نخيت قلبي وأنتخى وقال لي سم
 

السلام عليكم ورحمة الله وبركاته

نخيـت قلبي وإنتخى وقالي سـم
قلت السلف قال أبشـر الدم دمـك

خذ مابغيت وخل من صافي الدم
وأنثـر على بِيض القراطيـس همك

و سَطِّـر بِحُــرّ الــدم قـافٍ منظــم
ما عاد لي طاقـة على شيـل غمـك

قلت الصبـر زيـده على كايـد الهـم
لا تَلْفِــت الشــمَّات يمــي و يمـــك

يـا قلـب تكفـى قولهـا قال لـي تـم
قلتـه كفـو جعـل السعــادة تعمـــك

أهل الردى حذراك يا الحـر الأقطم
أبعـــد عنــه قــدام سمــه يسمـــك

ولا تامن أهل القال والقيل والـذم
مـن ذم أحـد عنـدك ليـا راح ذمــك

وإحذر من الخواض فالعرض والنم
إن جـاك فيـه نَـم و إن جـاء ينمّــك

ولا ترجـي المقْفِـي ولو هو ولـد عـم
عنـد الشدايــد فـي شتاتــك يلمـــك

ولا تضيــع حقــوق القرابــه وتنــدم
وأولـى بهــم بإحسانـك أبـوك وأمـك

وللحاشيـه من بعدهـم حـق وأهتـم
بحقوقهــم مـن يـم خالـك و عمـــك

والظلـم وخـم ومرتـع الظلـم أوخــم
وأحــذر مـن المظلـوم دعـوه تخمــك

البيرق

صح بدنك ملايين
الله يعافيك
ووجهك أبيض
تحياتي

صح السانك وسلم فكرك وبنانك

صح بدنك
وسلمت كلك

صح بدنك
ومن يقول يسلم