( اموت بحسنك الباهر )
 

/
/
/
/
/
/
/
/
/
/






اموت بحسنك الباهر ويدفعني عليك الشّوق
ونفسي فيك مفتونه ومرهونه ومغروره
عليّ احقوق في وصلك وفي وصلي عليك احقوق
وكلّاً قام بالواجب ولا بيّن به اقصوره
تبادلنا غرام الودّ على عهد الصّفا الموثوق
ولا اخفينا مشاعر حُبّ بين اثنين مخشوره
اعيش الحبّ في حبّك بلحظات السّعد مرفوق
وساعه ماهي بقربك على الحسرات مهدوره
ياليت العمر يمدينا ويمشي وقتنا برفوق
مادام بحبّها العذري تعيش النّفس معذوره
ياساحرني بنظراتك وفي حسنك وفالمنطوق
ملكت احساسي المفعم بورد الحُبّ وازهوره
وعنك البال ماغيّب ولا ليله يشوف شروق
هواجيسي قبل نومي تصير احلام مقروره
وذا يعني هيامي فيك عن حدّ العقول يفوق
اعيش الحلم مستيقظ واشوف النّفس مسروره
سبايب حسنك الفاتن شغلت البال يامعشوق
ياراع اخدود ورديه فزينك عين مبهوره
حروف الشّعر في زينك تفاخر فيك لنّك ذوق
وتعجز تحصر اوصوفك بيوت الشّعر يااسطوره
وهذا الشّعر من نظمي نظمته فيك يامرموق
وفيه اوصفلك شعوري عشان تكون فالصّوره


الشّاعر/ خالد بن عبيد بن معتوق ألأحمدي

يسلام
صح لسانك ويسلم فكرك وينانك
تحياتي

قصيده جميله
صح لسانك


تحيتي

الحب الباقي
شكرا لك على مرورك العطر

الله يسلّمك
ياطلق المحيا
وصح بدنك
وكلّك ذوق

الغالي/ ندا الغيداني
صح بدنك واشكرك على مرورك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك