق=العلوم اللي تجيكم من عدانا خلها العدو لاشافنا مع بعض صدره يستضيق= والحقايق ياخوي الجنب عندي كلها المنافق لا لقي ثغره يفرقله فريق= ون لقي وقفت رجل ياعل نفسه علها وده ان النا س في مابينها تشعل حريق=امنيه عنده ليا فرق وشتت شملها غاية الموضوع حذرا لا نخليله طريق=الرجال اهل الحسد ولحقد واجب عزلها الرجل لاجاه علم يدور العلم الحقيق= عاقلن مايطرح اذنه لاالرجال اتفلها مايبين سدهم راميه في بحرن عميق=ياخذ ويعطي ويعرف دقها من جلها ولايجي بالجابه اللي بالصداقه ماتليق=وان نصته من الغشيم ايكبها ويزلها حامين نفسه يقيس القيس قدام الغريق=ون لقي عقده يعرف اسلوبها ويحلها والجمل لو هو جمل مانحمله مايستطيق=وانت عاقل ياعميل الخير تعرف دلها |
لاتعلمني وانا شايب مدرس للعلوم=وأنت توك ياوليدي مادخلت المدرسه اليالي علمتنا والمخاوا للقروم= ثوب ماهو ثوبنا مع البشر ما نلبسه المراجل ماتقيس ياعميلي بالهدوم=وكل رجالن بفعله فالمراجل مجلسه عندنا لا الطيب طيب وعندنا سم الخصوم=وعندنا لاجات للأمثال رسم وهندسه الصقر في هدته ياصاحبي حر وعزوم=وكل طير ليا نصاهم بالمخالب يفرسه لانويتك بالحمايل مابها ضني تقوم=والحكاوي ماتفيد وخل عنك الحسحسه ابك اشوفك في محلك لادفاع ولاهجوم=وان نصاك الهرج قمت تخمسه وسدسه لانت عارف للحقوق ولانت عارف لالسلوم=ولانت سالم ياصحيبي من خبال وسوسه لن عطيتك لا النصيحه قلت رجالن ظلوم=وان تركتك جبت لي كل العضى والمنحسه وغاية المطلوب روح لاتحملني هموم=انت خطك للخبول وخطنا لا تعكسه لاتعلمني وانا شايب مدرس للعلوم=وأنت توك ياوليدي مادخلت المدرسه |
كان ماتبغى اتجمل خل غيرك للجميل=وللحمايل مايجي ياخوك غير اجمالها من يريد الطيبه ماهمه الحمل الثقيل=والعلوم الطيبه ياحض منهو جالها من يعيش في دنيته يلقى المقابل له قبيل=واليال مداوله بين البشر دوالها صانع المعروف بين الناس مايغوادليل=كل عقده لا نصته ايحلها حلالها وانت خلك في محلك لاجميل ولاعميل=غافلن بين البشر عن دقها وجلالها خل همك في حياتك وش تحصل من حصيل=وجمع ألأموال واحرص لايضيع ريالها عايش الدنيا بخير وفي مواقفها ذليل=وان وردتو للمواقف قاصرين احبالها مالكم فالخير مد ولاوقوف ولاسبيل=والرجاله في يمينك وانت يم اشمالها |
واعدونا بالموده وشعلو نار الفراق =وللخراج الله يعاونا ونلقى المخرجي اه يادنيا تقلب مابها غير النفاق=والصديق اللي على الطالات فيها محرجي كل ماحاول يعدل جاه فيها ألأنشقاق=وعارضوه اللي يحبون الطريق المعوجي وش يعدل وش يسوي شي ولله مايطاق= كل واحد في حياته ملتبسله منهجي ابتلشنا في زمن مثبوت فيه الإنصفاق=وحارت عقول الرجا ل اللي ملول ترتجي من يميز فالجلال ومن يميز فالدقاق=ومن يعدل ساق ريمه فالمواصل تعرجي الحقيقه وقت جانا لايقاد ولايساق=وقت مقبل يعلم الله ياجما عه وش يجي مالنا غير المشاهد واليدين ابها الوثاق=نطلب الله ياعسها بعد شده تفرجي |
ولله لااحبك ولااقول كارهك=انته وانا كلن عطاله فجيجه ومن واجبي يازين فيها نصارحك=قدام صافيها يعود عجيجه لجل الحقوق الواجبه نبتعد عنك=ولولا الحقوق الناس تصبح هجيجه لاتلومني يازين وماني بلايمك=الحق حق ولا تجيله عويجه وكل مامضى قدام محفوض في بنك=واهل الحكاوي ماتحصل نتيجه أمنتني فالسرار وانا مأمنك=وتفرج لنا وانته تلاقي فريجه وهاذي علومي كلها في مسامعك= وغير المسامح مالنا من حويجه انته فيهم وبالأشاره نعلمك=وكلن نهار العرض ربي حجيجه انته فيهم وبالأشاره نعلمك=وكلن نهار العرض ربي حجيجه |
خليفة المزروعي= امس العصر مريت عدن وله شيب=ولياالصحيب اللي عزيزن عليه قلت السلام وفزلي باتراحيب=راع الفعول الطيبه والنقيه قال انت وينك سرت في علام الغيب=وأنا عيوني من جهتكم شقيه ياما نظرنالك في روس المراقيب=وياما نشدنا كل من جاء هنيه القلب في غيابك كثير المعا طيب=وإنته سهومك فالحنا يا قويه قلت العفو دنياك هاذي مصا عيب=راعي وكمل في وجوب الرعيه قلي بعد صادفتني لي مطاليب=مطلوبنا خوتك لشاذليه وقلت ودي ياحسين الهناديب=لاكن ظرفي مايجي في يديه لابد ما نلتم في صفو المشاريب=وا اوفيك يارع العلوم الوفيه قلي ترى بيتي عن الشيب تغريب=اخذ اليمين وفي هذيك النحيه وقفى ودمعه مثل صب المرازيب=وأنا دموعي زايداتن شويه وراحت هجوسي تخطي الدرب واصيب=واحترت فأمري ياحمد شالقضيه حمد جعفر الشيخ= الصدفة اللي جات من غير ترتيب=يازينها صدفه في ذيك العشيّه الله يهنيه القلوب المغاييب=والله يهني قيس بالعامريّه لاجل ايش يالصاحب على راعي الطيب=اللي نظن الطيب فيهم سجيّه وللي تعلق بك ترى الهجر تعذيب=وانته تعرف الهجر ناره صليّه ودام الدروب اللي جهتهم مهاذيب=يمه يابو مزروع حث المطيّه واقبل مشاريهه وصف المحاسيب=والله يعين اللي على حسن نيّه واليا عرفت البيت لازم انك تجيب=لازم على المدعي يجيب الدعيّه والضيف لا لزّم عليه المعازيب=تلزيمهم ما ياجي الا بغيّه وياذيب لاتشكي من الفُرق ياذيب=الدمع ماهو لك والا بليّه لو المها ظلّت دموعه مساكيب=طبطب عليه وقول صبرك عليّه |
قالت أنك ما تبيني قلت لا حاشى وكلا=حبكم فالقلب لونه يجينا مايجينا بس أنا خايف من اللي بالمودين أيتسلا=وأن وقعت في حبهم طيحه محد سمى علينا قالت أنظر فالعيون اللي من أدموعي تملا=وأنت تعرف وش قدر حبك على حق ويقينا قلت انا قلبي لكم يازين رحبك وهلا=وحبنا يبنى على العادات من تقوا ودينا قالت أقبل يالعميل وراعي الطيبه تعلا=ومن وصل باب العرب يلقى رجال مرحبينا وشلت من عزوة ربوعي وقلت ياربي تحلا=ويوم قبلنا لقينا من الرجال الطيبينا فلة أحجاج المعزب عقبها فنجال دلا=والعلوم الغانمه وبعدها الكبش السمينا وقالو المطلوب و قلت اليل ياليلي تجلا=يا عسى همومي تحل وياعسى القاسي يلينا قالو المطلوب قربك وأنت لطيب تضلا=قال اشاور قلت حمدي ياإلاه العالمينا وتمت الخطبه لاكن الحض والقسمه تبلا=وأصبحت من حض غيري والعوض لاالصابرينا |
ليه تتبعلي علومن منقديم مسكره=ليه تبحثلي جنايز فالقبور مدفنه مامضى قد راح لاتتعب وكب البعثره=ولاتحرك فالقلوب الام لي مسكنه ليه ودك ياعميل الخير قلبي تكسره=قلب فالماضي لكم ماغيرك اللي يسكنه الكسر لن كان كررته صعب ماتجبره= لاتقول اني صديق وخل عنك الملعنه لاتوهق ثم قلت العفو عند المقدره=معاد ينفعك التوجد والعذر والمسكنه بعد بانتلي علومك كل طيب تقبره= واليالي ادور وانته لفها ماتذهنه كم تحملنا وقلنا صاحبن مانخسره=لين جانا وقت لو اخوك يصعب تظمنه وقت جانا بالمشاكل وقت ولله مغبره= والنهايه كل واحد مثلكم ما نأمنه |
