سلام الله سلامٍ يشفي المرضان مثل الطب=يشافي كل رجالٍ مريض ٍعلته عله
لياحولـت في سوق التـجاره صار لي مطلب=ودرب أهـل الصلاح اسلكه أنا واعرفه وأدله

هلا يامرحبابك عد ماهل المطر ياالذرب= على سلم الرجال اقلط وحسب الدين والمله
الى شفناك في سوق الغلاء هو غاية المكسب = يشرفنا وجودك والكلام الزين في حله

يدوم الك البقا وأنا برحب بك وقول أرحب=ماجاني منك غير الطيب أنا ماجاتني زله
أدور للجزاله والجـزاله لجلها بتعب=وكـلامك يعجب اللي يستمع له عجل وهله

تفضل ياولد وانزل ديار القوم واشرب = ترى ماكل رجالً يشرب صافي الدله
ترى ملي الديار سباع وذهن مير لا تنشب = ترى كل الدروب مقضبه والعلم افطله

ترى ماكل رجالٍ يجيب العلم لونحسب=وشجيع القوم والله مايحسب أحساب لذله
أنا جيت السباع ابدرها وأنا لها مرهب=معي سيف رهيف الحد قدم أوجيهها أسله

اجل جيب القلم جيبه وابا اشوف وش تكتب = ولا ادري لو بثان السطر منك تبين الخله
انا ماعمر شفتك يا طويل العمر بالملعب =واظن السيف يا بن الناس جاه الذيب وشتله

ليا مني لعبت العب وحقق فوز أنا وغلب=وشيء ودي أحققه أنا ملزوم أبا صله
ترى مانته نجم وسط السماء والانته مدرب=لكنك عوذ من أبليس واحسن خلها فله