هذة ملعبه قبل اربع سنوات بين مبروك ابوناب وراشد السحيمي،،
وللاسف ماحفظت الا هذه الابيات،،،
لانها على معنى ومغنى,,,
واسمحولي فالتقصير

ياراشد انشدك علمني دخيل اللي عافيك= ماشفت ذاك المريض اللي يحول الياس دونه
عهدي به العام من دونه يجي عشره شبابيك= وآحالة اللي يشوف الموت مع نظرة عيونه
ماني معلمك يامبروك عن حالة بناخيك= اخاف ربعك زبيد اللي وراك يدورونه
واحظه اللي رمابه تحت حكامِِ صعاليك= ناسٍ يعرفون وش حكم الربا ويحللونه
زبيد ربعي تغيضك يالسحيمي غاب طاريك= من فعلكم شاب راس الورع مانبتت سنونه
لاواهني من غزاكم بالسواري والتماتيك= يالين راسك يابو قرنين نكسرها قرونه
حنا نحسب البلا في وقتنا واثر البلا فيك= واصلكم الموت لو الموت ماتستاهلونه
والله لا اوريك لو طال العمر والله لا اوريك= حتى ليا شفت لك رجال غافل ماتخونه
مابي بلا ء يالسحيمي ولا انت يامكثر بلاويك= بلواك في وسط بطنك كل علم تكرفسونه
وان عاش راسي لااحطك في لهيب النار واشويك= وان كان جاك الزبيدي حاربه لاترحمونه