ان بنيت البيت ماأسست لاترجي ضلال=اعرف انه في مهب الريح كوم ومنهدم والأصايل ماتحصل غير في ايدين الرجال=والهبيل اللي من الطالات دايم منحرم والشجيع اللي مايمسك في جويدات الحبال=فالمراقي لو يبي يرقى يطيح وينصرم والنصيحه بالذهب تشرا قبل سلم الريا ل=والدروب العوج من يمشي بها خاب وندم ون وطاك الحق من عقال لاتكثر جدال=من رضى في ضلم غيره في حياته منضلم اعرف ان الحق نورك والجهل ساس الضلال=ولحية الرجال تلزم خير من خط القلم وخل خطك خط واحد في رضى رب الجلال=وكون راضي بالقدر واللي قسم ربك قسم ولاتدخل بيتك الا مال من مصدر حلال= واحذر الدنيا تراها ضل زايل منعدم والبدايه والنهايه كلها ضعف وزوال=ومن يقيس القيس قبل الغطس من غرقه سلم |
رحم الله شاعر حرب الشيخ مبروك العصلاني ابو ناب رحمة واسعه واسكنه فسيح جناته
وعضم الله اجر حرب واجر اهله وربعه
عساك للجنه وعسى الخلد مثواك=يامن على الطلات طلقا يمينه في ليل جمعه من خلقكم توافاك= والنفس للمولى تراها رهينه مؤممن مصلي موفي الناس بخطاك= واللي كماكم جعل ربي عوينه مغلاك في ربعك وفي حرب مغلاك=مبروك للوقفات حامي عرينه ذكرك مع العربان بافعال يمناك= وعرق الحميه فالضفر في جبينه للجار عز وضيفكم ماتعداك= والطيب دايم فالعرب مكسبينه زبيد حرب وحرب تشكي بفقداك=حتى شبابه من بعدكم حزينه الله يعاونا على حر فرقاك= ويضفي علينا بالصبر والسكينه |
سلام للي يملكون الرجوله =واللي شرب من عرف الأجداد مشروب نمرن ليا طالع في شين ينوله=وأسمه مع ألأجواد من نقش مكتوب وليا اتكى لحمول قال محموله= وفالمملكه ركنن من اركان محسوب ون دق زير الحرب قيل احسبوله=هذا ترا غالب ولاهو بمغلوب هذا ولد نايف اساس البطوله = وغيثن على منهو في دنياه مكروب قلبن حنون ويبتسم لا الطفوله=غصبن على ألأنذال محبوب محبوب ماهو بهين للوزاره وصوله=ضحا بنفسه وللأمن صار مطلوب علمن اقوله والخلايق تقوله=ومن ينكره جاحد وحاقد ومصيوب وياهل الوفاء بالمملكه باركوله=اللي بحزمه ثم ألأخلاق مهيوب |
ماهو كذا ياللي تربون ألأطفال =الظرب جور وفالنهايه جريمه قاري خبر ماكان يخطر على البال= ولله ماتقدم عليه البهيمه قالو لمى ماتت ومن يد قتال=تدرون منهو يالعقول السليمه من اب يحسب من رياجيل عقال=ينها عن المنكر ودينه يقيمه في جبهته سجده وبالعلم رجال=وعلوم فالشاشات قالو حشيمه وليوم أشوف اعلوم وتصيب بهبال=بنته مخليها في حكم اليتيمه وبضربتن ماضن جاته على بال=انه بيدفنها ويحمل ظليمه ومدري عنه في محضر البحث وشقال=لاكن ربي بالنوايا عليمه وأنا أشهد أن الدين ماهو بالأشكال=الدين ساسه فالقلوب الرحيمه وألمعذره من دهشتي صغت ألأمثال= ماهو تشفي والتشفي وخيمه |
ماتنحلق لحيه على وجه رجال=الا يقع رجلٍ يبيع الرجوله في مامضا شعره تجزي عن المال=ولاقيل مكفوله يقول مكفوله في وجه راعيها لها قدر وجلال=يكفي لها تقدير سنة رسوله مهذبه ومقدره عند عقال=اللي حمتها عن علوم الهتوله وبعد المعزه والقدر ذاك تنشال=ويدفع على شيل المعزه عموله ياحيف ببسط شي ياناس تنزال=ومقدارها يطرح بكل السهوله بالموس والحلاق من جنس بنقال=والخد يمسح والوجيه مغسوله وتكنس بمكناسن على كيس زبال=وأهل العقل تنظر والأشيا مهوله تدورن شلي غير الحال عن حال=تقليد غربي والعقول مهبوله |
خليفه ما شاء الله عليك تصدق استعرضت قصائدك استعراض معجب احسست ان كل قصيدة قالب واحد بعض القصائد من أول لا تستعرضها تجد فيها عسف لكن ما شاء الله قصائدك لا تعترض المتذوق ولو هنة في بيت أكيد ابو علي له تأثير عليك في القصائد كما له تأثير علي في الكسرات المشكلة الوحيدة التي تعترض البعض وأنا منهم أنا تأطرنا بإطار يحجب عنا شعر الغزل لذا نطرقه على استحياء الحمد لله الشعر في خير مادام أن أمثالك يطرقونه دمت مبدعا |
غرتني البسمه وغريت ألأفعال=ولادري هذاك اليوم وشهو جرالي من قبل أشوفه كنت من ناس عقال=ومن بعد شفته كن بيه هبالي رجفه وحاله كن فالأرض زلزال=ولدري شكينا له ولا شكالي انا ملول فالمواقيف رجال =وفي صدفته ياناس غربلت حالي حاولت ارتب حالتي قبل ألأقوال=وابدي علومي يمته با لكمالي ولياعيونه كنها سهم قتال=والوجه بدرن مكتمل فاليا لي نعمه عطاه الله في كل ألأحوال=ولا شفت مثله فالدلع والدلالي قال انت وشبك قلت ياطيب الفال=لاعد لامكسب ولا راس مالي اللي في وسط أضلوعنا كيف ينشال=في شبك محكم صنع رب الجلالي قلي تمد العين للقلب ألأرسال=وأنته مفليها بليا عقالي وتصبح ضحيه لاالشياطين ألأأنذال=من عقب منته في حياة العدالي قلبك جمل والرب كلفك جمال=وانته تقوده باالعقل للعدالي اياك ثم اياك لاتفك موال=وتغرق في بحرن دون قاعن وجالي والحق حق ولايجي فيه مجدال=اخذ السمان وخل عنك الهزالي وليا النصيحه تنشري بكل ألأموال=أخذتها وأبعدت والرب والي وغضيت طرفي وبدل الحال عن حال=ومن يومها ريحت عقلي وبالي |
الله واكبر بعد عزه في شبته=وش حالته لاقرب العمر سبعين يوم ايتشكا من عيونه وركبته=والثالثه تلزم على دعم ثنتين ويصبح يكايل في همومه وشيبته=العمر روح والجماعه مقفين بعد الشموخ اليوم همه في وقفته=راح الشباب وراح معه المودين من عقب مايرحم يدور لرحمته=يارب عفوك يامغيث المساكين كله هموم ولو بدالك بضحكته=يضحك وصدره كن فيه الطواعين ون قلتله علمك شكى هم وحدته=يبغ ملبي مالقيله ملبين حتى عايله هرجته غير هرجته=ولاجوه ساعه بالسواليف عجلين مد الشباب ولالقي رد مدته=دينن عطاه ولالقيله موفين واوصي شباب اليوم جده وجدته=وامه وابوه وقربته والموالين ترا الرضى با بٍ ليا جات كربته=باب الفلاح يبدل العسر باللين اسنين تجريبه ولنه في كسرته=ومايعمله يلقاه وتشوفه العين |
اقتباس:
أسعدني مرورك ومن نستفيد لاشك وابو علي مدرستي وله فضل على كل شا عر مزروعي ويعتبر رمز لنا وشعار قبيلتنا الله يحفظه لك فائق تحياتي وودي |
سعيد المزروعي= انت شايف ياخليفة كل شي ولانت شايف=الكلا م اللي وصلكم ليه مايبلغ مقره عندكم قالو بينبع نازله عدة وظائف=والمرشح لا ذحينه مالقي علمٍٍيسره مطلبي ماهو مكلف لو حسبتو للكلايف=والطريق اللي يمرر تعرفه ناسٍٍتمره مايحل المعضلات اللي على الدوار خايف=وكل فارس فالملاقا ينعرف كره وفره والتجارب علمتني وعشت مع عدة طوايف=وكل صاحب له صحيبن في لزومه مايغره والمواقف عند اهلها شامخه مثل النوايف=ومن سعى للخيريلقى خير والشر مايضره راحت الناس المصيف ولا لنا معهم مصايف=ومن يبلغني مصيف اصيف به لله دره قل لبو بندر سلام أهات قلبي والحسايف=مالنا وسط الكواكب لو كوكب فالمجره الرد = خليفة المزروعي= ابك عارف ياسعيد كل علمٍٍله شوايف=والكلام الي يجينا من جهتكم له مسره من يقول ان الوظائف عندنا بالعلم هايف=لاتسمع في كلام اللي يكبك في مغره ماحسبنا للكلايف لو على حد الرهايف=فاللوازم لانكل ولانمل ولانتشره مايحل المعضله غير الكريم الرب رايف=خالق الطفل الرضيع وكافلن رزقه ودره اليالي علمتك وعلمتني بالوصايف=مايجي للحمل غير اللي عطا للحمل قدره وعد اوصلك المصيف وتاخذ الفنجال كايف=والحقوق اللي علينا واجبه والحق قره ماتصيف الناس وانته ياسعيد منت صايف=من يبر الناس يلقى فالعرب منهو يبره والسلام اللي لبو بندر وصل والعلم طايف= لا الشيوخ اللي لهم فالمرجله بصمه وجره |
واعيني اللي شارد النوم عنها=والفكر حاير والعواقب مخيفه ان قلت خايف واجب الخوف منها=الوقت شين وبه خلايق عنيفه معاد فالدنيا مبادي تصنها=وان راح طيب مايجيله خليفه إن قلت دنيا دايره في سننها=الدين فينه والعلوم الشريفه الحقد في صدور العرب ممتحنها=دنيا البشر قامت عليهالفيفه وألأخر ه نسيت ونسيو جننها=ورضيو حياة الذل بعد المنيفه الشام يشكي ويشتكلي يمنها=وحنا نطالع بالعيون الذريفه أعراضهم واطفالهم في محنها=معقول ننظر والمحايل ضعيفه الله وأكبر وين راعي رسنها=اللي يريعها لاجات الحفيفه ويردها لدروبها في قننها=ويكحل عيون أعدائها بالرهيفه |
((موجه للشاعر القدير حمد جعفر الشيخ في 1/5/1434هـ))
اول كلامي نبتدي بالسلامي=لا الصاحب اللي له قَدر وأحترامي الصاحب اللي لصداقه حزامي=الشيخ ابن جعفر عسى الله يعافيه من بعدها لابد لاالشعر ألأسباب=اسباب لاالشعار تفتح لها الباب حتى المثايل في معانيه تنساب =ويرسل على عاقل يميز معانيه اليوم انا في بر جالس لحالي =ومحضر الدله ومرتاح بالي العافيه والدين هي راس مالي=والحمد لله خالقي دوم نرجيه دنياك ولله ماعليها حسوفه=وغلطان منهو متخذها كلوفه والله ياوقتن علينا نشوفه=وقتن على العربان كثرت بلاويه شوف الفتن ياصاحبي فالعروبه=وقل العقل زاد الشبوبه شبوبه وأهل العقل والميز فيها مغصوبه=تناظر الجاهل متقدر تقديه ان جات تحكم حكم منزل في قرأن=تدخل الكفار بحقوق الأنسان وحق البشر محفوض في حكم رحمان=الخالق اللي كل خلقه مراعيه ولله مابعد الحكم بالشريعه=يهل العقول الصاحيه والرفيعه والدين للمسلم حياه وربيعه=ماهو ربيع الغرب واللي تسويه الغرب يبغى التفرقه والشتاتي=ميريد للمسلم في دنيا حياتي يبغى لنا الذله وكسر العصاتي=هاذ الذي وده علينا يسويه وحنا مشينا خلفهم ياخساره=من العز خشينا في وسط المغاره اللي يولع في حزامه شراره=بلوه يساره في يمينه تكويه ضعنا وضيعنا الحما ولحصانه=ولعاد لامذهب ولاشي أمانه وخوفي على اللي مابقي من ديانه=الله يستر لاتغير مباديه |
إن كان ماتقدر على شيل الأثقال= عند أيش تاجيني لها وتعتذرلي مليت من كثر التعذر بالأعمال=ياصاحبٍ في لازمي ينثنيلي ماللمواقف يلخوي غير رجال=اليا رسلته مايعاوز دليلي ماهو كمااللي فالمواقيف ميال=كل مانصيته بالعذر يشتكيلي نمرن لياجات المعاني فالأقوال=وان عودت للجد طفلن ذليلي لاخير فيه ولايفكك من إشكال=غير النشب من صحبته ما يجيلي وجدي على اللي حروالهرج الأفعال=اللازمه محط فيها وكيلي وإن جاك في مجلس ينومسك لن قال=طوله ويرقى كل رجمٍ طويلي عقله رزين ولاالشرابيك حلال=في ربعته والجار راعي جميلي هاذي هجوسي وقفت لو لازال=فيها وفيها مانبيها تطولي |
لاتامن الدنيا يلو اضحكت يوم=تبكيك باق ايامها دون شكي اليا سلمت افسهم صابتك بسهوم=ياكم شامخ من بلاها متكي وياكم فيها من مكبل ومحروم=لوشفت حاله فالحقيقه يبكي لاكنك أذهن واعرف الكل ملزوم=عن القدر لو طرت ماشي مفكي حنى بشر ونعيش في أسرور وهموم=بابن يصك وباب ماله مصكي حذراك من كبرٍ ترا العز مايدوم=ترفع براسك وااليالي ملكي بلكها ياصاحبي تفرك اخشوم= وإن جيت أعد أعلومهم وشتحكي كانو قروم القوم في عالي ارجوم=دارت عليهم وأصبحو فالمحكي الله وأكبر مانوجه لهم لوم=الا يقع رجلٍ لحاله يزكي هاذي نصحيه موجهه بخط مرسوم=من شاعرٍ عنده للمثال صكي |
الحقيقة قضيت ثلاث سنوات في محافظة العيص تلك المحافضه الجميله لظروف عملي واثني على محافظها الأستاذ علي البريكيتي ابو محمد وعلى مشايخ العيص وجميع سكانها الطيبين الذين لم نرا منهم الا كل طيب وحسن استقبال وكرم للجار والضيف وليس غريب على جهينه .
واليكم ماهاظت به مشاعري
يالعيص ولله لك معزه وتقدير=والرايه البيضا ء لمن فيك ترفع يالعيص يامنبع هل الطيب والخير=عزوة جهينه بفعلها الكل يسمع ابطال في وقت المواقف مناعير=احرار للعليا بالافعال تطلع يالبة ابن غنيم ياهل المغاتير =واهل الدلال وللمساير تجمع ياهل النخل وأهل الو جيه المسافير=ياهل الخبر بالصدق لاالصدق مرجع يامحتمين الجار من كل تكدير=يامكرمين الضيف من كل منبع عسى السحاب اللي ركوم ومزابير =يسقي ديارك واليانابيع ترجع بأمر ألولي مدبر الكون تدبير=الواحد اللي بأمره الكون يخضع وضلي اجبالك خضار ونواوير=وتربع الديره على عز مربع ويسعدبك الزراع وراع الأباعير=وراع الحلال اللي على العشب يرتع |
قالو علامك قلت مابي ولاشي=غير الذي يبغى الغلا بالرخيصه ميت مع العربان لو شيفته حي=عزي لحالك يازبون النقيصه يوم المواقف مسكته مسكة المي=مايلزم راع العلوم العويصه وإن جاء نهار المصلحه مالهم زي=يجري عن اليمنى مشمر قميصه اللي كماهم صحبته تنطوي طي=والنفس عن مثله تشوم وحريصه مافيه خير ولا يجملك في شي=مالك ومال الخوه اللي غصيصه وان جاء يدور خوتك يافتى عي=خله يدور للمشاوير نيصه عودن يباس ولا يضللك بالفي=يقطع حطب لاالنار ولا رصيصه |
ترا الشعر ماهو على ناس محكور=مثل البحر كلن يجيه ويمره ادم وحوا كل منهم له الدور=كلن على معناه قافه يجره شعر المعاني جزل ويجيك محكور=وليا تغنابه مغني يسره وشعرن بلامعنى كما هرج منثور=لايعجب السامع ولايشاف صطره وراع التكلف مثل من يشهد الزور=لابد مايكشف مع الوقت ستره وماهو بعيب اليا انكتب تاخذ الشور=من رجل عنده في مبانيه خبره عيب التكبر ونت فالشعر مكبور=وقافك مع الشعار يمشي بكسره وأحذر بدون الساس مايقوم معمور=مبداء القصيده ساسهازيد حكره |
سلام يانمرن معدي على ضلع=ضلعن طويل وحامي الكل حوله عينه لشعبه والنظر يرفعه رفع=في حكم اب ويعجب الناس زوله يعطي من الجزلات مايمنعه منع=وكل الصعاب يحلها في حلوله وافي مع الوافين ويجمع الجمع=وإن غاب ربعه كلهم ينضروله إن قلت طبعه للعداء يشبه الطبع=طبع الفهد في صطوته في في فعوله وان جيت لاالطيب مغطي على الربع =كل شي من طيبه يقول ويطوله من ساسهم مزروع فالطيبه زرع=تاريخهم معروف كلن يقوله ذاخادم البيتين سبعٍ ولد سبع =يكفيك عن هرجه مشاهد فعوله له حق نعلنها له الطوع والسمع=مدام شرع الله مطبق أصوله ويمنى تخالفنا لها السيف والقطع=أعدأنا بأمر الولي مخذوله حنى سعودين لملوكنا درع=نهار صايحها نشيل الحموله وفي عهدنا ماضين مانعرف الرجع=كل واحدن منا لعهده ميوله |
سلام مني على جيش ألأحرار=من قايده يالين راع الخفاره انتم حرار القوم شبابة النار=والحر قالو يكتفي بألأشاره وأنتم حماة الدين يانسل الأنصار=وأنتم هل التاريخ وأهل الجداره ياسنة الإسلام لوصار ماصار=النصر قادم وبشرو بالبشاره لابد من يومٍ نشوفه في بشار=من القصر يمسك في وسط المغاره هاذي نهاية كل خائن وغدار=من باع دينه بشره بالخساره والفرس والروسي لهم رب جبار=قادر على الكفار بشعال ناره الكل منهم فتنته داخل الدار=والرب قادرحرقهم في نهاره ولا العراقي اصبح اليوم محتار=مكسور ظهر ولاتفيده جباره خلوه في حيره وبالفكر دوار=معاد يدري وجهته في مساره من بار في شعبه مع الجار بوار=لاشك ضيع فالعروبه وقاره حنا سعوديين لاالدار والجار=لاخير في من لاوقف دون جاره ياللي تهددنا بضربات طيار=ماتدري انا لاالصقاره صقاره رجال فينا عن مية رجل مغوار=لادق زير الحرب حماي داره حنى الشهاده عندنا غاية إصرار=والموت للمسلم حياه وعماره يومنكم بالخوف تشرون الاعمار=حنى نبيع العمر لاالدين شاره وختامها صلو على سيد الأخيار=نهار خير كان الأعلى خياره |
كيف العرب في وجوبها تنفض الريش،،،وحنا مبين وحوش في وسط غابه
اعدائنا في ديارنا كونت جيش وتسرح وتمرح دون خوف ورقابه وحنا على ماقيل من طيش في طيش لاراي في وحده ولاشي حزابه الجامعه حطت ولادري على ويش مايوم كفت للعروبه صبابه حنا رجال الدين محنا دراويش حناعرب فينا النبي والصحابه حنا هل التارخ وأهل المحاويش حنا لنا بالدين عز ومهابه حنا لنا التاريخ من دون تفتيش وليا انتصرنا مابها من غرابه ماخبر صقور القوم تهتم خفافيش لو الزمن سوا علينا انقلابه لابد من يومٍ تثور المهوايش كلن على رأسه يشد العصابه وعين العدا تنقش لهم بالمناقيش وترد فرحتهم عليهم كأبه وأنته ياحزب ابليس بشويش بشويش شرٍ على وجهك وفكيت بابه بانت نوايكم وشفنا المغاشيش وحلمك كما مجنون يطرد سرابه |
كيف العرب في وجوبها تنفض الريش=وحنا مبين وحوش في وسط غابه اعدائنا في ديارنا كونت جيش=وتسرح وتمرح دون خوف ورقابه وحنا على ماقيل من طيش في طيش=لاراي في وحده ولاشي حزابه الجامعه حطت ولادري على ويش=مايوم كفت للعروبه صبابه حنا رجال الدين محنا دراويش=حناعرب فينا النبي والصحابه حنا هل التاريخ وأهل المحاويش=حنا لنا بالدين عز ومهابه حنا لنا الطالات من دون تفتيش=وليا انتصرنا مابها من غرابه ماخبر صقور القوم تهتم خفافيش=لو الزمن سوا علينا انقلابه لابد من يومٍٍ تثور المهوايش=كلن على رأسه يشد العصابه وعين العدا تنقش لهم بالمناقيش=وترد فرحتهم عليهم كأبه وأنته ياحزب ابليس بشويش بشويش=شرٍٍ على وجهك وفكيت بابه بانت نوايكم وشفنا المغاشيش=وحلمك كما مجنون يطرد سرابه تدرجبك اقدامك يالين المباليش=وتبلش في يومٍٍماضربتو حسابه تذرف دموعك مثل رش المراشيش=وتلطم خدودك من فعول الذيابه |
ياالله ياللي معتلي فوق عرشك=ياوحدٍ كل الخلايق ترجاك ياالله ياربي لك الملك وحدك=ياعالم الأسرار ماشي يخفاك ياخالق ألأكوان والخلق خلقك=ياراعي الرحمه بنا اليوم رحماك نزلت ادم بعد زله بحكمك=وأعطيته الغفران يارب بحماك انته الرحيم الحق والجد جدك=مالي سواك اطلبك يارب غفراك احن من امي عليه بعطفك=واحن من نفسي على النفس بعطاك مهما عملنا مانوفيك حقك=انته الجواد وكيف يارب نجزاك كونتنا من ضعف والصنع صنعك=والأرض أرضك والسماء فرعها أسماك والغيث غيثك والمنابيت زرعك=والكون كله طيته طي يمناك يارب ترحمنا بخيرك ومنك=وتفكنا يارب من شر دنياك وأعوذ ياربي من إنسك وجنك=وأعوذ من نفسي اذايوم تعصاك مالي وصل يارب من دون وصلك=وطماعتي يارب طاعتك ورضاك ولاريد قرب اف دنيتي غير قربك=ياغايتي ياعزوتي مالنا سواك في دنيتي وان مت ربي في وجهك=انته الكريم ومزبني يوم ننصاك |
إن كان ماتحمى القرابه المواقيف =لاخير فيها ما عليها حسايف خليفه المزروعي في١٢/٩/١٤٣٤من لايعدي فوق روس المشاريف=يحسب مع الهافين مع كل هايف لاتقول ليه ناس وقت الصواديف=عدك وحيد وقول يارب شايف الطف بحالي بعد فقد المواليف=وانت الذي للعبد خالق ورايف الناس تحسب فالوجوب التكاليف=وكلن على حاله محرص وخايف راحو رجال العرف واهل المعاريف=اهل المواقف محسبو للكلايف يحمون ساقه لوعلى الخيل والسيف=ماردهم فالواجبه طيف طايف وإن سلتني عن عالم اليوم ياحيف=اقولها ياخوك من شي شايف |
ياللي نزلت السوق وتقول ساعه=عديتلك فالسوق لاخمس ساعات خليفه المزروعي في 28/9/1434في ليلةٍ فيها عباده وطاعه =وحنا في شغل الزبرقه والملذات دنياك لو زانت تراها مضاعه=ياما مشى عنها ولاسد حاجات ومن طاعها راحت حياته قطاعه=ويخسر خساره من كبير الخسارات حاولت اكبك بس وين الشجاعه =اللي تساعدني على اخذ القرارات اخاف من ردت فعل والتكاعه=ومن بعدها مدري على اي اتجهات اما نجيب العيد قبل ألإذاعه=ولايجي فالعلم بعض النزاعات ويفرح علينا من يحب الإشاعه=اهل الحسد والكذب واهل النمامات وصبرت لين الصبح بين شعاعه=وقلنا فدى راسك ياراع المهمات عسى المقاضي ماركه فالبضاعه=ماتكون صفقه من رجال التجارات |
سلم على اللي له فعولٍ ومنهاج=منهاج صدق وفي علومه فلاحي وليا نصيته كنه العد هداج=يرويك عرف وفي علومه نصاحي اليا وقعت افضيق دلك على افراج=يمناك لا جات اليال الشحاحي وخلك من اللي فالمخاليق دواج=علة نحر يسقيك سمٍ ذحاحي ايقول مالك هم ويسير مواج=ايموج عنك وكبكم فالبراحي عن واجبه يسعى على اي مخراج=مايوم تلقى من جهتهم صلاحي كنه جمل عن ساير االذود هجاج=وليا وطاه اليل جاك المراحي ياكل ويشربلي على فلة احجاج=عايش حياته كل ابوها مطاحي وسط المجالس خنثرين وهراج=ثقيل دم ومكثرن فالمزاحي انصحك تعطي عن مثل ذي الأفجاج=وادعس على اللي ماوراهم رباحي |
الساعة الآن 01:43 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
